1 Samuẹl 26:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Etiyin Abishai da ta kẹ Devid, Ọghẹnẹ phi ọvweghrẹ wẹn phihọ owẹ obọ nonẹ na; gbe ju vwẹ vwe ubiri mẹ na sa muorọ; me gbe rha vwariẹ ọfa-a.

1 Samuẹl 26:8 ပူးပေါင်းရင်းမြစ်များ

2 Samuẹl 16:9

Etiyin Abishai rẹ ọmọ ri Zeruiah da ta kẹ ovie, Die orivwi rẹ eranko nana vwo duvwu iyori kẹ ọrovwovwe ovie? Ju vwe yanran ra nyavwe uyovwi rọye.

Une rẹ Ejiro 31:8

Wo se phi vwe phihọ obọ rẹ ivwighrẹ mẹ-ẹ, wọ de phi awọ mẹ phihọ asan ọhẹhẹre.

Jerimaya 40:15

Etiyin Johanan ọmọ ri Karia ke bẹbẹ ta kẹ Gẹdalaya vwẹ Mizpa, Ju vwe yanran re mi hwe Ishmaẹl ọmọ ri Netanaya ghwu, ohwo ọvuọvo sa riẹ-ẹn. Die sorọ o vwo hwe we, rẹ ihwo ri Ju na ejobi re yariẹ owẹ phihọ na vwọ hra, rẹ ihwo ri chekọ kẹ Juda na vwọ ghwọrọ?

Nahum 1:9

Die wa vwọ jẹ iroro umwemwu kpahe Ọrovwohwo? O che furhie re kakare, ọ cha reihri rẹ ivwighrẹ rọye wan obọvo-o.

Ọbe ri Pọl si rhe Ihwo ri Rom 11:32

Kidie Ọghẹnẹ phoro ijẹọghọ evwo rẹ ovwan ejobi kufia, rere ọ vwọ mrasan reyọ ovwan ejobi.

Urhi Rivẹ 32:30

Mavọ ohwo ọvo ru djẹ uriori, ihwo ivẹ da sa nẹrhẹ uriori ihwe djẹ, jokpa nẹ Oragha rayen shẹ ayen, rẹ Ọrovwohwo na da sen ayen?

Joshua 21:44

Ọrovwohwo da vwẹ ufuoma kẹ ayen vwi kabọ kabọ kirobo ro veri kẹ esẹ rayen, ọvweghrẹn rayen ọvuọvo ro se hirhe opharo ku ayen herọ-ọ, kidie Ọrovwohwo phi ivwighrẹn na ejobi phihọ obọ rayen.

Iguẹdjọ 1:4

Etiyin Juda da yanran, Ọrovwohwo de phi ihwo ri Kenan na kugbe ihwo ri Pẹriz na phihọ obọ rayen, ayen de phi ihwo uriori ihwe kparobọ vwi Bẹzẹk.

1 Samuẹl 23:14

Devid da dia evun rẹ ẹmwa vwẹ evun rẹ aghwa ri Zip. Sọl kọ guọnọ kẹdẹ kẹdẹ, ẹkẹvuọvo Ọghẹnẹ rhe phio phihọ obọ rọye-e.

1 Samuẹl 24:4

Ihwo ri Devid da ta kẹ, Nonẹ na ẹdẹ rẹ Ọrovwohwo ta kẹ wẹ nẹ, Nighe, Mi che phi ọvweghrẹ wẹn phihọ owẹ obọ, ku wo ruo obo je we ejobi. Etiyin Devid de vrẹn ọ da bẹbẹ re bru orhọn rẹ adagba ri Sọl.

1 Samuẹl 24:5

Ọ vwo runu udu ri Devid ọvo da rhoma bru hwe, fikiridie o bru orhọn rẹ adagba ri Sol.

1 Samuẹl 26:23

Ọrovwohwo hwa osa kẹ kohwo kohwo kirobo rẹ ọvwata vẹ uyota rọye epha; kidie Ọrovwohwo phi we phihọ obọ mẹ nonẹ na, yi mi yivwi vwẹ obọ te ohwo rẹ Ọrovwohwo vwẹ evwri ghworo nure-e.

1 Samuẹl 26:7

Etiyin Devid vẹ Abishai da yanran kpo obo unuofovwi na vwẹ ason; yi Sọl ra vwerhẹ vwẹ uherevie rẹ erhọn na, yo sa ubiri rọye muotọ vwẹ asan uyovwi rọye; yẹ Abner vẹ unuofovwi na sherhẹ riariẹ phihọ.

1 Samuẹl 26:9

Ẹkẹvuọvo Devid da ta kẹ Abishai, Wo hwee; kono sa vwẹ obọ te ohwo rẹ Ọrovwohwo vwẹ evwri ghworo nure, ro de jẹ abe ẹriọ?