1 Samuẹl 24:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Kono ovie rẹ Izrẹl fiki rọye nẹ uwevwi? Kono wọ vwọ tua na? Eranko oghweghwu! ushu wọ vwọ tua!

1 Samuẹl 24:14 ပူးပေါင်းရင်းမြစ်များ

2 Samuẹl 16:9

Etiyin Abishai rẹ ọmọ ri Zeruiah da ta kẹ ovie, Die orivwi rẹ eranko nana vwo duvwu iyori kẹ ọrovwovwe ovie? Ju vwe yanran ra nyavwe uyovwi rọye.

2 Samuẹl 3:8

Ota rẹ Ishboshet na de mu Abner ophu gangan, ọ da ta, Mẹvwẹ uyovwi rẹ eranko ri Juda? Rhi te nonẹ na mi mu ọghọ kẹ uwevwi ri Sọl rẹ ọsẹ wẹn, te iniọvo rọye rẹ eshare, kugbe igbeyan rọye, mi se phi we phihọ obọ ri Devidi-i, ju wọ haro vwẹ ota kpahe aye nana.

2 Samuẹl 6:20

Devid vwo rhivwi te uwevwi ọ da vwẹ ẹrhovwo kẹ ihwo rọye. Ẹkẹvuọvo Mikal rẹ ọmọtẹ ri Sọl da rhe vwa Devid ọ da ta, Mavọ ovie rẹ Izrẹl vwo ọghọ kẹ oma rọye te nonẹ, rọ vwọ ban oma phihọ nonẹ vwẹ obaro rẹ idibo rọye rẹ eya o gbi rhe vwo omẹvuọ-ọ kerẹ omohwo diodi;

2 Samuẹl 9:8

Ọ da nuẹ uyovwi kpotọ kẹ, ọ da ta, Ono odibo wẹn, ri wo niso ọtiọye, mẹvwẹ rọ pha kerẹ orivwi rẹ eranko na.

1 Ivie 21:7

Jezibẹl rẹ aye rọye da ta kẹ, ọ dia owẹ ri suẹn Izrẹl? Vrẹn, rere wọ re emu, rere udu wẹn sasa; me cha vwẹ ogba ri vain ri Nabọt ohwo ri Jezril na kẹ wẹ.

Hosia 10:13

Wọ kọn orukuruku, wọ de rhe vun oshenyẹ wọ re emamọ rẹ efian. Fikiridie wọ vwẹ ẹro so ekpẹrẹ rẹ ofovwi wẹn, kugbe ebuo rẹ ẹgba rẹ ofovwi wẹn.

1 Samuẹl 17:43

Ohwo ri Filistia na da ta kẹ Devid, Mẹvwẹ eranko, ru wọ vwọ kua ikpokpo bru vwe cha? Ohwo ri Filistia na da vwẹ ẹdjọ rọye duvwu Devid iyori.

1 Samuẹl 26:20

Asakiephana, e jẹn ọbara mẹ suẹn te otọ vwẹ obuko rẹ Ọrovwohwo-o; kidie ovie rẹ Izrẹl rhere rhe guọnọ arhọ mẹ, kerẹ ohwo rọ bẹrẹ ibefi rẹ okorobozo vwẹ obenu rẹ ugbenu.