1 Samuẹl 24:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² E jẹn Ọrovwohwo guẹdjọ mẹ vẹ owẹ, e jẹn Ọrovwohwo vwẹ owẹ reihri kẹ vwẹ; yẹ obọ mẹ che hwe we-e.

1 Samuẹl 24:12 ပူးပေါင်းရင်းမြစ်များ

Jẹnẹsis 16:5

Serai da ta kẹ Ebram, Jẹn oruchọ ri mi ruru dia uyovwi wẹn; Me da vwẹ ọmọtẹ mẹ vwọ kẹ wẹ vwọ rọvwọ, rọ rhe vwọ mrẹ nẹ ọye mrevun na, ko ni vwe saka. Gbe jẹ Ọrovwohwo brorhiẹ mẹ vẹ ọwẹn,

Jẹnẹsis 31:53

Ọghẹnẹ rẹ Ebraham kugbe Ọghẹnẹ ri Nahọr, Ọghẹnẹ rẹ esẹ rayen, brorhiẹ rẹ avwanre. Etiyin Jekọp da vwẹ Oshọ rẹ ọsẹ rọye Aizik vwo duvwu iyori.

2 Samuẹl 22:48

Ọghẹnẹ re choja kẹ vwẹ, Kọye vwẹ ihwo kpotọ kẹ vwẹ.

1 Ikun rẹ Ivie 12:18

Etiyin erhi de bru Amasai, olori rẹ ihwo ọgban na, ọ da ta, Avwanre ọwẹn, E Devid; avwanre vẹ owẹ obọ, E ọmọ ri Jesi! Ufuoma, ufuoma dia kẹ wẹ Ufuoma dia kẹ ihwo re cha wẹ uko! Kidie Ọghẹnẹ wẹn cha wẹ uko. Etiyin Devid da reyọ ayen, ọ da vwẹ ayen ru iruiruo vwẹ otuofovwi rọye.

ỌBE RẸ JOB 5:8

Vwọ kẹ vwẹ, Ọghẹnẹ me guọnọ, Ọghẹnẹ mi phi idjerhe mẹ phihọ obọ,

Une rẹ Ejiro 35:1

Sivwi oseghe. E Ọrovwohwo, wọ vẹ ihwo ri nene uvwe sivwi oseghe; họnre ihwo ri nene uvwe họnra!

Une rẹ Ejiro 43:1

Brorhiẹ mẹ, E Ọghẹnẹ, rere wọ chochọ mẹ kpahe ihwo umwemwu; biko sivwi uvwe nẹ obọ re ihwo re phiẹn vwe kugbe ihwo ebrabra.

Une rẹ Ejiro 94:1

E Ọrovwohwo, wọwẹ Ọghẹnẹ rọ reihri, wọwẹ Ọghẹnẹ rọ reihri na, la phia!

Ọbe ri Pọl si rhe Ihwo ri Rom 12:19

Imoni mẹ, wa reihri-i, ẹkẹvuọvo jovwo kẹ ophu rẹ Ọghẹnẹ; kidie e siro nẹ, Ihriẹriọ ọ mẹ, mẹvwẹ re hwa osa, eriyin Ọrovwohwo tare.

1 Pita 2:23

Ọke ra vwọ harhọ, ọ rhoma harhe ohwo-o; ẹkẹvuọvo ọ vwẹ ẹro so ohwo ro brorhiẹ ọsosọ.

Ẹvwọphia 6:10

ayen da van kperi tanẹ, E Ọrovwohwo Osun, ọfuanfon kugbe uyota, mavọ o krite wo ki rhi guẹdjọ kugbe re wọ ke rhe reihri rẹ ọbara rẹ avwanre vwẹ obọ rẹ ihwo re dia enu rẹ akpọ na?

Iguẹdjọ 11:27

Fiki rẹ ọtiọnana mi ru umwẹmwu kpahọ wẹ-ẹn, ẹkẹvuọvo wọwẹ ri ru vwe chọ fiki rẹ ofovwi wọ vwọ so vwẹ na; Ọrovwohwo rẹ Oguẹdjọ na, ri che brorhiẹ rẹ ihwo rẹ Izrẹl vẹ ihwo rẹ Ammọn na nonẹ na.

1 Samuẹl 20:1

Etiyin Devid da djẹ nẹ Naiot vwi Remah, ọ da rhe rhe ta kẹ Jonatan, Die mi ruru? Didi abe me rere? Didi umwemwu mi ru ọsẹ wẹn, rọ vwọ guọnọ ovwẹ hwe?

1 Samuẹl 24:15

Gbe jẹn Ọrovwohwo dia oguẹdjọ, ro brorhiẹ mẹ vẹ owẹ, rọ mrẹ, ro mie vwe unu vwo gu, rere o sivwi uvwe nẹ obọ wẹn.

1 Samuẹl 26:23

Ọrovwohwo hwa osa kẹ kohwo kohwo kirobo rẹ ọvwata vẹ uyota rọye epha; kidie Ọrovwohwo phi we phihọ obọ mẹ nonẹ na, yi mi yivwi vwẹ obọ te ohwo rẹ Ọrovwohwo vwẹ evwri ghworo nure-e.