1 Samuẹl 26:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Devid da ra, Kirobo rẹ Ọrovwohwo herọ na, Ọrovwohwo ọvo ri che phio hwe; eyẹ ẹdẹ rẹ ughwu rọye cha; eyẹ o che kpo ofovwi ọ me ghwọrọ

1 Samuẹl 26:10 ပူးပေါင်းရင်းမြစ်များ

Jẹnẹsis 47:29

Rẹ ọke rẹ ughwu rẹ Izrẹl vwọ kẹrẹ otọ re, o de se ọmọ rọye Josẹf ọ da ta kẹ, Ọ da dianẹ ivun mẹ ghene vwerhe owẹ, gbe phi obọ wẹn phihọ otọ rẹ ekpoghowọ mẹ, ru wo vẹ nẹ wo nene uvwe yeri eyere rẹ ọghọ vẹ uyota. Wo shi vwe phihọ Ijipt rẹ,

ỌBE RẸ JOB 14:14

Ọda dianẹ ohwo ghwuru, ko je sa rhọ? Vwẹ ẹdẹ rẹ iruo mẹ ejobi ke me hẹrhẹ, bẹsiẹ rẹ obọ esiono mẹ vwọ rhe.

ỌBE RẸ JOB 14:5

Re vwo bru ẹdẹ rọye kpahe nure na, rẹ unu rẹ emeranvwe rọye vwọ hẹ obọ wẹn na, ru wo vwo gbere ughwru kẹ rọ yan ba,

ỌBE RẸ JOB 7:1

Ohwo rhe vwo owian ọbẹnbẹn vwẹ akpọ na, rẹ ẹdẹ rọye da họhọ ẹdẹ rẹ ohwo re durhie iruo?

Une rẹ Ejiro 37:10

Ọmọke krẹ, oruimwemwu gbe cha dia-a, wọ da tọn ẹro vi otọ ni ẹdia rọye a gbe cha mrẹ-ẹ.

Une rẹ Ejiro 37:13

ẹkẹvuọvo Ọrovwohwo ra hwẹ ohwo umwemwu, kidie ọ mrẹre nẹ ẹdẹ rọye ra cha.

Une rẹ Ejiro 94:23

O cha rhoma reyọ orukuruku rayen vwọ nyẹ ayen kọ hwerhe ayen kufia fiki rẹ uvumwemwu rayen, Ọrovwohwo Ọghẹnẹ rẹ avwanre che hwerhe ayen kufia.

Aghwoghwo 3:2

Ọke re vwo vwiẹ vẹ ọke re vwo ghwẹ; ọke ra vwọ kọn vẹ ọke re vwo vuẹn emu ra kọnre.

Iyẹnrẹ Esiri ri Luk 18:7

Kẹ Ọghẹnẹ rha chọ oja rẹ Ihwo rọ sanọ reyọ, ri kperẹ se te ason te uvo-o? Ko gbe eghẹrẹ vwẹ enu rọ ayen?

Ọbe ri Pọl si rhe Ihwo ri Rom 12:19

Imoni mẹ, wa reihri-i, ẹkẹvuọvo jovwo kẹ ophu rẹ Ọghẹnẹ; kidie e siro nẹ, Ihriẹriọ ọ mẹ, mẹvwẹ re hwa osa, eriyin Ọrovwohwo tare.

Urhi Rivẹ 31:14

Ọrovwohwo kọ vuẹ Mosis, Nighe, ẹdẹ rẹ ughwu wẹn sikẹrẹ re, se Joshua, re wọ vwẹ oma wẹn nẹ vwẹ evun rẹ utughẹ ra da vwa oma na, rere Me kẹ ogangan. Mosis vi Joshua da yanran ra vwẹ oma rayen phia vwẹ utughẹ ra da vwa oma na.

Urhi Rivẹ 32:35

Ihri ẹriọ ọmẹ mẹvwẹ re hwa osa ọke rẹ owọ rayen da ghworiẹ kidie ẹdẹ rẹ okpetu rayen sikẹre re, ughwu rayen cha kpregede.

Hibru 10:30

Kidie avwanre riẹn ohwo rọ tare nẹ, Ihriẹriọ ọ mẹ, mẹvwẹ re hwa osa. Ọfa, Ọrovwohwo che guẹdjọ rẹ ihwo rọye.

Hibru 9:27

Kirobo re bru ẹdẹ nẹ ohwo rẹ akpọ ẹsiẹvo o ghwẹ, ọyena da wan nu kẹ ẹdjọeguo,

Ẹvwọphia 18:8

ọtiọye etiekọ rọye cha rhe ẹdẹvo, emiavwe kugbe omaemuohọ kugbe owẹvwe, ka vwẹ erhanre torhẹ; kidie Ọrovwohwo Ọghẹnẹ ro bruhwe na ọgba o ruẹ.

1 Samuẹl 24:12

E jẹn Ọrovwohwo guẹdjọ mẹ vẹ owẹ, e jẹn Ọrovwohwo vwẹ owẹ reihri kẹ vwẹ; yẹ obọ mẹ che hwe we-e.

1 Samuẹl 24:15

Gbe jẹn Ọrovwohwo dia oguẹdjọ, ro brorhiẹ mẹ vẹ owẹ, rọ mrẹ, ro mie vwe unu vwo gu, rere o sivwi uvwe nẹ obọ wẹn.

1 Samuẹl 25:26

Asakiephana, ọrovwovwe, kirobo rẹ Ọrovwohwo herọ na, kirobo rẹ erhi wẹn herọ na, wọ mrẹre nẹ Ọrovwohwo si we nẹ abe rẹ ọbara, ru wọ rha vwẹ obọ wẹn reihri na, gbe je ivwighrẹ wẹn kugbe otu re guọnọ ọrovwovwe umwemwu ruẹ dia kerẹ Nabal.

1 Samuẹl 25:38

Kerẹ emu rẹ ẹdẹ ihwe ọfa Ọrovwohwo da ghwiẹ Nabal; o de ghwu.

1 Samuẹl 25:39

Ọke ri Devid vwo nyo nẹ Nabal ghwuru, ọ da ta, Ebruba kẹ Ọrovwohwo rọ reihri rẹ oja ri Nabal vwọ re vwẹ rọ nẹrhẹ odibo rọye jẹ umwemwu ẹruo; Ọrovwohwo de krun umwemwu ri Nabal nyẹ uyovwi rọye. Devid de ji ikọn ra riẹriẹ Abigail, rere o vwo ru aye rọye.

1 Samuẹl 31:4

Etiyin Sọl da ta kẹ ohwo rọ ghwa ekuakua rẹ ofovwi rọye, Yoro ọlọkọ wẹn ru wo duvwu uvwe fi, ọ rha dia eriyi-in otu rẹ upheruphe ki che duvwu uvwe fi, kẹ ayen cha vwẹ ovwẹ jodẹ. Ẹkẹvuọvo ọ rọ ghwa ekuakua rẹ ofovwi rọye na gbi yivwi ruo-o; kidie oshọ muro gangan. Ọtiọye na Sọl reyọ oda rẹ obọ rọye o de vwo duvwu oma rọye hwe.

1 Samuẹl 31:6

Kẹnẹ Sọl ghwuru, ọ vẹ emeshare rọye erha; ọvẹ ohwo rọ ghwa ekuakua rẹ ofovwi rọye, vẹ ihwo rọye ejobi, vwẹ ukpẹdẹ ọvuọvo na.