1 Samuẹl 25:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Biko vwo ghovwo oruchọ rẹ ọmọtẹ wẹn; vwọ ọ rẹ uyota Ọrovwohwo cha kẹ wẹ uwevwi re bẹdẹ, fikiridie ofovwi ri wo phiẹ na Ọrovwohwo wo phio kẹ; a rha sa mrẹ umwemwu vwẹ evun wẹn uchọke wọ dia akpọ na krite-e.

1 Samuẹl 25:28 ပူးပေါင်းရင်းမြစ်များ

2 Samuẹl 5:2

Dẹvure, rẹ Sọl vwọ hẹ ovie vwẹ enu rẹ avwanre, we ri je sun Izrẹl ruafe, we ji sun ayen ro uwevwi. Ọrovwohwo da ta kẹ wẹ, Wẹ re cha dia osuigodẹ rẹ ihwo mẹ Izrẹl; wẹ re je cha dia ovie vwẹ enu rẹ Izrẹl.

2 Samuẹl 7:11

Nẹ ọke re Me vwọ vwẹ iguẹdjọ mu ni gbe sun ihwo mẹ Izrẹl, mi de ru we nẹ wo vwo ufuoma nẹ obọ rẹ ivwighrẹ wẹn, Ọrovwohwo je ta kẹ wẹ nẹ ọye vwẹ uwevwi kẹ wẹ.

2 Samuẹl 7:16

Uwevwi wẹn vẹ uvie wẹn vẹ ekete wẹn kọ dia bẹdẹ.

2 Samuẹl 7:27

Fiki wẹn E Ọrovwohwo rẹ ofovwi Ọghẹnẹ rẹ Izrẹl, vwe rọ phia kẹ odibo wẹn nẹ, Me bọn uwevwi kẹ wẹ, fiki rẹ ọtiọye kọye odibo wẹn vwo yivwaro nẹ ẹrhovwo nana kẹ wẹ;

1 Ivie 15:3

Ọ de nene imwemwu rẹ ọsẹ rọye ru phihọ otọ jovwo; udu rọye gbe rha dia ọsoso vẹ uyota kẹ Ọrovwohwo Ọghẹnẹ rọye-e, kirobo rẹ udu ri Devid ọsẹ rọye epha.

1 Ivie 15:5

fikiridie Devid ru obo ri shephihọ vwẹ obaro rẹ Ọrovwohwo, o gbobọnyẹ urhi ro ji kẹ vwẹ ẹdẹ rẹ akpọ rọye ejobi-i, jokpa rẹ ota rẹ Yuraya rẹ ohwo ri Hẹt na ọvo.

1 Ivie 9:5

ke Me vwẹ ekete rẹ uvie wẹn ghwaotọ vwẹ enu rẹ Izrẹl bẹdẹ, kirobo ri mi ve kẹ Devid ọsẹ wẹn ta nẹ, Ohwo cha kanre owẹ ro tidia vwẹ enu rẹ ekete rẹ Izrẹli-i.

1 Ikun rẹ Ivie 17:10

Nẹ ọke me vwọ vwẹ iguẹdjọ mu ni sun ihwo mẹ Izrẹl rhe na, ki mi phi ivwighrẹ wẹn ejobi kparobọ. Ọ rọ marho mi ghwoghwo kẹ ovwan nẹ Ọrovwohwo cha bọn uwevwi kẹ ovwan.

1 Ikun rẹ Ivie 17:25

Kidie wẹ, Ọghẹnẹ mẹ, vwerọ phia kẹ odibo wẹn nẹ wọ bọn uwevwi kẹ; fiki rẹ ọtiọye odibo wẹn vwo vwo arueyivwo vwọ nẹ ẹrhovwo vwẹ obaro wẹn.

2 Ikun rẹ Ivie 20:15

Ọ da ta, Kerhọn, ovwan Juda ejobi kugbe ihwo ri Jerusalẹm, kugbe Ovie Jehoshafat; E nẹ Ọrovwohwo ta kẹ wẹ, wọ djẹ oshọ-ọ; wo jẹ ofu rẹ urogho rode na dje we-e; kidie ofovwi na dia ọwẹ-ẹ ẹkẹvuọvo ọ rẹ Ọghẹnẹ.

Une rẹ Ejiro 7:3

E Ọrovwohwo Ọghẹnẹ mẹ, ọ da dianẹ mi ru ọnana, ọ da dianẹ oruchọ hẹ obọ mẹ,

Une rẹ Ejiro 89:29

Me vwẹ uvwiẹ rọye muotọ bẹdẹ ekete rọye kerẹ ẹdẹ rẹ obo odjuvwu na.

Ukeri 23:21

Ọ mrẹ umiovwo ọvuọvo vwẹ oma ri Jekọpu-u; eyẹ ọ mrẹ ukpokpogho ọvuọvo vwẹ Izrẹl na-a Ọrovwohwo rẹ Ọghẹnẹ rayen vẹ ayen herọ, edo rẹ ovie ọvo ọ hẹ uherevie rayen.

Matiu 5:16

Eriyin na gbe jẹ urhukpẹ wẹn la vwọ kẹ ihwo, rere ayen mrẹ iruo esiri wẹn rere ayen vwẹ ejiro kẹ ọsẹ wẹn rọ hẹ obo odjuvwu.

