1 Samuẹl 24:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Gba vwẹ odẹ rẹ Ọrovwohwo duvwu iyori nẹ wo rhe hwe uvwiẹ mẹ re kakare-e, wọ rha ghwọrọ odẹ mẹ nẹ uwevwi rẹ ọsẹ mẹ tototo-o.

1 Samuẹl 24:21 ပူးပေါင်းရင်းမြစ်များ

Jẹnẹsis 21:23

Vwẹ etinẹ na gba vwẹ Ọghẹnẹ duvwu iyori nẹ wo shenyẹ vwẹ ekueku eyẹ ọmọ mẹ eyẹ uvwiẹ mẹ, ẹkẹvuọvo obo re Me vwẹ obo tete uwe na, eriyin wo ji ru kẹ vwẹ kugbe otọ nana ru wọ diare jovwo na.

Jẹnẹsis 31:48

Laban da ta, Osusu nana ri goro na ọye iseri kẹ vwẹ vẹ owẹ nonẹ na. Fiki rẹ ọtiọye na o de se Galeed,

Jẹnẹsis 31:53

Ọghẹnẹ rẹ Ebraham kugbe Ọghẹnẹ ri Nahọr, Ọghẹnẹ rẹ esẹ rayen, brorhiẹ rẹ avwanre. Etiyin Jekọp da vwẹ Oshọ rẹ ọsẹ rọye Aizik vwo duvwu iyori.

Hibru 6:16

Ohwo rọ rho nọ ohwo rọ gan oma nọ ohwo ọye e se vwo duvwu iyori, vwẹ ẹghwọ rayen iyori kọye ri brorhiẹ.

1 Samuẹl 23:17

Ọ da ta kẹ, Wọ djẹ oshọ-ọ; kidie obọ ri Sọl ọsẹ mẹ che se te we e; wọ cha dia ovie vwẹ Izrẹl, ke me vwọ kpahe owẹ, Sọl rẹ ọsẹ mẹ je riẹn ọnana dede.

1 Samuẹl 25:28

Biko vwo ghovwo oruchọ rẹ ọmọtẹ wẹn; vwọ ọ rẹ uyota Ọrovwohwo cha kẹ wẹ uwevwi re bẹdẹ, fikiridie ofovwi ri wo phiẹ na Ọrovwohwo wo phio kẹ; a rha sa mrẹ umwemwu vwẹ evun wẹn uchọke wọ dia akpọ na krite-e.

1 Samuẹl 25:30

ọke rẹ Ọrovwohwo de ru kẹ ọrovwovwe emu esiri nana ejobi ra ta kpahọ owẹ na, ra da vwẹ owẹ ma ovie vwẹ enu rẹ Izrẹl