1 Samuẹl 25:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ke me vwẹ emu vẹ ame kugbe eranvwe ri mi hwe kẹ ihwo ri bru ẹto kẹ vwẹ, vwọ kẹ ihwo ri nẹ asan ọvo ri je riẹn rhe?

1 Samuẹl 25:11 ပူးပေါင်းရင်းမြစ်များ

ỌBE RẸ JOB 31:17

eyẹ mẹvwẹ ọvo da re ukodo mẹ, rẹ ọmọphrorivwi rha re vwọ-ọ

2 Kọrẹnt 6:9

kerẹ ihwo re jẹ riẹn, yẹ a riẹn ayen yoyovwi; kerẹ ihwo ri ghwẹ, nighe yẹ avwanre herọ; kerẹ ihwo re hweri, yẹ ayen ghwuru-u;

Galesha 6:10

Vwẹ ọtiọye na rẹ avwanre mrẹ obọ na, e jẹn avwanre ru emu esiri kẹ ihwo ejobi, marho, kẹ ayen otu re hẹ evwruwevwi rẹ esegbuyota na.

Urhi Rivẹ 8:17

Jomaotọ wọ da rhe ta vwẹ udu wẹn, Ọgangan mẹ vẹ ẹgba rẹ obọ mẹ mi vwo vwo efe nana,

1 Pita 4:9

Ovwan ghọ erhorha we guẹ-ẹ.

Iguẹdjọ 8:15

O de bru eshare ri Sukọt na rhe, ọ da ta nẹ, Nighe ri Zeba vi Zalmunna, ihwo rẹ ovwan vwọ wanrie ovwẹ, tanẹ, E phi Zeba vi Zalmunna phihọ obọ wẹn nure, rere avwanre vwọ vwẹ ikara kẹ ihwo rẹ oma rhọ?

Iguẹdjọ 8:6

Igbuyovwi ri Sukọt da ta kẹ nẹ, E phi Zeba vi Zaimunna phihọ obọ wẹn nure, rere avwanre vwọ vwẹ ikara kẹ otu ofovwi wẹn?

Iguẹdjọ 8:8

O de vrẹn nẹ etiyin kpo obi Pẹnuẹl, ọ da ta ota ọvuọvo na kẹ ayen; etiyin eshare ri Pẹnuẹl da kpahe kẹ kirobo rẹ eshare ri Sukọt na kpahe kẹ.

1 Samuẹl 24:13

Kirobo rẹ awanre bru isẹ, Umwemwu ri nẹ evun rẹ oruimwemwu cha; ẹkẹvuọvo me cha ghwẹ obọ kpahe owẹ-ẹ.

1 Samuẹl 25:12

Etiyin imighele ri Devid de rhivwi rhe, rhi gbe ikun nana ejobi kẹ.

1 Samuẹl 25:3

Asakiephana odẹ rẹ ọshare na kẹ Nabal, odẹ rẹ aye rọye kẹ Abigail. Aye na vwo erhuvwu kugbe erianriẹn, ẹkẹvuọvo ọshare na pha miomiovwi kugbe uruemu ọbrabra; ohwo ri Kaleh.

1 Samuẹl 25:7

Mi nyori nẹ wo vwo ihwo ri bru ẹto rẹ igodẹ. Isuigegede wẹn vẹ avwanre re gba herọ vwẹ obonẹ na, yẹ avwanre vwẹ obọ te aye-en, emu ọvuọvo va ayen abọ ghwru-u, vwẹ ọke na ejobi rẹ ayen vwọ hẹ Kamẹl na.