1 Samuẹl 25:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ O de she teyọ awọ rọye ọ da ta, Uyovwi mẹ ọvo, ọrovwovwe, ọye me vwọ ghwa abe na; me rẹ wẹ bikọ jẹ ọmọtẹ wẹn dje ota phihọ orhọn wẹn, re wo nyo ota rẹ ọmọtẹ wẹn.

1 Samuẹl 25:24 ပူးပေါင်းရင်းမြစ်များ

Jẹnẹsis 44:18

Juda da yanran bro o da ta, E ọrovwovwe, jẹn odibo wẹn, Me rẹ wẹ, dje ota nana phihọ erhọn rẹ ọrovwovwe, wo jẹ ophu wẹn tua kpahe odibo wẹ-ẹn; kidie okpuyovwi wẹn họhọ Fero.

2 Samuẹl 14:12

Etiyin aye na da ta, Jẹn ọmọtẹ wẹn je ta ota ọvo kẹ ọrovwovwe ovie tavwe, me rẹ wẹ, Ovie da ta, Gba ta,

2 Samuẹl 14:9

Aye ri Tekoa na da ta kẹ ovie, Ọrovwovwe, E ovie, oruku rọye dia enu mẹ, vẹ enu rẹ uwevwi rẹ ọsẹ mẹ; abe rọye dia euu rẹ ovie vẹ ekete rọye-e.

2 Samuẹl 20:17

Ọ de rhi si kẹrẹ, aye na da ta, Wẹ Joab? Ọ da kpahe, Mẹvwẹ ọye; Etiyin ọ da ta kẹ nyo ota rẹ ọmọtẹ wẹn, Joab da kpahe, Mi ro nyo.

Ivie rẹ Ivẹ 4:37

Ọ da rhe, rhi shiguẹ vwẹ awọ rọye, ọ da nuẹ uyovwi te otọ, etiyin o de mu ọmọ rọye ọ da ro otafe.

Ẹsta 8:3

Etiyin Ẹsta da rhoma ta kẹ ovie na; o de she diguẹ vwẹ asan awọ rọye ọ da re vẹ amioviẹ ro ku iroro imiomiovwi ri Heman rẹ ohwo rẹ Agag vẹ ufi rọ kpahe hẹrhẹ ihwo ri Ju na rhẹriẹ.

Isẹ 25:15

Erhiori ọye a vwọ bọrọ udu rẹ osun rẹ ihwo, ota bọrọ bọrọ vwirhẹ ubeku.

Aghwoghwo 10:4

Ophu rẹ osun da tua kpahe owẹ, wo vrẹn nẹ asan wọ epha-a, kidie oma wo hwemu kpare ophu rode kuẹfia.

Matiu 18:29

Odibo rivẹ na ko rhe shiguẹ, ko rẹ nẹ ọ vwẹ ọke kẹ ọye rere ọ vwọ hwa osa na.

1 Samuẹl 24:8

Ukuko rọye Devid de vrẹn rhe, o de nẹ evun rẹ ẹmwa na rhe, ọ da kpare unu se Sọl, ọrovwovwe ovie! Ri Sọl vwo ni obuko, Devid de she bọvwọ opharo rhuotọ, ọ da vwarọ.

1 Samuẹl 25:23

Ọke rẹ Abigail vwọ mrẹ Devid, ọ da fiavwoma, wotọ nẹ ekẹtẹkẹtẹ na rhe, o de she bọvwọ opharo rhuotọ vwẹ obaro ri Devid, o de gbe opharo phihọ otọ.

1 Samuẹl 25:25

Wo jẹn ọrovwovwe davwerhọ rẹ orharhe rẹ ohwo nana, Nabal-l; kidie kirobo rẹ odẹ rọye epha, eriyin ọ epha; Nabal odẹ rọye. eriyin ugheghẹ je vọn evun; ẹkẹvuọvo mẹvwẹ rẹ ọmọtẹ wẹn na mrẹ imighele rẹ ọrovwovwe ji rhe-e.

1 Samuẹl 25:28

Biko vwo ghovwo oruchọ rẹ ọmọtẹ wẹn; vwọ ọ rẹ uyota Ọrovwohwo cha kẹ wẹ uwevwi re bẹdẹ, fikiridie ofovwi ri wo phiẹ na Ọrovwohwo wo phio kẹ; a rha sa mrẹ umwemwu vwẹ evun wẹn uchọke wọ dia akpọ na krite-e.