1 Samuẹl 27:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Akish da vwẹ ẹroso Devid, o de roro nẹ, ọ gbe oma rọye ku tughu tughu kẹ ihwo rọye Izrẹl; fiki rẹ ọtiọye na kọ cha dia odibo mẹ bẹdẹ.

1 Samuẹl 27:12 ပူးပေါင်းရင်းမြစ်များ

Jẹnẹsis 34:30

Etiyin Jekọp da ta kẹ Simiọn vẹ Livae nẹ, Ovwan so okpetu kẹ vwẹ nure, odẹ mẹ ko che gbo hwe ihwo rẹ otọ na, ihwo ri Kenan kugbe Pẹriz, mi buru rẹ, ayen de se otu rhe họnre ovwẹ, kẹ ayen ghwọrọ ovwẹ, te omẹvwẹ te uwevwi mẹ.

2 Samuẹl 10:6

Rẹ ihwo rẹ Ammọn rhe vwọ riẹn nẹ ayen gbo hwe Devid, ihwo rẹ Ammọn de re durhie ihwo ri Siria ri Bẹtrehọb, kugbe Siria ri Zobah, isodje uriori uje re vwẹ owọ yan, kugbe ovie ri Maakah vẹ ihwo uriori kugbe ihwo ri Tọb, uriori ihwivẹ.

Ẹyano 5:21

Ayen da ta kẹ Mosis vẹ Erọn, “Ejẹ Ọrovwohwo ni ovwan ro brorhiẹ, kidie wo ru avwanre vwọ dia ihwo ebrabra vwẹ obọ rẹ Fẹro vẹ idibo rọye, we de phi ọlọkọ phiyọ obọ nẹ o vwo hwe avwanre.

1 Samuẹl 13:4

Izrẹl ejobi de nyo nẹ Sọl djẹ unuofovwi rẹ ihwo ri Filistia. Izrẹl de rhi tu ihwo ri Filistia oma. E de se ihwo na rhe re vwọ ba Sọl vwi Gilgal.

1 Samuẹl 27:11

Devid yan jẹ ọshare eyẹ aye vwọ-o, re cha ghwẹ ikun rhe Gati-i, ko roro nẹ, Ayen de rhe gbeje avwanre tanẹ, enẹ Devid ruru. uchọke rọ dia otọ ri Filistia krite na otiọtiọye o ruru.

1 Samuẹl 28:1

Vwẹ ọke yena ihwo ri Filistia da ghwẹ otuofovwi rayen koko, re ayen ra họnre Izrẹl. Akish da ta kẹ Devid, Wọ riẹn nẹ te owẹ vẹ ihwo wẹn che nene uvwe kpo ofovwi na.