1 Samuẹl 26:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Etiyin Sọl da ta, mi ru chọ ; rhivwi, ọmọ mẹ Devid, kidie me gbe wan wẹ oma ọfa-a, kidie arhọ mẹ ghare vwẹ obọ wẹn nonẹ na; nighe, mẹvwẹ ri ru ẹkpa, mi ghwruru gangan.

1 Samuẹl 26:21 ပူးပေါင်းရင်းမြစ်များ

Ivie rẹ Ivẹ 1:13

Ovie na de rhe ji onotu rerha vẹ ituofovwi ujuvẹ gbẹ ihwe ra. Onotu rerha na ro suẹn ituofovwi ujuvẹ gbẹ ihwe na de yenri kpo enu bro ra, o de she iguẹn ivẹ vwẹ aro rẹ Ilaija, ọ da bọrọ nẹ, E ohwo rẹ Ọghẹnẹ, me rẹ wẹ, jẹ arhọ mẹ vẹ arhọ rẹ idibo ujuvẹ gbẹ ihwe nana rho vwẹ ẹro wẹn.

Ivie rẹ Ivẹ 1:14

Nighe, erhanre wotọ nẹ odjuvwu rhe rhe torhẹ inotu ivẹ rẹ ọvuọvo rọye suẹn ituofovwi ujuvẹ gbẹ ihwe vẹ ituofovwi rẹ ayen suẹn; ẹkẹvuọvo asakiephana gbe jẹ arhọ mẹ rho vwẹ ẹro wẹn.

Une rẹ Ejiro 116:15

Ghaghare vwẹ obaro rẹ Ọrovwohwo na ọtiọye ughwu rẹ ihwo efuanfon rọye epha.

Une rẹ Ejiro 49:8

kidie unu re arhọ rọye ọghaghanre, o che se te bẹdẹ-ẹ,

Une rẹ Ejiro 72:14

Nẹ oshenyẹ vẹ ogbarogba ọ tan arhọ rayen nurhe; ọbara rayen ọ pha ghaghare vwẹ obaro rọye.

Ẹyano 9:27

Etiyin Fero de ji ihwo re se Mosis vẹ Erọn, ọ da ta ke ayen, Mi ru imwemwu vwẹ obọ nana; Ọrovwohwo re re ase, te mẹvwẹ vẹ ihwo mẹ ru chọ .

Ukeri 22:34

Etiyin Balaam da ta kẹ amakashe rẹ Ọrovwohwo na, Mi ru umwemwu, kidie me riẹnre nẹ wo mudia idjerhe hẹrhẹ ovwẹ-ẹ. Asakiephana ọ da dia obo re brare vwẹ obaro wẹn, ki mi rhivwi kpo.

Matiu 27:4

nẹ, Mi ru chọ, re me vwọ shẹ ọvwata na ekueku. Ẹkẹvuọvo ayen da ta nẹ, ọye dia ota rẹ avwanre-e, ọye ota wẹn.

1 Samuẹl 13:13

Samuẹl da ta kẹ Sọl, Wo ru emu rẹ ẹkpa gangan; wọ sa yọnrọn urhi rẹ Ọrovwohwo Ọghẹnẹ wẹ-ẹn; ro ji kẹ wẹ; manẹ Asakiephana yẹ uvie wẹn ka ghwaotọ kokoroko vwẹ Izrẹl bẹdẹ,

1 Samuẹl 15:24

Sọl da ta kẹ Samuẹl, Mi ru umwemwu; kidie me cho urhi rẹ Ọrovwohwo kugbe eta wẹn, fikiridie me djẹ oshọ rẹ ihwo na mi de mu ọghọ kẹ urhuru rayen.

1 Samuẹl 15:30

Etiyin ọ da ta, Mi ru umwemwu; yi dede na bru ọghọ phihọ ovwẹ oma vwẹ irharo rẹ ekpako na kugbe ihwo mẹ Izrẹl, rere wọ vẹ ovwẹ rhivwi kpo, ra ga Ọrovwohwo Ọghẹnẹ wẹn.

1 Samuẹl 18:30

Etiyin isun ri Filistia da rhe rhi phi ofovwi, kọke kọke rẹ ayen vwọ rhe ejobi Devid kọye ma kparobọ nẹ idibo ri Sọl ejobi, ọtiọye na a da kpare odẹ rọye kpenu gangan.

1 Samuẹl 24:17

ọ da ta kẹ Devid, Wẹ re ma dia ọvwata nọ vwẹ; kidie wọ vwẹ uyoyovwi hwa osa kẹ vwẹ, yẹ me vwẹ umwemwu hwa osa kẹ wẹ.

1 Samuẹl 26:22

Devid da kpahe Ubiri wẹn ọ hẹ etinẹ, E ovie! Jẹn ọvo vwẹ emeshare wẹn na rhe roro.

1 Samuẹl 26:24

Nighe, kirobo rẹ arhọ wẹn ghare vwẹ obọ mẹ nonẹ na, ọtiọye na gbe jẹn arhọ mẹ ghare vwẹ obaro rẹ Ọrovwohwo, e gbe jo sivwi vwe nẹ ukpokpogho ejobi.

1 Samuẹl 27:4

Ọke ra vwọ vuẹ Sọl nẹ Devid djẹ kpo Gat, ọ gbe guọnọ ọfa-a.