1 Samuẹl 23:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Devid riẹnre nẹ Sọl ra ruẹro riariẹ ọyẹ phihọ; ọda ta kẹ Abiata rẹ orherẹn na, Vwẹ ibuluku na rhe etinẹ.

1 Samuẹl 23:9 ပူးပေါင်းရင်းမြစ်များ

1 Ivie 2:26

Ovie na da ta kẹ Abiata rẹ orherẹn na, Yanran kpo Anatọt, asan re eyere wẹn epha; kidie wo fo ughwu. Ẹkẹvuọvo me sa vwẹ ọke nana hwe we-e, fikiridie wẹ ọyen mu ekpeti rẹ Ọrovwohwo Ọghẹnẹ ka obaro kẹ Devid ọsẹ mẹ, fikiridie e kpokpo uwe vẹ ọsẹ mẹ kugbe.

Jerimaya 33:3

se vwe ki mi nyo kẹ wẹn, ke me ta imu ride re djahere na kẹ wẹ e rẹ wọ je riẹn devo-o.

Hosia 3:4

Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ.

Ukeri 27:21

Ko che mudia vwẹ obaro rẹ Ẹlẹazar rẹ orherẹn na, kọ cha vwẹ Utẹ vwọ guọnọ otọ rẹ ẹdjeguo kẹ vwẹ obaro rẹ Ọrovwohwo na; vwẹ oma rẹ ota rọye kẹ ayen ro otafe, vwẹ oma rẹ ota rọye kẹ ayen ro uwevwi, te ọye te ihwo rẹ Izrẹl ejobi re vọye gba berọ, ukoko na ejobi.

Iruo rẹ Iyinkọn na 14:6

ayen da riẹn ayen da djẹ kpo Listra vẹ Dabe, irere rẹ Laikonia, kugbe orho re riariẹ ayen phihọ.

Iruo rẹ Iyinkọn na 9:24

Ẹkẹvuọvo Pọl da riẹn iroro rayen. Ayen ke rhẹrẹ anurhoro na te ason te uvo, rere ayen hwe;

1 Samuẹl 10:22

Ayen da rhoma duotọ rọye vwẹ obọ rẹ Ọrovwohwo, Ohwo na rhe etinẹ na? Ọrovwohwo da ta, Nighe, o sioma nu vwẹ ohri rẹ aghwa na.

1 Samuẹl 14:18

Sọl da ta kẹ Ahijah, Mu ekpeti rẹ Ọghẹnẹ na rhe. Kidie ekpeti rẹ Ọghẹnẹ na nene ihwo rẹ Izrẹl ra vwẹ ọke yena.

1 Samuẹl 22:20

Ẹkẹvuọvo ọmọ rẹ Ahimẹlẹk ọvo rẹ ọmọ rẹ Ahitọb, re se Abiata, da dje vabọ ọ de bru Devid ra.

1 Samuẹl 23:10

Etiyin Devid da ta, E Ọrovwohwo, Ọghẹnẹ rẹ Izrẹl, odibo wẹ ghine nyo gbagba nẹ Sọl guọnọ cha Keilah, rere ọ rhe vwọ guọghọ orere na fiki mẹ.

1 Samuẹl 23:6

Ọke rẹ Abiata rẹ ọmọ rẹ Ahimẹlẹk vwọ djẹ bru Devid vwi Keilah, ọ da yọnrọn ibuluku vwẹ obọ rọye.

1 Samuẹl 23:8

Sọl de se ihwo na ejobi kpo ofovwi, vwẹ obi Keilah, rere mu Devid vẹ ihwo rọye.

1 Samuẹl 30:7

Devid da ta kẹ Abiata rẹ orherẹn, rẹ ọmọ rẹ Ahimẹlẹk, Vwẹ ibuluku vwo rhe vwe. Etiyin Abiata da vwẹ ibuluku na vwo rhe Devid.