1 Samuẹl 23:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Devid vẹ ihwo rọye de kpo Keilah, ra họnre ihwo ri Filistia, ayen de mu uchuru rayen reyọ, ayen de hwe ihwo buebu vwẹ ohri rẹ ayen. Etiyin Devid de sivwi ihwo re dia Keilah.

1 Samuẹl 23:5 ပူးပေါင်းရင်းမြစ်များ

2 Samuẹl 22:40

Wọwẹ vwẹ ogangan rhuo vwe vwọ kẹ ofovwi, Wẹ ri ru ihwo re ghwiẹ vwẹ hwe she teye obotọ mẹ.

Une rẹ Ejiro 18:38

Mi de duvwu ayen fi, o gbi jẹn ayen se vrẹ-ẹn; ayen de she teye obotọ rẹ awọ mẹ.

Une rẹ Ejiro 38:20

Otu re vwẹ umwemwu hwa osa rẹ erhuvwu kẹ vwẹ ayen ukọn mẹ fikiridie mi nenesi rẹ uyoyovwi.

1 Samuẹl 19:8

Ofovwi da rhoma rhi she; Devid da rhoma yanran ra họnre ihwo ri Filistia na, o de hwe ayen buebu, ọtiọye na ayen da mrẹ djẹ.

1 Samuẹl 23:4

Devid da rhoma duotọ rọye vwẹ obọ rẹ Ọrovwohwo. Ọrovwohwo da kpahe kẹ, Vrẹn, yanran kpo Keilah; kidie mi che phi ihwo ri Filistia na phihọ owẹ obọ.

1 Samuẹl 23:6

Ọke rẹ Abiata rẹ ọmọ rẹ Ahimẹlẹk vwọ djẹ bru Devid vwi Keilah, ọ da yọnrọn ibuluku vwẹ obọ rọye.