1 Samuẹl 28:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Fikiridie wo mu ọghọ kẹ Ọrovwohwo-o, ophu ro muro kpahe Amalẹk wọ rhọvwe vwo ru iruo-o, kọye Ọrovwohwo vwo ru ọnana kẹ wẹ ẹdẹ ri nonẹ na.

1 Samuẹl 28:18 ပူးပေါင်းရင်းမြစ်များ

1 Ivie 20:42

Ọ da ta kẹ, E nẹ Ọrovwohwo tare, Fikiridie wo siobọ nẹ ohwo ri mi vwo ze kẹ ughwu na, ọtiọye na ke ji hwe we sohọ; ke ji hwe ihwo we sohọ ihwo rọye.

1 Ikun rẹ Ivie 10:13

Etiyin Sọl de ghwu fiki ri je segbuyota rọye, o se Ọrovwohwo gbuyota-a kidie ijẹmienyo, ọ yọnrọn urhi rẹ Ọrovwohwo-o, ọ je ra guọnọ uchuko vwẹ asan ọfa ọ je ra bọ epha

Jerimaya 48:10

Ekan kẹ ohwo ro ru iruo rẹ Ọrovwohwo na yoyodo; ekan kẹ ohwo rọ vwẹ ọlọkọ rọyẹ sun ọbara-a.

1 Samuẹl 13:9

Etiyin Sọl da ta, Reyọ izobo rẹ ẹtorhẹ na rhe vwe, kugbe izobo rẹ ufuoma na. ọ de ze izobo rẹ ẹtorhẹ na.

1 Samuẹl 15:20

Sọl da ra kẹ Samuẹl, Mi mu ọghọ kẹ urhuru rẹ Ọrovwohwo, Me yan uwevwi rẹ Ọrovwohwo ji vwe nure, mi mu Agag ovie rẹ Amalẹk rhe, Me da ghwọrọ ihwo rẹ Amalẹk tototo.

1 Samuẹl 15:28

Samuẹl da ta kẹ, Ọrovwohwo bẹre uvie rẹ Izrẹl mie we nonẹ na, ọ da vwọ kẹ ọrivẹ wẹn, ro yovwi nọ wẹ.

1 Samuẹl 15:9

Ẹkẹvuọvo Sọl vẹ ihwo na de ji Agag vwo, kugbe igodẹ ri me yovwi kugbe irhuẹn eshare kugbe eranvwe vẹ ivwri, kugbe emọ rẹ igegede kugbe obo ri me yovwi ejobi, o rhe hwe ayen ejobi tototo-o; obo ri tuoma ri fi emuọvo-o ejobi ayen de hwe eyena.