1 Samuẹl 26:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Emu nana ri wo ruru na yovwiri-i. Kirobo rẹ Ọrovwohwo herọ na, wo fo ohwo ro ghwu, fikiridie wọ rhẹrẹ ọrovwowe-e, ohwo rẹ Ọrovwohwo vwe evwri ghworo. Asakiephana gbe ni asan rẹ ubiri rẹ ovie epha, kugbe ọtoto rẹ ame rọ hẹ asan uyovwi rọye na.

1 Samuẹl 26:16 ပူးပေါင်းရင်းမြစ်များ

2 Samuẹl 12:5

Ophu de mu Devid gangan kpahe ọdafe na; ọ da ta kẹ Natan, Kirobo rẹ Ọrovwohwo herọ na, ohwo ro ru emu nana fo ughwu;

2 Samuẹl 19:28

Fiki rẹ evwruwevwi rẹ ọsẹ mẹ ejobi pha kerẹ ihwo re brorhiẹ rẹ ughwu hwe vwẹ obaro rẹ ọrovwovwe ovie, ẹkẹvuọvo wo ru odibo wẹn nẹ o nene uwe re emu vwẹ imẹjẹ wẹn. Didi ogangan ọfa mi rhe vwo, mi vwo kperi se ovie;

1 Ivie 2:26

Ovie na da ta kẹ Abiata rẹ orherẹn na, Yanran kpo Anatọt, asan re eyere wẹn epha; kidie wo fo ughwu. Ẹkẹvuọvo me sa vwẹ ọke nana hwe we-e, fikiridie wẹ ọyen mu ekpeti rẹ Ọrovwohwo Ọghẹnẹ ka obaro kẹ Devid ọsẹ mẹ, fikiridie e kpokpo uwe vẹ ọsẹ mẹ kugbe.

Une rẹ Ejiro 102:20

ro de nyo irhivwẹ rẹ ihwo ri uwodi, re e siobọ nẹ ihwo re brorhiẹn rẹ ughwu hwe;

Une rẹ Ejiro 79:11

Jẹn enuebro rẹ otu re he uwodi bru we rhe, kirobo rẹ ogangan wẹn rode na epha sẹro rẹ otu re brorhiẹ re ughwu hwe!

Ẹfesọs 2:3

Ohri rẹ enana avwanre ka dia jovwo vwẹ evun rẹ urhuru sivwe rẹ ugboma rẹ avwanre, ri nene ẹguọnọ rẹ ugboma kugbe iroro, ọtiọye na kirobo re vwiẹ avwanre phihọ avwanre kẹ emọ rẹ ophu, kirobo rẹ ihwo rẹ akpo ri chekọ epha.

1 Samuẹl 20:31

Kidie uche ọke rẹ ọmọ ri Jesse na dia akpọ na krite, te owẹ te uvie wẹn cha sa ghwotọ-ọ. Gbe ji ohwo re muo rhe vwe, kidie o ghwu nure.

1 Samuẹl 24:6

Ọ da ta kẹ ihwo rọye, Ọrovwohwo gba ri mi vwo ru emu nana kẹ ọrovwovwe ohwo rẹ Ọrovwohwo vwẹ evwri ghworo, re me vwẹ obọ te, yẹ me riẹnre nẹ Ọrovwohwo vwẹ evwri te nure.

1 Samuẹl 26:11

Ọrovwohwo gha re me vwọ vwẹ obọ mẹ te ohwo rẹ Ọrovwohwo vwẹ evwri ghworo; ẹkẹvuọvo gba reyọ ubiri rọ hẹ asan uyovwi rọye na, kugbe ọtoto rẹ ame na rẹ a yanran.

1 Samuẹl 26:15

Devid da ta kẹ Abner, Wọ dia ọshare? Ono re họhọ owẹ vwẹ Izrẹl na? Kidie sorọ wọ gbe rha rhẹrẹ ọrovwowe ovie-e? Kidie ohwo ọvo rhere rhi hwe ovie ọrovwowe na.

1 Samuẹl 26:9

Ẹkẹvuọvo Devid da ta kẹ Abishai, Wo hwee; kono sa vwẹ obọ te ohwo rẹ Ọrovwohwo vwẹ evwri ghworo nure, ro de jẹ abe ẹriọ?