1 Samuẹl 26:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin Devid da ta kẹ Ahimẹlẹk rẹ ohwo ri Hẹt, kugbe Abishai rẹ oniọvo ri Joab, ọmọ ri Zeruyah, ono ri nene uvwe kpo obo erhọn ri Sọl na? Abishai da ta, Me vẹ owẹ ra.

1 Samuẹl 26:6 ပူးပေါင်းရင်းမြစ်များ

Jẹnẹsis 10:15

Kenan kọye ọsẹ ri Sidọn, ọmọkpako rọye, kugbe Hẹt,

Jẹnẹsis 15:20

ihwo ri Hẹt, ihwo ri Pẹriz, ihwo ri Rifrem,

Jẹnẹsis 23:3

Ebraham de vrẹn nẹ asan orivwi na, o da ta kẹ ihwo ri Hẹt na,

Jẹnẹsis 26:34

Ọke rẹ Isọ vwo te ikpe ujuvẹ re, ọ da reyọ aye re se Judith rẹ ọmọ ri Beeri rẹ ohwo ri Hẹt vwọ rọvwọ, kugbe Basemath ọmọtẹ rẹ Elọn rẹ ohwo ri Hẹt,

2 Samuẹl 11:21

Ono ri hwe Ahimẹlẹk rẹ ọmọ ri Jeruheshet? Ọ dia aye ọvo ri ghorie oragha nẹ enu rẹ igbẹhẹ na rhi she teyọ, o de ghwu vwi Tebez? Die we vwo si kẹrẹ igbẹhẹ na te ọtiọye? Gba tanẹ Odibo wẹn Uraya rẹ ohwo ri Hẹt na e ji hwe rhe.

2 Samuẹl 11:24

Etiyin esedada da sa idibo wẹn nẹ enu rẹ igbẹhẹ na rhe; ẹvo rẹ idibo rẹ ovie ghwuru; odibo wẹn Uraya rẹ ohwo ri Hẹt na ji ghwu rhe.

2 Samuẹl 11:6

Ọye Devid de ji ohwo bru Joab, tanẹ, Jẹn e re se Uraya rẹ ohwo ri Hẹt na rhe vwe. Joab de se Uraya rhe Devid.

2 Samuẹl 12:9

Die wọ vwọ jẹ ota rẹ Ọrovwohwo fia, ri wo ru emu ọbrabra nana vwẹ obaro rọye? Wọ vwẹ oda hwe Uraya rẹ ohwo ri Hẹt, wọ da reyọ aye rọye vwọ rọvwọ, wọ da vwẹ ọlọkọ rẹ ihwo ri Ammọn vwo hwe.

2 Samuẹl 18:5

Ovie da ta kẹ Joab kugbe Abishai kugbe Ittai nẹ, Ovwan me jomatọ kẹ Absalọm fiki mẹ. Ihwo ejobi de nyo obo rẹ ovie tare kẹ inotu rẹ ofovwi na kpahe Absalọm.

2 Samuẹl 2:13

Joab rẹ ọmọ ri Zeruyah, kugbe idibo ri Devid, da yanran ayen da vwa oma vwẹ etẹrhe ri Gibiọn; ayen de tidia te otọ ebru ọvo ẹbẹre ọvo, ebru rivẹ rha ẹbẹre rivẹ rẹ ẹtẹrhe na.

2 Samuẹl 2:18

Emọ erha ri Zeruyah hẹ etiyin, Joab, Abishai, kugbe Asahẹl. Asahẹl djonẹ kerẹ uzo;

2 Samuẹl 23:18

Vwẹ ọke nana, Abishai, oniọvo ri Joab, ọmọ ri Zeruiah ọye olori rẹ ihwo ọgban na. Ọ da vwẹ Oshuẹ rọye vwọ họnre ihwo ujori erha, ọ da re odẹ kẹ oma rọye vwẹ ohri rẹ ihwo erha na.

2 Samuẹl 23:34

Eliphẹlẹt ọmọ Ahasbai ri Maacah, Eliam ọmọ rẹ Ahitofẹl ri Gilo,

2 Samuẹl 23:39

Uraya rẹ ohwo ri Hẹt. ayen ejobi ọgban gbẹ ighwrẹ.

1 Ivie 10:29

A sa dẹ akpẹrẹ rẹ ofovwi ọvo nẹ Ijipt rhe shẹkẹl rẹ idọnọ efuanfon ujori esan, iyesi ke rha vwẹ ujori gbe ujuvẹ gbe ihwe; vwẹ obọ rẹ ineki rẹ ovie keye e wan te obo rẹ ivie rẹ ihwo ri Hẹt kugbe ivie ri Siria.

Ivie rẹ Ivẹ 7:6

Fikiridie Ọrovwohwo ru ituofovwi rẹ ihwo ri Siria nyo edo rẹ ekpẹrẹ vẹ iyesi rẹ ituofovwi ride, kọye ayen da ta kẹ ohwohwo, Nighe, ovie rẹ Izrẹl durhie ivie ri Het vẹ ivie rẹ Ijipt rhe rhẹ họnre avwanre.

Joshua 3:10

Joshua da ta, Vwẹ oma rẹ ọna wa vwọ riẹn nẹ Ọghẹnẹ ro jeghwo na ọ hẹ uherevie rẹ ovwan, nẹ o che jẹ ihwo ri Kenan, ihwo ri Hẹt, ihwo ri Hiv, ihwo ri Periz, ihwo ri Girgash, ihwo rẹ Amọr, kugbe ihwo ri Jebu ẹ djẹ nẹ obaro wẹ-ẹn.

1 Samuẹl 26:7

Etiyin Devid vẹ Abishai da yanran kpo obo unuofovwi na vwẹ ason; yi Sọl ra vwerhẹ vwẹ uherevie rẹ erhọn na, yo sa ubiri rọye muotọ vwẹ asan uyovwi rọye; yẹ Abner vẹ unuofovwi na sherhẹ riariẹ phihọ.