1 Samuẹl 28:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Samuẹl da ta, Kidie wọ rha rhe vwọ nọ vwẹ, yu wọ mrẹ nẹ Ọrovwohwo chuko kẹ wẹ yẹ owẹ kẹ ọvweghrẹ rọye?

1 Samuẹl 28:16 ပူးပေါင်းရင်းမြစ်များ

Ivie rẹ Ivẹ 6:27

Ọ da kpahe kẹ nẹ, Ọrovwohwo gbe cha wẹ uko-o, kẹ ọkevọ me vwọ cha ukọ? Nẹ asan rẹ a da lọ emamọ eyẹ nẹ asa re de miẹ udi?

Uvwerhe 2:4

O wurhu umurhabọ rọye kere ọvweghrẹ. Ọ vwẹ obọrhe rọye sio phihọ kerẹ ọvweghrẹ, ọ da guọghọ eheri rọ hẹ opharo rẹ avwanre vwẹ utughẹ rẹ ọmọte ri Zayọn, Ọ kpare ophu rọye ku kerẹ erhanre.

Uvwerhe 2:5

Ọrovwohwo rhe rhoma họhọ ọvweghrẹ re, Ọ da rhe guọghọ Izrẹl; ọ rhe guọghọ ighẹn rọye ejobi, hirhe ogba ọgangan rọye phihọ erhurhu, O ki rhe ru omaemuohọ vẹ oviẹ buphihọ vwẹ evun rẹ ọmọtẹ ri Juda.

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!

Ẹvwọphia 18:24

A da rhe mrẹ ọbara rẹ emraro na kugbe ihwo efuanfon na vwẹ evun wẹn kugbe ayen otu re hweri vwẹ akpọ na.

Iguẹdjọ 5:31

Ọtiọye ivwighrẹn wẹn ejobi guọghọ kufia, E Ọrovwohwo! Ẹkẹvuọvo igbeyan wẹn ejobi dia kerẹ ọnre rọ vacha vwẹ evun rẹ ogangan rọye. Otọ na de vwo omaerovwo ikpe ujuvẹ.

1 Samuẹl 28:15

Etiyin Samuẹl da ta kẹ Sọl, Die wo rhi vwo kpokpo uvwe ru wo vwo se vwe rhe? Sọl da kpahe, Me hẹ djarhe rode na; kidie ihwo ri Filistia kpare ofovwi rhe vwọ so vwẹ, yẹ Ọghẹnẹ chuko kẹ vwẹ ọ gbe kpahe kẹ vwẹ ọfa-a, vwẹ oma rẹ emraro eyẹ ẹvwerhẹ-ẹ; fiki rẹ ọtiọye na mi vwo se we rhe re wọ ta kẹ vwẹ obo ri mi ru.

1 Samuẹl 28:17

Ọrovwohwo ru kẹ wẹ kirobo rọ wan unu mẹ ta; kidie Ọrovwohwo bẹrẹ uvie na nẹ uwe obọ; ọda vwọ kẹ ọrivẹ wẹn, Devid.