1 Samuẹl 28:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọke ri Sọl vwo duotọ rọye vwẹ ọbọ rẹ Ọrovwohwo, Ọrovwohwo kpahe kẹẹ, vwẹ ẹvwerhẹ, eyẹ Utẹ, eyẹ emraro-o.

1 Samuẹl 28:6 ပူးပေါင်းရင်းမြစ်များ

2 Samuẹl 22:42

Ayen guọnọre, ẹkẹvuọvo a mrẹ ohwo ro sivwi aye-en; Ayen kperi se Ọrovwohwo, ẹkẹvuọvo ọ kpahe kẹ aye-en.

Une rẹ Ejiro 74:9

Avwanre mrẹ ekan re avwanre-e, ọmraro ọvuọvo gbe herọ-ọ, o gbi vwo ohwo vwe ohri re avwanre na rọ riẹn obo ro krite-e.

Ẹyano 28:20

urhiẹ rẹne me dia beryl, onyz, vẹ jaspa, e mi phi ayen phihọ oga rẹ oro na.

Ẹyano 28:30

Vwẹ evun rẹ adja rẹ ẹdjeguo na wo mi phi Utẹ vẹ Agbragha phihọ, ke dia evun rẹ udu rẹ Erọn, vwẹ ọke ro de kpo obaro rẹ Ọrovwohwo; enẹ kọye Erọn ghwa ẹdjeguo rẹ ihwo rẹ Izrẹl vwẹ udu rọye vwẹ obaro rẹ Ọrovwohwo vwẹ ọke ejobi.

Isẹ 27:1

Wọ yan eyan hẹrhẹ odẹ-ẹ, kidie wọ riẹn obo rẹ odẹ cha ghwa rhe-e.

Jerimaya 23:28

E jẹ ọmraro rọ vwerhẹ evwerhẹ ta evwerhẹ rọye, ẹkẹvuọvo e jẹ ọ ro vwo ota mẹ vwẹ esegbuyota ta. Didi emu odi ve ọka gbe vwo kugbe? eriyin Ọrovwohwo tare.

Uvwerhe 2:9

Inurhoro rọye kporo ro otọ; Ọ ghwọre o vwirhi egba rọye ovie vẹ isun rọye hẹ ohri rẹ ẹgborho na, urhi gbe herọ-ọ. Emraro rọye gbe mrẹ emramrẹ nẹ obọ rẹ Ọrovwohwo cha-a.

Joẹl 2:28

Rẹ ọke de rhi te vwẹ ukuko rọye re, ki mi che ku erhi mẹ ku ihwo ejobi, te emeshare wẹn te emetẹ wẹn kẹ cha mraro, ememare wẹn ke cha vwerhe evwerhẹ, imighene wẹn ke cha mrẹ emramrẹ.

Livitikọs 8:8

Kọye o ki rhi ku adja phihọ, o de phi Utẹ vẹ Agbragha phihọ evun re adja na.

Maika 3:7

emrẹ na ka cha phọphọ ayen, otu re bọ epha oma kọ vo ayen; ayen ki che rhurhu ẹbẹrunu rayen, kidie ayen cha mrẹ ẹkpahọ nẹ obọ rẹ Ọghẹnẹ rhe-e.

Ukeri 12:6

Etiyin ọ da ta, We nyo eta mẹ: ọ da dianẹ ọmraro uherevie rẹ ovwan, mẹvwẹ rẹ Ọrovwohwo ọye vwẹ oma phia kẹ vwẹ emramrẹ, mi nenire ta ota vwẹ evun rẹ evwerhẹ.

Ukeri 27:21

Ko che mudia vwẹ obaro rẹ Ẹlẹazar rẹ orherẹn na, kọ cha vwẹ Utẹ vwọ guọnọ otọ rẹ ẹdjeguo kẹ vwẹ obaro rẹ Ọrovwohwo na; vwẹ oma rẹ ota rọye kẹ ayen ro otafe, vwẹ oma rẹ ota rọye kẹ ayen ro uwevwi, te ọye te ihwo rẹ Izrẹl ejobi re vọye gba berọ, ukoko na ejobi.

Matiu 1:20

Ọke rọ vwọ jẹ iroro na, nighe amakashe rẹ Ọrovwohwo de bro rhe vwẹ evwerhẹ, ọ da ta kẹ, Josẹf rẹ ọmọ ri Devid, wọ djẹ oshọ-ọ, ra reyọ Meri rẹ aye wẹ na, kidie evun rọ mrẹre na ọ rẹ Erhi Ọfuanfon.

Iyẹnrẹ Esiri ri Jọn 9:31

Avwanre riẹnre nẹ Ọghẹnẹ kerhọn rẹ iruimwemwu-u, ẹkẹvuọvo ọ da dianẹ ohwo ga Ọghẹnẹ ro de ru ọhọre rọye, Ọghẹnẹ kọ kerhọn rọye.

Urhi Rivẹ 33:8

Vwọ kpahe Livae, ọ da ta, Reyọ Agbragha wẹn ke Livae, wọ vwẹ Ute wẹn vwọ kẹ ohwo esiri na ohwo wọ davwini vwi Masa, ọ rọ vẹ owẹ gbe gbe ozighi vwi Meriba,

Jems 4:3

Ovwan nọ, yẹ ovwan mrẹ-ẹ, fikiridie ovwan nọ chọ, rere ovwan vwo heri eheri ofefe.

1 Samuẹl 14:37

Sọl de duotọ rọye vwẹ obọ rẹ Ọghẹnẹ, Mi bru ihwo ri Filistia na? ku wo phi ayen phihọ obọ rẹ ihwo rẹ Izrẹl? Ẹkẹvuọvo ọ kpahe kẹ vwẹ ẹdẹ yena-a.

1 Samuẹl 28:15

Etiyin Samuẹl da ta kẹ Sọl, Die wo rhi vwo kpokpo uvwe ru wo vwo se vwe rhe? Sọl da kpahe, Me hẹ djarhe rode na; kidie ihwo ri Filistia kpare ofovwi rhe vwọ so vwẹ, yẹ Ọghẹnẹ chuko kẹ vwẹ ọ gbe kpahe kẹ vwẹ ọfa-a, vwẹ oma rẹ emraro eyẹ ẹvwerhẹ-ẹ; fiki rẹ ọtiọye na mi vwo se we rhe re wọ ta kẹ vwẹ obo ri mi ru.

1 Samuẹl 28:5

Ọke ri Sọl vwọ mrẹ unuofovwi ri Filistia, oshọ de muo, udu rọye de kpogho gangan.