1 Samuẹl 25:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Nabal da kpahe kẹ idibo ri Devid, ono e se Devid? ono ọmọ ri Jesse? Idibo buebu herọ vwẹ Asakiephana re djẹ nẹ obọ rẹ inini rayen.

1 Samuẹl 25:10 ပူးပေါင်းရင်းမြစ်များ

2 Samuẹl 20:1

Asakiephana orharhe rẹ ohwo ọvo da herọ, re se Sheba, ọmọ Bichri ohwo ri Bẹnjamin; o de hworo owanre ọ da ta, Avwanre vwo ẹkẹ vwi Devidi-i, avwanre vwo uku vwẹ ọmọ ri Jesse-e; dohwo dutughẹ rọye ra, E Izrẹl.

1 Ivie 12:16

Ọke rẹ Izrẹl ejobi vwọ mrẹ nẹ ovie na rha davwerhọ raye-en, ihwo na da kpahe kẹ ovie na, Didi ẹkẹn ri te avwanre vwẹ oma ri Devid? Avwanre vwo uku vwẹ oma rẹ ọmọ ri Jesse-e. ọ vuẹ uwevwi rọye ra, E Izrẹl, Gbe sun uwevwi wẹn ri Devid, na ọvo Ọtiọye na Izrẹl de kpo uwevwi rayen.

Ẹyano 5:2

Ẹkẹvuọvo Fẹro da ta, Ono Ọrovwohwo na, re me kerhọ rọye ri mi vwo jẹn Izrẹl kpo? Me riẹn Ọrovwohwo naa, ọrọ marho mi che jẹn Izrẹl kpoo.

Isẹ 15:1

Ota vwiọrọ vwiọrọ fuẹ ophu, ẹkẹvuọvo ota gbaegbae kpara ophu.

Aghwoghwo 7:10

Wọ tanẹ, Die ọke rẹ awanre vwo yovwi nọ ọke nana? kidie ọ dia nẹ aghwanre wọ vwori wọ vwọ nọ enanọ nana-a.

Aizaya 32:5

E gbi se se ẹkpa omamọ ohwo-o eyẹ irhurhu gbe sa dia ohwo re mu ọghọ ke-ẹ.

Aizaya 32:7

Irhurhu re ohwo rhurhu imiomiovwi; iroro umwemwu ọye ọvo ọ roro rọ vwẹ efian ghwọrọ ọvwiọgbere, owene ẹdjọ re ovwuvwọhwo na phiọre.

Iguẹdjọ 9:28

Gaal ọmọ rẹ Ebẹd da tanẹ. Ono Abimẹlẹk, re avwanre ihwo ri Shikẹm ghene ga? Ọ dia ọmọ ri Jerubbaal kugbe Zebul rẹ onotu rọye re ga eshare ri Hamọr ọsẹ ri Shikẹm? Die sọrọ rẹ avwanre vwọ ga?

1 Samuẹl 20:30

Etiyin ivun de miovwo Sọl kpahe Jonatan, ọ da ta kẹ, Wẹ ọmọ rẹ aye ọfafarhiẹ zighizighi na me rha riẹn nẹ wọ jẹ ọmọ ri Jesse reyọ kẹ omaẹphọphọ wẹ-ẹn, je vwọ kẹ omaẹvuọ rẹ ẹban rẹ oni wẹn?

1 Samuẹl 22:2

Kohwo kohwo rọ hẹ ukpokpogho, kohwo kohwo rọ re esa, kugbe kohwo kohwo rẹ ofu djeri, da ghwiẹ bro ra; ọda rhe dia onotu rẹ ayen. Ihwo ri nenire joma te ujori ẹne.

1 Samuẹl 25:9

Ọke rẹ imighele ri Devid vwọ rhe, ayen de se odẹ ri Devid vwọ ta eta nana ejobi kẹ Nabal; ayen ke hẹrhẹ.