1 Samuẹl 27:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Devid da ta vwẹ udu rọye, Sọl, che hwe vwe kufia ẹdẹ ọvo vwẹ obo; o rhe vwo emu ọfa mi ru-u jokpa nẹ me djẹ kpo otọ ri Filistia; ofu ko dje Sọl ọ gbe guọnọ ovwẹ vwẹ otọ rẹ Izrẹl na-a, ke me djẹ vabọ

1 Samuẹl 27:1 ပူးပေါင်းရင်းမြစ်များ

1 Ivie 12:26

Jeroboam da ta vwẹ udu rọye, Asakiephana uvie na cha rhoma rhivwi kpo uwevwi ri Devid;

1 Ivie 12:28

Ọtiọye na ovie na da jẹ iroro, o de duvwu umuomuo rẹ erhuẹn ivẹ rẹ oro. ọ da ta kẹ ihwo na, Ovwan kpo Jernsalẹm tere. Nighe ẹdjọ rẹ ovwan, E Izrẹl, rọ reyọ owẹ nẹ otọ rẹ Ijipt rhe.

1 Ivie 19:3

Etiyin oshọ de muo, o de vrẹn ọ da djẹ kpo Beer-sheba, ri Juda, fiki rẹ arhọ rọye, ọ da yan jẹ odibo rọye vwo vwẹ etiyin.

2 Ikun rẹ Ivie 25:17

Etiyin Amazaya ovie ri Juda da jẹ iroro o de ji ikọn bru Joash ọmọ ri Jehoahaz, ọmọ ri Jehu, ovie rẹ Izrẹl, tanẹ, Mọ, rere avwanre ni ohwohwo opharo.

Une rẹ Ejiro 116:11

Me da ta vwẹ ọke re emu na ejobi vwo bi nyẹ vwẹ, Ihwo ejobi na iphiẹrohọ ofefe ghevweghe

Une rẹ Ejiro 55:7

e, ki mi suosuo sheri, ki mi wo phihọ evun rẹ aghwa,

Ẹyano 14:12

Ọnana dia obo rẹ avwanre ta kẹ wẹ vwẹ Ijipt na, Yan jẹ avwanrẹ vwo rere avwanre ga ihwo rẹ Ijipt na? Kidie ofori re avwanre ga ihwo rẹ Ijipt nọ ọ rẹ avwanre de ghwu phihọ aton na.

Isẹ 13:12

Emu re phi ẹro phihọ nu ra da kparọ ọ nẹrhẹ udu rẹ ohwo mwa ọga, ẹkẹvuọvo obo rẹ ohwo guọnọ ro de se te obọ ọ họhọ urhe rẹ arhọ.

Aizaya 51:12

Mẹvwẹ, Mẹvwẹ he ohwo ro bru we uche, ono owẹ rọ djẹ oshọ rẹ ohwo rẹ akpọ ro ghwẹ, re ọmọ re ohwo ra mare kerẹ odi ghevweghe,

Ukeri 14:3

Die sorọ rẹ Ọrovwohwo vwọ reyọ avwanre vwọ rhe otọ nana, rere a vwẹ ọlọkọ hwe avwanre? Eya rẹ avwanre vẹ imitete rẹ avwanre che ghwu kufia; o gbi rhe yovwi re avwanre rhoma rhivwi kpo obi Ijipt?

Matiu 14:31

Siẹvuọvo na ọ da yọnrọn, ọ da kparọ, ọ da ta kẹ nẹ, esegbuyota wẹn hanvwe nọ, die nẹrhẹ owẹ vwo iroro ivẹ?

Iyẹnrẹ Esiri ri Mak 4:40

Ọ da ta kẹ ayen, Die jabọ oshọ vwo mu ovwan? ovwan ji vwo esegbuyota-a?

2 Kọrẹnt 7:5

Kidie rẹ avwanre vwo te Masidonia, oma fu avwanre-e ẹkẹvuọvo ukpokpogho vwi kabọ kabọ–ohọnre vwẹ otafe kugbe oshọ vwẹ obo evun.

