1 Samuẹl 24:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Wọ mrẹrẹ ọsẹ mẹ, ni orhọn rẹ adagba wẹn vwẹ obọ mẹ; ri mi se vwo bru orhọn rẹ adagba wẹn, yi mi hwe we na-a, ku wọ riẹn nẹ iroro umwemwu eyẹ ozighi hẹ evun mẹ-ẹ. Mi ji ru umwemwu kpahe owẹ-ẹ, dede yu wọ bẹrẹ ibefi rere wo hwe vwe.

1 Samuẹl 24:11 ပူးပေါင်းရင်းမြစ်များ

2 Samuẹl 1:14

Devid da ta kẹ Mavọ oshọ vwo ju we emuo wọ vwọ riẹn obọ wẹn vwo hwe ohwo rẹ Ọrovwohwo vwo mu ovie?

Ivie rẹ Ivẹ 5:13

Ẹkẹvuọvo idibo rọye de si kẹrẹ, e da ta kẹ, Ọsẹ mẹ, ọ dianẹ ọmraro na tare nẹ wo ru emu ọvo rọ rhoro, wo rhe ruo jovwo? Kidie ọnana rọ ta kẹ wẹ nẹ, Ra họ, rere wọ fon.

ỌBE RẸ JOB 10:16

Me da kpare oma mẹ kpenu, ku wọ vwẹ ovwẹ bẹrẹ ibefi kerẹ okpohrokpo, wọ da rhoma ru iruo rẹ igbunu kpahe ovwẹ;

Une rẹ Ejiro 119:161

Isun de mu vwe ekueku ghevweghe, ẹkẹvuọvo udu mẹ mudia vwẹ udidi rẹ eta wẹn.

Une rẹ Ejiro 140:11

Jẹn ohwo rọ vwẹ unu miovwo ohwo muẹdia gan vwẹ otọ na-a, jẹn umiovwo brẹsi re ohwo gudu gudu kpata kpata.

Une rẹ Ejiro 35:7

Emuọvo sorọ-ọ yẹ ayen tan ariri hẹrhẹ ovwẹ; emuọvo sorọ-ọ yẹ ayen tọn uyere hẹrhẹ erhi mẹ.

Une rẹ Ejiro 59:3

Kidie, no, ayen hwa hẹrhẹ arhọ mẹ, ihwo re djoma se oma kokọ vwọ so vwẹ O dia fiki re ogbeku eye umwemwu mẹ-ẹ, E Ọrovwohwo,

Une rẹ Ejiro 7:5

gbe jẹn ọvweghre mẹ vwọ tua vwẹ rọ dje mu vwe, gbe jo chiyi arhọ mẹ muotọ, rọ riẹn erhi mẹ phihọ iwurhie.

Isẹ 15:1

Ota vwiọrọ vwiọrọ fuẹ ophu, ẹkẹvuọvo ota gbaegbae kpara ophu.

Uvwerhe 4:18

Ihwo kẹ tọn ẹro vi ichiyi rẹ avwanre o gbi jẹ avwanre sa yan vwẹ evun rẹ irhuvwu rẹ avwanre-e. Oba rẹ avwanre sikẹre re e kere ẹdẹ rẹ avwanre mu nure, kidie oba rẹ avwanre tere.

Izikiẹl 13:18

re wọ ta, Enẹ Ọrovwohwo Ọghẹnẹ tare: Ekan kẹ eya na ri ko egbene rẹ egbẹnẹkẹ phihọ erhuabọ ejobi, ayen mi phi oga phihọ uyovwi ri kohwo kohwo ejobi vẹ oghẹrẹ rẹ ekroma rọye, re bẹrẹ ibefi rẹ erhi rẹ ihwo! Wọ je bẹrẹ ibefi rẹ erhi rẹ ihwo ri mi vwori, rere wọ sẹro rẹ arhọ rẹ ihwo efa re dia erere kẹ wẹ?

Maika 7:2

Ohwo esiri na ghwu nẹ otọ na re, o rhe vwo ọvwata ọvuọvo vwẹ ohri rẹ ihwo-o; ayen ejobi fiọnko hẹrhẹ ọbara dohwo doniọvo rọye tan ariri hẹrhẹ.

Iyẹnrẹ Esiri ri Jọn 15:25

Ọnana ruru rere ota re si phihọ urhi rayen na vwọ gba, Ayen di tuoma mẹ ekueku.

1 Samuẹl 12:3

Mẹvwẹ na; we gbe se oseri mu vwe vwẹ obaro rẹ Ọrovwohwo kugbe obaro rẹ ohwo ra vwẹ evwri te. Ono ri vwo erhuẹn ọshare ri mi muru? Eyẹ konọ vwo ekẹtẹkẹrẹ ri mi muru? Eyẹ kono me ghwarẹ? Ono mi shenyẹ? Eyẹ kono me re udi mie ro rhu vwẹ ẹro? We se oseri hwe vwe re me rhan ayen rhivwi kẹ ovwan.

1 Samuẹl 18:27

Devid vrẹnri ọ da yanran, ọ vẹ ihwo rọye, o de hwe ihwo ri Filistia uri; Devid da jẹ ophiẹn rẹ upheruphe rayen, ọ da vwẹ ayen kẹ ovie re tototo, rere ọ vwọ mrasa dia ọgọ rẹ ovie. Sọl da vwẹ ọmọtẹ rọye Mikal vwọ kẹ.

1 Samuẹl 23:14

Devid da dia evun rẹ ẹmwa vwẹ evun rẹ aghwa ri Zip. Sọl kọ guọnọ kẹdẹ kẹdẹ, ẹkẹvuọvo Ọghẹnẹ rhe phio phihọ obọ rọye-e.

1 Samuẹl 23:23

Gba nabọ fuẹrẹ wa vwẹ ẹro te asan rọ vwẹ oma hwa ejobi ro de sioma nẹ ejobi, we rhivwi rhe vẹ omamọ rẹ iyẹnrẹ. Etiyin ki mi nene ovwan ra; ọda hẹ otọ na, ke me guọnọ phia vwẹ asan rẹ ihwo uriori ri Juda epha.

1 Samuẹl 25:28

Biko vwo ghovwo oruchọ rẹ ọmọtẹ wẹn; vwọ ọ rẹ uyota Ọrovwohwo cha kẹ wẹ uwevwi re bẹdẹ, fikiridie ofovwi ri wo phiẹ na Ọrovwohwo wo phio kẹ; a rha sa mrẹ umwemwu vwẹ evun wẹn uchọke wọ dia akpọ na krite-e.

1 Samuẹl 26:18

Ọ da ta, Die sorọ rẹ ọrọvwovwe vwọ tua odibo rọye? Kidie me tobọ ru? Didi abe me rere?

1 Samuẹl 26:20

Asakiephana, e jẹn ọbara mẹ suẹn te otọ vwẹ obuko rẹ Ọrovwohwo-o; kidie ovie rẹ Izrẹl rhere rhe guọnọ arhọ mẹ, kerẹ ohwo rọ bẹrẹ ibefi rẹ okorobozo vwẹ obenu rẹ ugbenu.

1 Samuẹl 26:23

Ọrovwohwo hwa osa kẹ kohwo kohwo kirobo rẹ ọvwata vẹ uyota rọye epha; kidie Ọrovwohwo phi we phihọ obọ mẹ nonẹ na, yi mi yivwi vwẹ obọ te ohwo rẹ Ọrovwohwo vwẹ evwri ghworo nure-e.