1 Samuẹl 28:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Etiyin Samuẹl da ta kẹ Sọl, Die wo rhi vwo kpokpo uvwe ru wo vwo se vwe rhe? Sọl da kpahe, Me hẹ djarhe rode na; kidie ihwo ri Filistia kpare ofovwi rhe vwọ so vwẹ, yẹ Ọghẹnẹ chuko kẹ vwẹ ọ gbe kpahe kẹ vwẹ ọfa-a, vwẹ oma rẹ emraro eyẹ ẹvwerhẹ-ẹ; fiki rẹ ọtiọye na mi vwo se we rhe re wọ ta kẹ vwẹ obo ri mi ru.

1 Samuẹl 28:15 ပူးပေါင်းရင်းမြစ်များ

Une rẹ Ejiro 51:11

Wọ djẹ vwẹ nẹ obaro wẹ-ẹn, wọ reyọ Erhi ọfuanfon wẹn na mie vwe-e.

Isẹ 14:14

Ohwo ọchọchọ cha ria evun vọn vwẹ oma rẹ emamọ rọ kọnre, eriyin ohwo esiri je re omamọ rẹ iruo rọye.

Hosia 9:12

Ọ tobọ dianẹ ayen vwiẹ emọ dede mi hwe ayen, ọvuọvo gbi chekọ-ọ. Ekan kẹ ayen vwẹ ọke mi de tephe kẹ ayen

Matiu 25:41

Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye.

Iguẹdjọ 16:20

Aye na da ta kẹ nẹ, Samsin, ihwo ri Filistia na rhere rhi mu we! Ọ da rhọvwọ nẹ ovwerhẹ rhe, ọ da ta nẹ, Mi kpo otafe kirobo mi ruẹ jovwo, rere Me ra sasa oma mẹ. Ọ gbe riẹn nẹ Ọrovwohwo yan jẹn ọye vwo-o.

1 Samuẹl 18:12

Oshọ ri Devid ko mui Sọl, fikiridie Ọrovwohwo vẹ ọye herọ ẹkẹvuọvo yọ kua nẹ oma ri Sọl.

1 Samuẹl 23:2

Devid de re duotọ rọye vwẹ obọ rẹ Ọrovwohwo, Me ra mi re phi ihwo ri Filistia na? Ọrovwohwo da ta kẹ Devid, Yanran re phi ihwo ri Filistia na rere wo sivwi Keilah.

1 Samuẹl 23:4

Devid da rhoma duotọ rọye vwẹ obọ rẹ Ọrovwohwo. Ọrovwohwo da kpahe kẹ, Vrẹn, yanran kpo Keilah; kidie mi che phi ihwo ri Filistia na phihọ owẹ obọ.

1 Samuẹl 28:11

Etiyin aye na da ta, Kono mi se kẹ wẹ? ọ da ta se Samuẹl kẹ vwẹ.

1 Samuẹl 28:16

Samuẹl da ta, Kidie wọ rha rhe vwọ nọ vwẹ, yu wọ mrẹ nẹ Ọrovwohwo chuko kẹ wẹ yẹ owẹ kẹ ọvweghrẹ rọye?

1 Samuẹl 28:6

Ọke ri Sọl vwo duotọ rọye vwẹ ọbọ rẹ Ọrovwohwo, Ọrovwohwo kpahe kẹẹ, vwẹ ẹvwerhẹ, eyẹ Utẹ, eyẹ emraro-o.

1 Samuẹl 28:8

Etiyin Sọl da ghwiẹ emwa rọye nu o de ku iwun gheghe phihọ, ọ da yanran, te ọye kugbe ihwo ivẹ efa re vwọ ba; ayen de rhi te asan rẹ aye na vwẹ ason. ọ da ra, Duotọ rẹ emu ọvo kẹ vwẹ, re wo so ohwo kohwo ri mi se odẹ rọye kẹ wẹ ejobi kẹ vwẹ.

1 Samuẹl 30:6

Oma da ghwọrọ Devid gangan; kidie ihwo na ayen che phio, fikiridie ivun re ghwie ihwo vwẹ udu rayen, ohwo ọvuọvo fiki rẹ emọ rọ rẹ eshare vẹ emetẹ. Ẹkẹvuọvo fiki rẹ Ọrovwohwo Ọghẹnẹ rọye udu rẹ Devid da gan.