1 Samuẹl 16:1

Ọrovwohwo da ta kẹ Samuel, Mavọ wo vwerhi Sọl kri te, yu wọ mrẹre nẹ Me senrọ nọ dia ovie vwẹ Izrẹli-i? Ku evwri phihọ ukoko wẹn, wọ yanran; mi ji we bru Jesse ohwo ri Bẹtlẹhẹm, kidie Me sanọ ovie kẹ oma mẹ vwẹ ohri rẹ emọ rọye nure.

1 Samuẹl 16:13

Etiyin Samuẹl da reyọ ukoko rẹ evwri na, ọ da vwẹ evwri ghworo vwẹ uherevie rẹ iniọvo rọye; Erhi rẹ Ọrovwohwo de ghwe mu Devid gele nẹ ẹdẹ yena yanran. Samuẹl vrẹnri, o de kpo Ramah.

1 Samuẹl 20:3

Ẹkẹvuọvo Devid da kpahe, ọsẹ wẹn riẹnre nẹ ivun mẹ vwerhe owẹ; o de roro nẹ, e jẹn Jonatan riẹn ọnana-a, ivun de rhe miovwo. Ẹkẹvuọvo uyota, kirobo rẹ Ọrovwohwo herọ na ji kugbe obo rẹ erhi wẹn herọ na, me da je owọ ọko vwẹ ẹtinẹ na ye me ro ughwu.

1 Samuẹl 22:5

Etiyin ọmraro na Gad da ta kẹ Devid, Wọ dia evun rẹ ẹmwa na-a; vrẹn nẹ etiyin, re wo kpo otọ ri Juda. Etiyin Devid de vrẹn, ọ da yanran kpo egbo ri Hẹrẹt.

1 Samuẹl 23:17

Ọ da ta kẹ, Wọ djẹ oshọ-ọ; kidie obọ ri Sọl ọsẹ mẹ che se te we e; wọ cha dia ovie vwẹ Izrẹl, ke me vwọ kpahe owẹ, Sọl rẹ ọsẹ mẹ je riẹn ọnana dede.

1 Samuẹl 25:30

ọke rẹ Ọrovwohwo de ru kẹ ọrovwovwe emu esiri nana ejobi ra ta kpahọ owẹ na, ra da vwẹ owẹ ma ovie vwẹ enu rẹ Izrẹl

1 Samuẹl 26:19

Asakiephana gbe jẹn ọrovwovwe ovie nyo eta rẹ odibo rọye. ọ da dianẹ Ọrovwohwo kọye kpare owẹ vwọ so vwẹ na, e jọ reyọ okẹ; ẹkẹvuọvo ọ da rha dia ihwo rẹ akpọ, e jẹn ekan dia kẹ ayen vwẹ obaro rẹ Ọrovwohwo, kidie nonẹ na ayen djẹ vwẹ ni mi rhe vwo ẹkẹ vwẹ ughwẹ rẹ Ọrovwohwo-o, tanẹ, Yanran ra gọ edjọ efa.

1 Samuẹl 29:2

Rẹ ehọnvwọre rẹ ihwo ri Filistia vwọ wanvrẹn vwẹ ujori vẹ uriori, ri Devid vẹ ihwo rọye kugbe Akish re ka obuko vwọ wanvrẹn,

1 Samuẹl 29:3

inotu rẹ ihwo ri Filistia da ta, Die ihwo ri Hibru nana ruẹ vwẹ etinẹ? Akish da ta kẹ inotu rẹ ihwo ri Filistia, Ọnana dia Devid, rẹ odibo ri Sọl, ovie rẹ Izrẹl, rọ vẹ ovwẹ gba herọ rhabaye rhe, rhawẹ ọke rọ vwọ kua bru vwe rhe na me je mrẹ oruchọ vwẹ obọ rọye rhi te nonẹ na-a.