1 Samuẹl 24:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Nighe, nonẹ na ẹro wẹn mrẹre obo rẹ Ọrovwohwo phi we phihọ obọ mẹ vwẹ evun rẹ emwa na; evo da ta kẹ vwẹ nẹ mi hwe we, ẹkẹvuọvo me vwẹ obọ te we-e. Me da ta, Me sa vwẹ obọ te ọrovwovwe-e, kidie Ọrovwohwo vwẹ evwri ghworo nure.

1 Samuẹl 24:10 ပူးပေါင်းရင်းမြစ်များ

Une rẹ Ejiro 105:15

tanẹ, Wa vwẹ obo te ọ rẹ me vwẹ evwri ghworo na-a, wọ wan emraro mẹ oma-a!

Une rẹ Ejiro 125:3

Kidie ọkpọ rẹ ohwo umwemwu che se rovwoma-a vwẹ otọ ra ghare te ọvwata, ọ rha dia ọtiọye-e ọvwata kọ cha vwẹ abọ rayen ru obọ re chọre.

Une rẹ Ejiro 7:3

E Ọrovwohwo Ọghẹnẹ mẹ, ọ da dianẹ mi ru ọnana, ọ da dianẹ oruchọ hẹ obọ mẹ,

Une rẹ Ejiro 7:4

ọ da dianẹ me hwa osa rẹ umwemwu kẹ ọrivẹ mẹ mi de gborho ọvweghrẹ mẹ ekueku,

Ẹyano 21:13

Ẹkẹvuọvo ọ da dianẹ ọ hwa phihọ hẹrhẹ-ẹ, ẹkẹvuọvo Ọghẹnẹ ruro ro de she phihọ obọ, ki mi che dje asan rọ cha djẹ ra kẹ wẹ.

Izikiẹl 22:9

Ihwo evo hẹ evun wẹn na ri gbe ode mẹ ku fiki rẹ ọbara esuo, ihwo evọ je hẹ evun wẹ re ria emu vwẹ obenu rẹ igbenu, ihwo gbe ọfarhiẹ ọbrabra vwẹ uherevie wẹn.

Livitikọs 19:16

Wọ rha dia oguguegu vwẹ ohri rẹ ihwo wẹ-ẹn, wo ji mudia kẹ ehwe rẹ arhọ rẹ ọrivẹ wẹ-ẹn. Mẹvwẹ Ọrovwohwo na.

1 Samuẹl 24:4

Ihwo ri Devid da ta kẹ, Nonẹ na ẹdẹ rẹ Ọrovwohwo ta kẹ wẹ nẹ, Nighe, Mi che phi ọvweghrẹ wẹn phihọ owẹ obọ, ku wo ruo obo je we ejobi. Etiyin Devid de vrẹn ọ da bẹbẹ re bru orhọn rẹ adagba ri Sọl.

1 Samuẹl 24:9

Devid da ta kẹ Sọl, Die wọ vwọ kerhọ rẹ ihwo re tanẹ, Nighe, Devid guọnọ owẹ hwe?