1 Samuẹl 25:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Kpata kpata Abigail, da ghwa reyọ ikara ujori ivẹ, kugbe egọ rẹ udi ivẹ, kugbe igodẹ iyori ra va nure, kugbe ovwanvwọn iyori rẹ ọka re duvwuru, kugbe erheghe ri razin ujori, kugbe ikara rẹ a vwẹ owe ru ujori ivẹ, o de kru ayen kpahe ekẹtẹkẹtẹ.

1 Samuẹl 25:18 ပူးပေါင်းရင်းမြစ်များ

2 Samuẹl 16:1

Ọke ri Devid vwọ wan enu rẹ ugbenu na vrẹn nu emerha, Ziba rẹ odibo ri Mefiboshẹt da vwa, vẹ ekẹtẹkẹtẹ ivẹ ra vwẹ ufi mu unu, vẹ oghwa rẹ ikara rọ ghware ikori uri, kugbe razin ujọri, kugbe emamọ rẹ ọke uvo ujori, kugbe ophiẹn ri wain.

1 Ikun rẹ Ivie 12:40

Ihwo re dia kẹrẹ ayen re te asan kerẹ Issakar, Zẹbulọn vi Naftali da ghwa emuọre rhe vwẹ enu rẹ ekẹtẹkẹtẹ, Kamẹl, nama vẹ erhuẹn vọn asan ejobi, ikara ri fig, erheghe ri rezin, wain vẹ ọfigbo, erhuẹn, igegede, kidie aghọghọ vọn Izrẹl ejobi.

Isẹ 18:16

Ẹse rẹ ohwo ruẹ ọ vwẹ ẹdia kẹ, o mi rhe ji suo kpo obaro rẹ ihwo ride.

Isẹ 21:14

Ẹse ra bebe ru kẹ ohwo o kuẹ ophu rhẹriẹ, udi-ẹjẹ ra wan obuko jẹ nẹrhẹ ophu gan.

Isẹ 31:12

Ọ re esiri o ruẹ kẹ, ọ diẹ ọbrabra-a, vwẹ ẹdẹ rẹ akpọ rọye ejobi.

Matiu 5:25

Wọ vẹ ọvweghre wẹn fobo rhuẹrẹ kugbe siẹ wọ da ghwọ nu; ọ dia ọtiọye-e, ọvweghrẹ wẹn na ko siọbe se we, enọkpa ki mu we rhe oguẹdjọ, oguẹdjọ ko mu we kpo uwodi;

1 Samuẹl 17:17

Jesse da ta kẹ Devid rẹ ọmọ rọye, Reyọ iputusẹ rẹ ọka ọyaya nana, kugbe ikara ihwe, mu ayen phẹrẹphẹre vwo rhe iniọvo wẹn vwẹ obo erhọn na.

1 Samuẹl 25:17

Asakiephana gbe riẹn ọnana re wo roro obo wo ru; kidie a rọ jẹ iroro umwemwu kpahe onini rẹ avwanre vẹ uwevwi rọye, yẹ oka rẹ ohwo ọvo ọtiọye rọ guọnọ nẹ ohwo ta ota kẹ ọye-e.

1 Samuẹl 25:34

Kidie uyota kirobo rẹ Ọrovwohwo Ọghẹnẹ rẹ Izrẹl herọ na, rọ djẹ vwẹ nẹ me wan wẹ oma-a, ru wo vwo bru okpakpa rhe vwa vwẹ, uyota bẹsiẹ rẹ ọke vwo rhie ọshare ọvo dede gbi chekọ ki Nabali-i.