1 Samuẹl 27:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Devid da guọghọ otọ na, o jẹ ọshare eyẹ aye vwo-o, ẹkẹvuọvo o de mu igodẹ, irhuẹn, ekẹtẹkẹtẹ, kamẹl, iwun, o de rhivwi bru Akish ra.

1 Samuẹl 27:9 ပူးပေါင်းရင်းမြစ်များ

Jẹnẹsis 16:7

Amakashe rẹ Ọrovwohwo da mrẹ vwẹ asan ogbugbu rẹ ame vwẹ evun rẹ aghwa, ogbugbu rọ orhoma rẹ idjerhe re de kpo Shur na.

Jẹnẹsis 25:18

Ayen da dia nẹ Havilah rhi te Shur, ro hirhe opharo ku Ijipt vwẹ ọke re de kpo Asiria; ọ da dia hirhe uko ku ihwo rọye.

ỌBE RẸ JOB 1:3

O vwo igegede uriorin ighwrẹ, kamẹl uriorin erha, irhuẹn ivive ra vwọ ya ohwohwo ujorin iyori, kugbe ekẹtẹkẹtẹ ujorin iyori, vẹ idibo buebu; eriyin na ohwo nana kọye ma rho vwẹ obaro ọnre na ejobi.

Ẹyano 15:22

Etiyin Mosis de sun Izrẹl nẹ Abadi ọvwavware na kpo obaro, ayen de rhi te aton ri Shọ; ayen da yan ẹdẹ erha vwẹ evun rẹ aton na yẹ ayen mrẹ ame-e.

Joshua 6:21

Ayen da vwẹ obọ te otọ vwẹ ọlọkọ guọghọ obo re hẹ orere na ejobi, te eshare te eya, te ighele te ekpako, irhuẹn, igodẹ, kugbe ekẹtẹkẹtẹ.

1 Samuẹl 15:3

Asakiephana gba ra ghwọrọ Amalẹk, re wọ guọghọ obo rẹ ayen vwori ejobi; wo jẹ ayen vwo-o, ẹkẹvuọvo hwe ọshare te aye, emeboba ri vievie kugbe imitete, erhuẹn ọshare vẹ igodẹ, kamẹl kugbe ekẹtẹkẹtẹ.

1 Samuẹl 15:7

Sọl de phi ihwo rẹ Amalẹk kua, nẹ Havila re te Shur rọ hẹ obaro ọnre rẹ Ijipt.

1 Samuẹl 15:8

Ọ de mu Agag ovie rẹ Amalẹk ọkpokpọ, ọ da vwẹ ọlọkọ nyavwe ihwo na ejobi hwe.