Iyẹnrẹ Esiri ri Luk 23:41

Orhie ọsoso e bru hwe avwanre na; kidie osa rẹ umwemwu avwanre reyọ na; ẹkẹvuọvo ohwo nana ru emuọvo chọ-ọ.

Iyẹnrẹ Esiri ri Luk 23:47

Asakiephana rẹ isodje na vwọ mrẹ obo re phiare, o de jiri Ọghẹnẹ, ẹ da ta, Omuẹro, ohwo nana ọvwata ọ ruẹ!

1 Samuẹl 15:28

Samuẹl da ta kẹ, Ọrovwohwo bẹre uvie rẹ Izrẹl mie we nonẹ na, ọ da vwọ kẹ ọrivẹ wẹn, ro yovwi nọ wẹ.

1 Samuẹl 17:47

Ọghwẹgbe nana kọ riẹn nẹ Ọrovwohwo vwẹ ọlọkọ vẹ oshue vwọ sivwẹ-ẹ; kidie ofovwi na ọ rẹ Ọrovwohwo ko phi we phihọ obọ mẹ.

1 Samuẹl 18:17

Etiyin Sọl da ta kẹ Devid, ọmọtẹ mẹ rẹ ọkpako Merab na; Me vwọ kẹ wẹ vwọ rọvwọ; ku wo yivwaro rere wọ họnre ofovwi rẹ Ọrovwohwo na kẹ vwẹ. Kidie Sọl rori nẹ, E jẹn obọ mẹ dia-a, ẹkẹvuọvo e jẹn obọ rẹ ihwo ri Filistia na te.

1 Samuẹl 2:35

Ke me cha vwẹ ọrherẹn esiri vwo mu kẹ oma mẹ, ro che ru kirobo ri mi roro kugbe obo rẹ udu mẹ guọnọre; ke me cha bọn omamọ uwevwi kẹ, kọ ro uwevwi ro otafe vwẹ obaro rẹ ihwo re me vwẹ evwri ghworo na bẹdẹ.

1 Samuẹl 22:14

Ahimẹlẹk da kpahe kẹ ovie na, Kono vwẹ usun rẹ idibo wẹn na re dia ọvwata kerẹ Devid, rẹ ọgọ rẹ ovie, kugbe onotu rẹ ihwo re rhẹrẹ owẹ, ra vwẹ ọghọ kẹ vwe uwevwi wẹn?

1 Samuẹl 24:11

Wọ mrẹrẹ ọsẹ mẹ, ni orhọn rẹ adagba wẹn vwẹ obọ mẹ; ri mi se vwo bru orhọn rẹ adagba wẹn, yi mi hwe we na-a, ku wọ riẹn nẹ iroro umwemwu eyẹ ozighi hẹ evun mẹ-ẹ. Mi ji ru umwemwu kpahe owẹ-ẹ, dede yu wọ bẹrẹ ibefi rere wo hwe vwe.

1 Samuẹl 24:17

ọ da ta kẹ Devid, Wẹ re ma dia ọvwata nọ vwẹ; kidie wọ vwẹ uyoyovwi hwa osa kẹ vwẹ, yẹ me vwẹ umwemwu hwa osa kẹ wẹ.

1 Samuẹl 24:21

Gba vwẹ odẹ rẹ Ọrovwohwo duvwu iyori nẹ wo rhe hwe uvwiẹ mẹ re kakare-e, wọ rha ghwọrọ odẹ mẹ nẹ uwevwi rẹ ọsẹ mẹ tototo-o.

1 Samuẹl 24:4

Ihwo ri Devid da ta kẹ, Nonẹ na ẹdẹ rẹ Ọrovwohwo ta kẹ wẹ nẹ, Nighe, Mi che phi ọvweghrẹ wẹn phihọ owẹ obọ, ku wo ruo obo je we ejobi. Etiyin Devid de vrẹn ọ da bẹbẹ re bru orhọn rẹ adagba ri Sọl.

1 Samuẹl 25:24

O de she teyọ awọ rọye ọ da ta, Uyovwi mẹ ọvo, ọrovwovwe, ọye me vwọ ghwa abe na; me rẹ wẹ bikọ jẹ ọmọtẹ wẹn dje ota phihọ orhọn wẹn, re wo nyo ota rẹ ọmọtẹ wẹn.

1 Samuẹl 29:3

inotu rẹ ihwo ri Filistia da ta, Die ihwo ri Hibru nana ruẹ vwẹ etinẹ? Akish da ta kẹ inotu rẹ ihwo ri Filistia, Ọnana dia Devid, rẹ odibo ri Sọl, ovie rẹ Izrẹl, rọ vẹ ovwẹ gba herọ rhabaye rhe, rhawẹ ọke rọ vwọ kua bru vwe rhe na me je mrẹ oruchọ vwẹ obọ rọye rhi te nonẹ na-a.

1 Samuẹl 30:26

Ri Devid rhi vwo te Ziklag, ọ da vwẹ abọvo rẹ emu ro gborhori na vwo rhe igbeyan rọye, ekpako ri Juda, tanẹ, ọna ọko re me phare rhe ovwan vwẹ usun rẹ emu na rẹ ivwighrẹ rẹ Ọrovwohwo gborhori,