1 Samuẹl 25:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Ọ da dianẹ ihwo vrẹn vwọ so wẹ re da guọnọ owẹ hwe, arhọ rẹ ọrovwovwe na ke kron phihọ ekrun rẹ ihwo re sivwe ka vwọ k, Ọrovwohwo Ọghẹnẹ wẹn rọ vwẹ ẹro te; arhọ rẹ ivwighrẹ wẹn ke fa kufia kerẹ ohwo rọ fa udoroku.

1 Samuẹl 25:29 ပူးပေါင်းရင်းမြစ်များ

Jẹnẹsis 15:1

Rẹ imu nana vwọ wan nu ota rẹ Ọrovwohwo de bru Ebram rhe vwẹ evwerhẹ, Wọ djẹ oshọ-ọ, Ebram, mẹvwẹ ekpọfia wẹn, osa wẹn cha rho gangan.

2 Samuẹl 4:8

ayen da reyọ uyovwi rẹ Ishboshet vwo rhe Devid vwi Hebrọn. Ayen da ta kẹ ovie, Uyovwi rẹ Ishboshet na, ọmọ ri Sọl, ọvweghrẹ wẹn, rọ guọnọ owẹ hwe; Ọrovwohwo reihri kẹ ọrovwovwe ovie nonẹ na vwẹ oma ri Sọl vẹ emọ rọye.

ỌBE RẸ JOB 27:22

O siaro phio rhe, onẹ ọtuatua ọ vwọ djẹ nẹ ẹgba rọye.

Une rẹ Ejiro 116:15

Ghaghare vwẹ obaro rẹ Ọrovwohwo na ọtiọye ughwu rẹ ihwo efuanfon rọye epha.

Une rẹ Ejiro 54:3

Kidie ihwo ri yivwaro vrẹn vwọ so vwẹ, ihwo ri vwo arodọvwẹ-ẹ guọnọ arhọ mẹ; ayen phi Ọghẹnẹ phihọ obaro rẹ aye-en.

Une rẹ Ejiro 66:9

Ohwo rọ sẹro rẹ avwanre vwẹ ohri rẹ ihwo ekpokpọ o rhe jẹn owọ rẹ avwanre ghworiẹ-ẹ.

Jerimaya 10:18

Kidie enẹ Ọrovwohwo na tare: Nighe, mi che fru ihwo rẹ otọ na kufia vwẹ ọke nana me je ghwẹ okpetu rhurhu ayen, rere ọ da ayen.

Malakae 3:17

Ayen cha dia ọmẹ, eriyin Ọrovwohwo rẹ otuofovwi na tare, ayen ke cha dia oghere rẹ ihwo kẹ vwẹ vwẹ ẹdẹ ri mi de che ru obo re me ta na, ke me cha vwẹ obọ pẹpẹ kirobọ rẹ ohwo da vwẹ obọ pẹpẹ ọmọ rọ ga.

Iyẹnrẹ Esiri ri Jọn 14:19

Chekọ ọmọke emerha, akpọ na gbe cha mrẹ vwẹ ọfa-a, ẹkẹvuọvo yẹ ovwan cha mrẹ vwẹ; fikiridie me herọ na, ovwan ke je dia rhe.

Iyẹnrẹ Esiri ri Jọn 17:21

rere ayen ejobi vwọ dia ọvo; kirobo rẹ owẹ, rẹ Ọsẹ, hẹ evun mẹ, re me da hẹ evun wẹ, rere ayen je vwọ dia evun rẹ avwanre rhe, ọtiọye na akpọ na ki segbuyota nẹ wọwẹ ri ji vwe rhe.

Iyẹnrẹ Esiri ri Jọn 17:23

Me hẹ evun rẹ ayen yu wọ hẹ evun mẹ, rere ayen vwọ dia ọvo gbae, ọtiọye na akpọ na kẹ riẹn nẹ we ri ji vwẹ rhe me da rha guọnọ ayen kirobo ru wọ guọnọ ovwẹ.

Urhi Rivẹ 33:29

Wa ghọghọ, E Izrẹl Ono họhọ owẹ, ihwo rẹ Ọrovwohwo sivwiri, ako rẹ ọchuko wẹn, kugbe ọlọkọ rẹ ephiokparobọ wẹn! Ivwighrẹ wẹn yan riariẹ owẹ phihọ ko wo che chiyi ẹdia rayen phihọ otọ.

1 Pita 1:5

Ihwo ra vwẹ ogangan rẹ Ọghẹnẹ rhẹrẹ fiki rẹ esegbuyota vwọ kẹ esivwo ra cha vwọ phia vwẹ ẹdẹ rẹ obo oba na.

1 Samuẹl 2:9

Ọ sẹro rẹ awọ rẹ ihwo esiri, ẹkẹvuọvo ka nyavwe ihwo umwemwu kufia vwẹ ebri, kidie ọ dia ẹgba ohwo cha vwọ rhọ-ọ.