1 Samuẹl 25:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ Kidie uyota kirobo rẹ Ọrovwohwo Ọghẹnẹ rẹ Izrẹl herọ na, rọ djẹ vwẹ nẹ me wan wẹ oma-a, ru wo vwo bru okpakpa rhe vwa vwẹ, uyota bẹsiẹ rẹ ọke vwo rhie ọshare ọvo dede gbi chekọ ki Nabali-i.

1 Samuẹl 25:34 ပူးပေါင်းရင်းမြစ်များ

Jẹnẹsis 20:6

Etiyin Ọghẹnẹ da ta kẹ vwẹ evun rẹ evwerhẹ, Uyota, Me riẹnre nẹ evun ọfuanfon wo vwo ru Ọnana, yẹ omẹvwẹ re sorọ ru wo vwo jẹ umwemwu eruo kpahọ ovwẹ, fiki rẹ ọtiọye na mi gbi ji wọ vwẹ obọ te-e.

Joshua 10:6

Ihwo ri Gibeọn de ji ohwo bru Joshua vwẹ erhọn ri Gilgal, tanẹ, Wo rogho obọ kẹ idibo wẹ-ẹn, bru avwanre rhe phẹrẹkpẹ, wo rhi sivwi avwanre, wọ cha avwanre uko, kidie ivie rẹ ihwo rẹ Amọr ejobi re dia obo orho rẹ ugbenu na rhe ghwẹ koko vwọ so avwanre.

Joshua 10:9

Etiyin Joshua da ra ro ayen kpregede, rẹ ayen vwo mu oyan phihọ vwẹ ason vwi Gilgal.

1 Samuẹl 11:11

Vwẹ irhiọke rivẹ Sọl da ghare ihwo na phihọ unuofovwi erha; ayen da rhe ro evun rẹ ẹrhọn na vwẹ ọke ohẹrhẹ rẹ irhiọke, ayen da rhe nyavwe ihwo rẹ Ammọn kuotọ bẹsiẹ rẹ ọnre vwọ vi; ihwo rẹ obọ te hwe-e da hrabọ ro aghwa, ọtiọye na ihwo ivẹ gbe djẹ fi ohwohwo-o.

1 Samuẹl 25:18

Kpata kpata Abigail, da ghwa reyọ ikara ujori ivẹ, kugbe egọ rẹ udi ivẹ, kugbe igodẹ iyori ra va nure, kugbe ovwanvwọn iyori rẹ ọka re duvwuru, kugbe erheghe ri razin ujori, kugbe ikara rẹ a vwẹ owe ru ujori ivẹ, o de kru ayen kpahe ekẹtẹkẹtẹ.

1 Samuẹl 25:22

Ọghẹnẹ ru ọtiọye kẹ Devid ọ rọ tobọ nọ ọtiọye re bẹsiẹ rẹ ọke vwo rhie ohwo rọye ọvo de ji chekọ.

1 Samuẹl 25:26

Asakiephana, ọrovwovwe, kirobo rẹ Ọrovwohwo herọ na, kirobo rẹ erhi wẹn herọ na, wọ mrẹre nẹ Ọrovwohwo si we nẹ abe rẹ ọbara, ru wọ rha vwẹ obọ wẹn reihri na, gbe je ivwighrẹ wẹn kugbe otu re guọnọ ọrovwovwe umwemwu ruẹ dia kerẹ Nabal.

1 Samuẹl 25:39

Ọke ri Devid vwo nyo nẹ Nabal ghwuru, ọ da ta, Ebruba kẹ Ọrovwohwo rọ reihri rẹ oja ri Nabal vwọ re vwẹ rọ nẹrhẹ odibo rọye jẹ umwemwu ẹruo; Ọrovwohwo de krun umwemwu ri Nabal nyẹ uyovwi rọye. Devid de ji ikọn ra riẹriẹ Abigail, rere o vwo ru aye rọye.