1 Samuẹl 23:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọke rẹ Abiata rẹ ọmọ rẹ Ahimẹlẹk vwọ djẹ bru Devid vwi Keilah, ọ da yọnrọn ibuluku vwẹ obọ rọye.

1 Samuẹl 23:6 ပူးပေါင်းရင်းမြစ်များ

1 Ivie 2:26

Ovie na da ta kẹ Abiata rẹ orherẹn na, Yanran kpo Anatọt, asan re eyere wẹn epha; kidie wo fo ughwu. Ẹkẹvuọvo me sa vwẹ ọke nana hwe we-e, fikiridie wẹ ọyen mu ekpeti rẹ Ọrovwohwo Ọghẹnẹ ka obaro kẹ Devid ọsẹ mẹ, fikiridie e kpokpo uwe vẹ ọsẹ mẹ kugbe.

Ẹyano 28:6

Ayen me reyọ ibuluku rẹ oro, ọgiọgiọ vẹ orhurhu, vẹ ododo, kugbe esada ra nabọ me re bru ona phihọ.

1 Samuẹl 14:18

Sọl da ta kẹ Ahijah, Mu ekpeti rẹ Ọghẹnẹ na rhe. Kidie ekpeti rẹ Ọghẹnẹ na nene ihwo rẹ Izrẹl ra vwẹ ọke yena.

1 Samuẹl 14:3

Ahijah rẹ ọmọ rẹ Ahitub, oniọvo rẹ Ikabod, rẹ ọmọ ri Finihas, rẹ ọmọ rẹ Eli, orherẹn rẹ Ọrovwohwo vwi Shiloh, o de ku ibuluku phihọ. Ihwo na rha riẹn nẹ Jonatan yanra-an.

1 Samuẹl 22:20

Ẹkẹvuọvo ọmọ rẹ Ahimẹlẹk ọvo rẹ ọmọ rẹ Ahitọb, re se Abiata, da dje vabọ ọ de bru Devid ra.

1 Samuẹl 23:2

Devid de re duotọ rọye vwẹ obọ rẹ Ọrovwohwo, Me ra mi re phi ihwo ri Filistia na? Ọrovwohwo da ta kẹ Devid, Yanran re phi ihwo ri Filistia na rere wo sivwi Keilah.

1 Samuẹl 23:5

Devid vẹ ihwo rọye de kpo Keilah, ra họnre ihwo ri Filistia, ayen de mu uchuru rayen reyọ, ayen de hwe ihwo buebu vwẹ ohri rẹ ayen. Etiyin Devid de sivwi ihwo re dia Keilah.

1 Samuẹl 23:7

Asakiephana a da vuẹ Sọl nẹ Devid kpo obo Keilah. Sọl da ta, Ọghẹnẹ phiro phihọ obọ mẹ nure; kidie ọye ọvo tọn oma rọye gbe rọ vwọ ro orho ro vwo echẹ kugbe eghẹn.

1 Samuẹl 23:9

Devid riẹnre nẹ Sọl ra ruẹro riariẹ ọyẹ phihọ; ọda ta kẹ Abiata rẹ orherẹn na, Vwẹ ibuluku na rhe etinẹ.

1 Samuẹl 30:7

Devid da ta kẹ Abiata rẹ orherẹn, rẹ ọmọ rẹ Ahimẹlẹk, Vwẹ ibuluku vwo rhe vwe. Etiyin Abiata da vwẹ ibuluku na vwo rhe Devid.