1 Samuẹl 25:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Devid da ta kẹ ihwo rọye, ọ vuẹ ọlọkọ rọye reyọ, dohwo dọlọkọ rọye da reyọ; Devid da je reyọ ọlọkọ rọye; ihwo ujori ẹne de nene Devid, ujori ivẹ de tidia kẹrẹ eghwa.

1 Samuẹl 25:13 ပူးပေါင်းရင်းမြစ်များ

2 Samuẹl 15:18

Idibo rọye ejobi da wan vrẹn; ihwo Chẹrẹt ejobi, kugbe ihwo ri Pẹlẹt, kugbe ihwo ri Git uri erha ri nene Devid nẹ Git rhe, ayen da ka obaro kẹ ovie.

Isẹ 14:29

Ohwo rọ fobọ mu ophu-u ọye ohwo ro vwo ẹruọ okokodo, ẹkẹvuọvo ohwo ro vwo ẹnwẹn ogigidi dje ughenghẹn phia.

Isẹ 16:32

Ohwo rọ fobọ muẹ ophu-u yovwi nọ ọgba, ohwo ro se suẹ erhi rọye yovwi nọ ohwo rọ phio orere kua.

Isẹ 19:11

Ohwo ro vwo ọhọ fobọ muẹ ophu-u, je vwẹ ọrho rode kẹ ro de kuaro fia kẹ oruchọ.

Isẹ 19:2

Ofori rẹ ohwo vwo jẹ erianriẹn evwo-o, ohwo ro bru okpakpa yan cho ada rọye ra.

Isẹ 20:22

Wọ vwẹ evun tanẹ, Me cha choja rẹ umwemwu yena-a; hẹrhẹ Ọrovwohwo na, ọye ọvo cha chọ wẹ uko.

Isẹ 25:8

Obo rẹ ẹro wẹn mrẹre wọ vwẹ okpakpa vwo kpo aguare-e; kọrhọ wo ru vwẹ obọ ọ da dianẹ ọrivẹ wẹn phọpho owẹ?

Joshua 9:14

Ọtiọye na ihwo na da re emu rayen, ayen rha nọ miẹ Ọrovwohwo-o.

1 Samuẹl 22:2

Kohwo kohwo rọ hẹ ukpokpogho, kohwo kohwo rọ re esa, kugbe kohwo kohwo rẹ ofu djeri, da ghwiẹ bro ra; ọda rhe dia onotu rẹ ayen. Ihwo ri nenire joma te ujori ẹne.

1 Samuẹl 23:13

Etiyin Devid vẹ ihwo rọye, re joma bu te ujori esan na, de vrẹn nẹ Keilah, ayen de kpo asan rẹ ayen sa ra ejobi. Ọke ra vwọ vuẹ Sọl nẹ Devid vrẹn nẹ Keilah re, ọ da yan jẹ imu na vwo.

1 Samuẹl 25:12

Etiyin imighele ri Devid de rhivwi rhe, rhi gbe ikun nana ejobi kẹ.

1 Samuẹl 27:2

Etiyin Devid de vrẹn ọ da shariẹ ughwru vrẹn rẹ ọye te ihwo ujori esan re vẹ ọye gba herọ, bru Akish rẹ ọmọ ri Maok, ovie ri Gat.