1 Samuẹl 25:39 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁹ Ọke ri Devid vwo nyo nẹ Nabal ghwuru, ọ da ta, Ebruba kẹ Ọrovwohwo rọ reihri rẹ oja ri Nabal vwọ re vwẹ rọ nẹrhẹ odibo rọye jẹ umwemwu ẹruo; Ọrovwohwo de krun umwemwu ri Nabal nyẹ uyovwi rọye. Devid de ji ikọn ra riẹriẹ Abigail, rere o vwo ru aye rọye.

1 Samuẹl 25:39 ပူးပေါင်းရင်းမြစ်များ

2 Samuẹl 1:16

Devid da ta kẹ, Ọbara wẹn dia enu rẹ uyovwi wẹn; kidie unu wẹn ọvo se oseri hwe we, wọ vwọ tanẹ mi hwe ohwo rẹ Ọrovwohwo vwo ru ovie.

1 Ivie 2:44

Ovie da je ta kẹ Shimẹi, Wọ riẹn vwẹ udu wẹn emu umwemwu ru wo ru kpahe ọsẹ mẹ Devid; ọtiọye na Ọrovwohwo ko kru oghwa rẹ umwemwu wẹn nyẹ wẹ uyovwi.

Ẹsta 7:10

Etiyin ovie na da ta, churo si vwẹ enu rọye. Etiyin e de churu Heman si vwẹ enu rẹ ẹtan rọ kpahe hẹrhẹ Modekai na Ivuemiovwo rẹ ovie na de kpotọ.

Ẹsta 9:25

ẹkẹvuọvo ọke rẹ Ẹsta vwo bru ovie rhe, o de ji urhi re si phihọ otọ nẹ iroro umwemwu rọ jẹ kpahe ihwo ri Ju na da rhoma she nyẹ uyovwi rọye, rere tẹ ọye vẹ emeshare rọye vwo she ẹtan rẹ obọ rọye.

Une rẹ Ejiro 7:16

Ogbarogba na kẹ uyovwi rọye ọ da mrẹ. Oma-obọ rọye kọye ogbarogba na che she teye.

Une rẹ Ejiro 9:5

Wẹ re ghwọ ku ẹgborho na, we re ghwọrọ iruimwemwu; we ri phoro odẹ rayen nu bẹdẹ bẹdẹ

Isẹ 18:22

Ohwo rọ mrẹ aye reyọ mrẹ omamọ re emu, ọ je mrẹ ẹroesiri nẹ obọ rẹ Ọrovwohwo rhe.

Isẹ 19:14

Uwevwi vẹ efe eye obo ra vwọ reuku rẹ ọsọmọ, ẹkẹvuọvo aye ro vwo iroro obo rẹ Ọrovwohwo na o nẹ cha.

Isẹ 22:23

kidie Ọrovwohwo che mie ayen unu vwo guẹ, o mi rhi miovwi ayen ihwo ri miovwi akpọ rayen.

Isẹ 31:10

Aye esiri kono sa mrẹ? Ọghare nọ irhu shesheri.

Isẹ 31:30

Osẹnvwe phiẹn ohwo phihọ, erhuvwu emu ofefe, ẹkẹvuọvo aye rọ djẹ oshọ rẹ Ọrovwohwo ọye e jiri.

Solomon 8:8

Avwanre vwo Ọniọvo rẹ ọmọtẹ otete, ọ je kpọghọ ivie-e kidie avwanre che ru kẹ oniọvo re avwanre na, vwe ẹdẹ ra da cha ta ota kpahọ na?

Maika 7:9

Ki mi chiri ophu rẹ Ọrovwohwo na fikiridie mi ru umwemwu kpahọ, bẹsiẹ ro vwo mie vwẹ unu vwo gu ro de brorhiẹ kẹ vwẹ. kọ vwẹ ovwẹ kpo asan rẹ urhukpẹ epha; ke me mrẹ esivwo rọye vughe.

2 Kọrẹnt 13:7

Ẹkẹvuọvo avwanre rẹ Ọghẹnẹ rere ovwan vwo je ruo chọ–ọ dianẹ avwanre vwẹ oma nẹ nẹ avwanre wan odavwini na-a, ẹkẹvuọvo rere ovwan vwo ru obo ri yovwiri, dede na ya mrẹ kerẹsiẹ rẹ avwanre e de she.

1 Tẹsalonaika 5:23

E jẹ Ọghẹnẹ rẹ ufuoma vẹ ekpuyovwi rọye hworhẹ ovwan fon tototo; e jọ sẹro rẹ erhi vẹ ẹnwẹn kugbe oma rẹ ovwan ejobi rere o vwo jẹ abe evwo vwẹ ẹdẹ rẹ ẹcha rẹ Ọrovwavwanre Jesu Kristi.

2 Timoti 4:18

Ọrovwohwo ko se sivwi uvwe nẹ emu obrabra ejobi, ko ji sivwi uvwe ra ro uvie rọye vwẹ obo odjuvwu. Ọye a vwẹ urinrin kẹ bẹdẹ bẹdẹ Isẹ.

Iguẹdjọ 5:2

Manẹ isun ihwo na ka obaro vwẹ Izrẹl, rẹ ihwo na da vwẹ ohọrobọ rayen rhe vwene, ebruba kẹ Ọrovwohwo na,

1 Samuẹl 24:15

Gbe jẹn Ọrovwohwo dia oguẹdjọ, ro brorhiẹ mẹ vẹ owẹ, rọ mrẹ, ro mie vwe unu vwo gu, rere o sivwi uvwe nẹ obọ wẹn.

1 Samuẹl 25:26

Asakiephana, ọrovwovwe, kirobo rẹ Ọrovwohwo herọ na, kirobo rẹ erhi wẹn herọ na, wọ mrẹre nẹ Ọrovwohwo si we nẹ abe rẹ ọbara, ru wọ rha vwẹ obọ wẹn reihri na, gbe je ivwighrẹ wẹn kugbe otu re guọnọ ọrovwovwe umwemwu ruẹ dia kerẹ Nabal.

1 Samuẹl 25:32

Devid da ta kẹ Abigail, Ebruba kẹ Ọrovwohwo, Ọghẹnẹ rẹ Izrẹl, ro ji we rhe vwọ vwa vwẹ vwẹ ẹdọke ri nonẹ!

1 Samuẹl 25:34

Kidie uyota kirobo rẹ Ọrovwohwo Ọghẹnẹ rẹ Izrẹl herọ na, rọ djẹ vwẹ nẹ me wan wẹ oma-a, ru wo vwo bru okpakpa rhe vwa vwẹ, uyota bẹsiẹ rẹ ọke vwo rhie ọshare ọvo dede gbi chekọ ki Nabali-i.

1 Samuẹl 25:40

Ọke rẹ idibo ri Devid vwo bru Abigail rhe vwi Kamẹl, ayen da ta kẹ, Devid ri ji avwanre rhe re reyọ owẹ vwọ rhe vwọ rọvwọ.

1 Samuẹl 26:10

Devid da ra, Kirobo rẹ Ọrovwohwo herọ na, Ọrovwohwo ọvo ri che phio hwe; eyẹ ẹdẹ rẹ ughwu rọye cha; eyẹ o che kpo ofovwi ọ me ghwọrọ