1 Samuẹl 25:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Wo jẹn ọrovwovwe davwerhọ rẹ orharhe rẹ ohwo nana, Nabal-l; kidie kirobo rẹ odẹ rọye epha, eriyin ọ epha; Nabal odẹ rọye. eriyin ugheghẹ je vọn evun; ẹkẹvuọvo mẹvwẹ rẹ ọmọtẹ wẹn na mrẹ imighele rẹ ọrovwovwe ji rhe-e.

1 Samuẹl 25:25 ပူးပေါင်းရင်းမြစ်များ

2 Samuẹl 13:33

Fiki rẹ ọtiọye na e gbe jẹn ọrovwovwe, roro nẹ emọ rẹ ovie ejobi ri ghwuru-u; kidie Amnọn ọvo ri ghwuru.

Isẹ 29:7

Ọvwata riẹn obo ro shephihọ kẹ ovwiogbere, ohwo umwemwu se vughe otọ rẹ erianriẹn tiọye na-a.

Aizaya 32:5

E gbi se se ẹkpa omamọ ohwo-o eyẹ irhurhu gbe sa dia ohwo re mu ọghọ ke-ẹ.

Aizaya 42:25

Etiyin o de ku ọtotorhe rẹ ophu rọye kuo kugbe ẹgba rẹ ofovwi rọye, ọ da vwe erhanre riarie phihọ, ẹkẹvuọvo yo riẹnre-e, ọ torhẹre, ẹkẹvuọvo ayen se roro mrẹ-ẹ.

Malakae 2:2

Wa gbe rha kerhọ-ọn, wa gbe vwẹ udu roro-o re wa da vwẹ urinrin kẹ odẹ mẹ-ẹ, eriyin Ọrovwohwo rẹ otuofovwi na tare, ke me cha harhe ovwan ekan ki mi che duvwu iyori phihọ ebruphihọ rẹ ovwan, uyota me tobọ harhe ovwan nure, kidie wa vwẹ udu rẹ ovwan roro-o.

1 Samuẹl 25:17

Asakiephana gbe riẹn ọnana re wo roro obo wo ru; kidie a rọ jẹ iroro umwemwu kpahe onini rẹ avwanre vẹ uwevwi rọye, yẹ oka rẹ ohwo ọvo ọtiọye rọ guọnọ nẹ ohwo ta ota kẹ ọye-e.

1 Samuẹl 25:24

O de she teyọ awọ rọye ọ da ta, Uyovwi mẹ ọvo, ọrovwovwe, ọye me vwọ ghwa abe na; me rẹ wẹ bikọ jẹ ọmọtẹ wẹn dje ota phihọ orhọn wẹn, re wo nyo ota rẹ ọmọtẹ wẹn.

1 Samuẹl 25:26

Asakiephana, ọrovwovwe, kirobo rẹ Ọrovwohwo herọ na, kirobo rẹ erhi wẹn herọ na, wọ mrẹre nẹ Ọrovwohwo si we nẹ abe rẹ ọbara, ru wọ rha vwẹ obọ wẹn reihri na, gbe je ivwighrẹ wẹn kugbe otu re guọnọ ọrovwovwe umwemwu ruẹ dia kerẹ Nabal.

1 Samuẹl 25:3

Asakiephana odẹ rẹ ọshare na kẹ Nabal, odẹ rẹ aye rọye kẹ Abigail. Aye na vwo erhuvwu kugbe erianriẹn, ẹkẹvuọvo ọshare na pha miomiovwi kugbe uruemu ọbrabra; ohwo ri Kaleh.