1 Samuẹl 25:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ọke rẹ Abigail vwọ mrẹ Devid, ọ da fiavwoma, wotọ nẹ ekẹtẹkẹtẹ na rhe, o de she bọvwọ opharo rhuotọ vwẹ obaro ri Devid, o de gbe opharo phihọ otọ.

1 Samuẹl 25:23 ပူးပေါင်းရင်းမြစ်များ

2 Samuẹl 1:2

Vwẹ ẹdẹ rerha, nighe, ọshare ọvo de nẹ erhọn ri Sọl rhe, vẹ emwa rọye re bẹre vẹ ekpẹn vwẹ uyovwi rọye. Ọke ro vwo bru Devid rhe, o de she gberi otọ ọ da vwarọ.

2 Samuẹl 14:4

Ọke rẹ aye ri Tekoa na vwo bru ovie rhe, o de she bọvwọn opharo rhuotọ o de yere ovie, ọ da ta, chuko, E ovie, ovie da ta kẹ,

2 Samuẹl 18:28

Ahimaaz de kperi ta kẹ ovie, Emu ejobi yoma. O de diguẹ bọvwọn opharo rhuotọ kẹ ovie, ọ da ta, Ebruba kẹ Ọrovwohwo rẹ Ọghẹnẹ wẹn, ro phi ihwo ri gbe kpahọ ọrovwovwe ovie phihọ obọ rẹ avwanre.

2 Samuẹl 9:6

Mefiboshet rẹ ọmọ ri Jonatan, rẹ ọmọ ri Sọl, de bru Devid rhe, o de she bọvwọn opharo rhuotọ vwẹ ọghọ kẹ ovie. Devid da ta, Mefiboshet, ọ da kpahe, Odibo wẹn na.

1 Ikun rẹ Ivie 21:21

Ri Devid vwo bru Onan, Onan vwọ kpare opharo ọ da mrẹ Devid, o de vrẹn nẹ utuwevwi rẹ ewuye rọye na, ọ da ra vwarọ Devid, ọ da vwẹ arhare rọye vwo te otọ kẹ.

Joshua 15:18

Ọke ro vwo bro rhe o de kpokpo nẹ ọ nọ ekpẹn rẹ ọgọ vwẹ obọ re ọsẹ rọye, o de wotọ nẹ ekẹtẹkẹtẹ rọye rhe, Kalẹb da ta kẹ, Die wọ guọnọre?

Iguẹdjọ 1:14

Ọke rẹ aye na vwo bro rhe nu, ọ da kpakpọ nẹ ọ ra yare aghwa ọvo vwẹ obọ rẹ ọsẹ rọye, ọke rẹ aye na vwo wo nẹ enu rẹ ekẹtẹkẹtẹ na rhe, Kalẹb da ta kẹ nẹ. Die wọ guọnọre?

Rutu 2:10

Etiyin ọ da bọvwọ opharo rọye rhuotọ, o de shiguẹ te otọ, ọ da ta kẹ, die me ghwa vwọ mrẹ ẹroesiri vwẹ obaro wẹn, ru wo vwo ni vwe so, je ọrharha mi ruẹ?

1 Samuẹl 20:41

Rẹ ọmọ na ghwa vwọ yanran nu, Devid de vrẹn nẹ akakọ rẹ ekru rẹ ibieragha na rhe, ọ da bẹrẹ okpevun rhuotọ, o de gbe uyovwi kpotọ asiarha, ayen ohwohwo da fiọnfiọn ohwo unu, ayen da viẹ kẹ ohwohwo bẹsiẹ rẹ ẹro vwọ hiẹ Devid,

1 Samuẹl 24:8

Ukuko rọye Devid de vrẹn rhe, o de nẹ evun rẹ ẹmwa na rhe, ọ da kpare unu se Sọl, ọrovwovwe ovie! Ri Sọl vwo ni obuko, Devid de she bọvwọ opharo rhuotọ, ọ da vwarọ.

1 Samuẹl 25:24

O de she teyọ awọ rọye ọ da ta, Uyovwi mẹ ọvo, ọrovwovwe, ọye me vwọ ghwa abe na; me rẹ wẹ bikọ jẹ ọmọtẹ wẹn dje ota phihọ orhọn wẹn, re wo nyo ota rẹ ọmọtẹ wẹn.

1 Samuẹl 25:41

O vrẹnri ọ da vwẹ uyovwi te otọ, ọ da ta, Nighe, ọmọtẹ wẹn ọye odibo rọ hworhẹ awọ rẹ idibo rẹ ọrovwovwe.