1 Samuẹl 25:36 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁶ Abigail de bru Nabal rhe; e vwo ni, ọ ra re orẹ vwẹ uwevwi rọye, kerẹ orẹ rẹ ovie. Oma ro mu Nabal vwerha, kidie idi re muo; ọtiọye na ọ rha ta ota ọvuọvo kẹ bẹsiẹ rẹ ọke vwo rhie-e.

1 Samuẹl 25:36 ပူးပေါင်းရင်းမြစ်များ

2 Samuẹl 13:23

Ẹgbukpe ivẹ vwọ wan nu, Absalọm de rhi vwo ihwo re wanre igodẹ vwi Baalhazo, rọ kẹrẹ Ifrem, Absalọm de se emọ rẹ ovie ejobi.

2 Samuẹl 13:28

Etiyin Absalọm da ta kẹ idibo rọye nẹ, Wa rhẹrẹ vwẹ ọke rẹ udi de mu Amnọn, me da ta kẹ ovwan nẹ, ghwiẹ Amnọn; we mi hwe, wo jẹn oshọ mu ovwa-an. ọ dia omẹvwẹ ri ji ovwa-an? Yivwaro, goma.

2 Samuẹl 3:20

Ọke rẹ Abner vẹ ihwo uje vwo bru Devid rhe Hebrọn; Devid de chere emu vwọ kẹ Abner vẹ ihwo ri nenire rhe.

1 Ivie 20:16

Uvo koko ayen vwo vrẹn, vwẹ ọke ri Bẹnhadad vwọ da idi rẹ idi vwo muo vwẹ ọgarivi na, te ọye te ivie ọgban gbe ivẹ ro rhe cha uko na.

Une rẹ Ejiro 112:5

Oyovwi kẹ ohwo ro siobọ nẹ ro momo kẹ ihwo, ro ruẹ emu rọye ejobi ọsoso.

Isẹ 20:1

Udi vwẹ ohwo jehwe, udi ọgangan nẹrhẹ ohwo phihọ ohọnre; ohwo rẹ udi sun ghwru yo vwo ọhọ-ọ.

Aghwoghwo 10:19

Ikara herọ vwọ kẹ ehwẹ, udi nẹrhẹ oma sasa, igho ri furhiẹ eta ejobi.

Aizaya 28:3

Erhu rẹ uvie rẹ eheri rẹ ọgba rẹ idi rẹ Ifrem ke che chiyo wan,

Aizaya 5:11

Ekan ke ihwo ri vrẹn vwẹ irhiọke rhirhi rere ayen djẹ nene idi egangan, ri tidia rhirin re te ovwọvwọn bẹsiẹ rẹ idi vwo mu ayen!

Jerimaya 51:57

Mi che ru isun vẹ evweagnwanre rọye re idi de mu ayen, osun vẹ olotu kugbe egbofovwi rọye, ayen cha vwerhẹ ovwerhẹ ri bẹdẹ ayen rha rhọvwọ-ọ, Ovie na tarọ, ọ rẹ odẹ rọye hẹ Ọrovwohwo rẹ otuofovwi na.

Hosia 4:11

Udi ekianke kugbe udi ọkpokpọ miẹ ayen iroro.

Nahum 1:10

Kerẹ inwe re gba phihọ eriyin a cha ghwọrọ ayen, kerẹ ehẹbe eyaya.

Matiu 10:16

Nighere mi ji ovwan kerẹ igegede re hẹ uherevie rẹ ikpohrokpo; wa gba ghwanre kerẹ ọrọdekọ, re we ru dẹndẹn kerẹ ilekuku.

Iyẹnrẹ Esiri ri Luk 14:12

Ọ da rhoma ta kẹ ohwo ro sere na, Ọke wo de chere emu kẹ ihwo eyẹ okpọre, wo se igbeyan eyẹ e re dia kẹre owẹ-ẹ, siẹvo ayen da rhoma se wẹ, ya hwa osa kẹ wẹ nure.

Iyẹnrẹ Esiri ri Luk 21:34

Ẹkẹvuọvo kẹnoma wẹn ọ dia eriyi-in iroro wẹn da rhe vọn vẹ oseghe kugbe idiẹda vẹ enwan rẹ akpọ nana, rẹ ẹdẹ yena da rhe vwa wẹ kpregede kerẹ ufi;

Ọbe ri Pọl si rhe Ihwo ri Rom 13:13

E gbe jẹn avwanre vwẹ oma kpotọ yan vwẹ uvo koko na, ọ dia o rẹ emu ẹriọ kugbe udi-ẹda-a, ọ dia ophiẹvwe kugbe ozighi-i, ọ dia ohọre kugbe omaeriọ-ọ.

Ẹfesọs 5:14

Vwẹ ọtiọye na kọye ọ vwọ ta, We rọ vwerhẹ, rhọvwọ, ọ ro ghwuru, varhe, Kristi kọ kẹ wẹ orẹmrẹ.

Ẹfesọs 5:18

We gbi jẹ idi muẹ ovwa-an, kidie ọye ozighi; ẹkẹvuọvo gbe jẹ Erhi na vọn ovwan oma.

1 Samuẹl 25:19

Ọ da ta kẹ imighele rọye na, Wa karọ kẹ vwẹ; nighe, me vwọ kpahe ovwan. Ẹkẹvuọvo ọ ta kẹ ọshare rọye Nabal na-a.

1 Samuẹl 25:37

Vwẹ irhiọke, rẹ udi vwo ni Nabal ẹro nu, aye rọye da ta eta nana ejobi kẹ, udu rọye de ghwu mudia, kpehre kerẹ oragha.