1 Samuẹl 25:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Asakiephana Devid tare jovwo, Uyota, ke me de rhẹrẹ obo rẹ ohwo nana vwori na kufia ghevweghe vwẹ obo agbwa, rẹ obo ro vwori ejobi de je ghwọrọ; ọda vwẹ umwemwu hwa osa kẹ vwẹ.

1 Samuẹl 25:21 ပူးပေါင်းရင်းမြစ်များ

Jẹnẹsis 44:4

Ọke rẹ ayen je ghwa yan sheri nẹ orere na-a, Josẹf de se omuemu rọye, Vrẹn vwọ tua ihwo na; wọ da djẹ mu ayen, ta kẹ ayen, Die wa vwọ vwẹ umwemwu hwosa rẹ ẹse mẹ kẹ vwẹ?

ỌBE RẸ JOB 30:8

Jẹ iroro evwo, uvwiẹ ro jẹ ọghọ evwo ọ da nẹrhẹ, a djẹ ayen nẹ otọ na.

Une rẹ Ejiro 35:12

Ayen vwẹ umwemwu hwa osa rẹ ẹse kẹ vwẹ; erhi mẹ serọ.

Une rẹ Ejiro 37:8

Jẹ ivuemiovwo vwo, rere wo jẹ ophu vwo! Wọ phariẹ-ẹ ọ da nẹrhẹ owẹ ru imwemwu

Une rẹ Ejiro 38:20

Otu re vwẹ umwemwu hwa osa rẹ erhuvwu kẹ vwẹ ayen ukọn mẹ fikiridie mi nenesi rẹ uyoyovwi.

Isẹ 17:13

Ohwo da vwẹ umwemwu hwa osa rẹ ẹse, o rhe vwo ọke rẹ umiovwo vwo nẹ uwevwi rọye-e.

Jerimaya 18:20

A san vwẹ umiovwo vwọ hwa osa rẹ erhuvwu? Dede na ye ayen tọn ọgọdọ kẹ arhọ mẹ. Karohọ obo ri mi mudia vwẹ obaro wẹn vwọ ta ota yoyovwi kpahe ayen, wo vwo ku ophu wẹn rhẹriẹ nẹ oma rẹ ayen.

Ọbe ri Pọl si rhe Ihwo ri Rom 12:21

Wo jẹ umwemwu phi we kparobọ-ọ, ẹkẹvuọvo vwẹ uyoyovwi phi umwemwu kparobọ.

Ẹfesọs 4:26

Mu ophu ẹkẹvuọvo wo ru umwemwu-u; wo jẹn ọnre she kpotọ ghene ophu wẹ-ẹn,

Ẹfesọs 4:31

We siobọ nẹ ivuemiovwo kugbe ẹghwọ kugbe ophu kugbe oseghe kugbe ọphọphọvwe vwẹ ohri rẹ ovwan, vẹ ọnko.

1 Tẹsalonaika 5:15

We jẹn ohwo vwẹ umwemwu hwa osa rẹ umwemwu-u, ẹkẹvuọvo guọnọ emu esiri ru kẹ ohwohwo kugbe ihwo ejobi.

1 Pita 3:17

Kidie oyoma ra vwọ reoja fiki rẹ obo ri yovwiri, ọ da dia ẹguọnọ rẹ Ọghẹnẹ, nọ ra vwọ reoja fiki rẹ umwemwu re ruru.

1 Pita 3:9

Wa vwẹ umwemwu hwa osa rẹ umwemwu-u eyẹ ekan hwa osa rẹ eka-an; ẹkẹvuọvo ukpe rẹ ọyena nẹ ẹrhovwo, kidie ọna e se ovwan rhe, rere ovwan vwo vwo ebruphihọ.

1 Samuẹl 25:13

Devid da ta kẹ ihwo rọye, ọ vuẹ ọlọkọ rọye reyọ, dohwo dọlọkọ rọye da reyọ; Devid da je reyọ ọlọkọ rọye; ihwo ujori ẹne de nene Devid, ujori ivẹ de tidia kẹrẹ eghwa.

1 Samuẹl 25:15

Yẹ ihwo na riẹn emu ru kẹ avwanre gangan, ayen wan avwanre oma-a, yẹ emu rẹ avwanre ọvuọvo ji ghwru vwẹ obọ aghwa na-a nene ọke rẹ avwanre vẹ ayen diarọ krite na;

1 Samuẹl 25:20

Rọ vwọ gua vwẹ enu rẹ ekẹtẹkẹtẹ na re, ro rhi vwo te otọ rẹ ugbenu na, nighe, Devid vẹ ihwo rọye rọ yan bro cha; ọda vwa ayen.

1 Samuẹl 25:7

Mi nyori nẹ wo vwo ihwo ri bru ẹto rẹ igodẹ. Isuigegede wẹn vẹ avwanre re gba herọ vwẹ obonẹ na, yẹ avwanre vwẹ obọ te aye-en, emu ọvuọvo va ayen abọ ghwru-u, vwẹ ọke na ejobi rẹ ayen vwọ hẹ Kamẹl na.