1 Samuẹl 29:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọtiọye na gbe vrẹn vwẹ irhiọke ride wọ vẹ idibo re ọrovwowe ra vẹ owẹ gba rhe na; rere wo mu oyan họ irhiọke ride, rẹ ọke de ghwe rhie

1 Samuẹl 29:10 ပူးပေါင်းရင်းမြစ်များ

Jẹnẹsis 22:14

Kọye Ebraham de se odẹ rẹ asan na Ọrovwohwo re sa kẹ: eriyin ọ epha rhi te nonẹ na, Vwẹ enu rẹ ugbenu rẹ Ọrovwohwo Etiyin a da mrẹ.

1 Ikun rẹ Ivie 12:19

Evo vwẹ ihwo ri Manasse sa djẹ bru Devid rọ vẹ Filistia rhi vwo phi Sọl (Dede jẹ ọ cha ayen uko-o, fikiridie isun ri Filistia jẹ irọro ayen da djẹ kpo tanẹ, ọ de rhi miovwi kẹ avwanre kọ djẹ jẹ avwanre vwo bru onini rọye, Sọl)

1 Ikun rẹ Ivie 12:22

Kẹdẹ kẹdẹ kọye ihwo vwo bru Devid cha chuko, bẹsiẹ, ra ke rhe mrẹ unuofovwi rode, kerẹ unuofovwi rẹ Ọghẹnẹ.

1 Kọrẹnt 10:13

O vwo ọdavwini ọvuọvo ro te we oma ro jẹ ohwo ọfa oma ete-e. Ọghẹnẹ ohwo rẹ uyota, ọ sa rhọvwe nẹ a davwẹ owẹ ni vrẹn obo rẹ udu wẹn gbare-e, ẹkẹvuọvo vwẹ evun rẹ odavwini na ọ je gbẹn idjerhe wọ vwọ djẹ vabọ, rere wo vwo se chiro.

2 Pita 2:9

kẹ ọtiọye Ọrovwohwo je riẹn obo ro sivwi ihwo efuanfon rọye nẹ ọdavwini, ọ me rha sẹrọ rẹ ohwo umwemwu hẹrhe ehwe bẹsiẹ rẹ ẹdẹ rẹ ẹdjọeguo na vwo te.

1 Samuẹl 29:11

Ọtiọye Devid vẹ ihwo na de vrẹn vwẹ irhiọke ride, ayen de rhivwi kpo otọ ri Filistia. Ẹkẹvuọvo ihwo ri Filistia da yanran kpo Jẹzreel.