1 Samuẹl 23:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Devid da rhoma duotọ rọye vwẹ obọ rẹ Ọrovwohwo. Ọrovwohwo da kpahe kẹ, Vrẹn, yanran kpo Keilah; kidie mi che phi ihwo ri Filistia na phihọ owẹ obọ.

1 Samuẹl 23:4 ပူးပေါင်းရင်းမြစ်များ

2 Samuẹl 2:1

Ọna vwọ wan na, Devid da nọ mie Ọrovwohwo, Me yanran kpo orho ọvo vwi Juda? Etiyin Ọrovwohwo da ta kẹ, Yanran. Devid da ta, Kọvọ me ra? Ọ da ta, Kpo Hebrọn.

2 Samuẹl 5:19

Devid da nọ vwẹ obọ rẹ Ọrovwohwo, Mi nene Filistia họnre? Wo phi ayen phihọ obọ mẹ? Ọrovwohwo da ta kẹ Devid, Ra họnre ayen, kidie mi ghine phi Filistia phihọ obọ wẹn nure.

Ivie rẹ Ivẹ 3:18

Ọna orọnvwọn ọphapharhẹ vwẹ aro rẹ Ọrovwohwo; Ọ je cha vwẹ ihwo rẹ Moab kọn ro ovwan abọ.

1 Ikun rẹ Ivie 14:10

Devid da nọ vwẹ obọ rẹ Ọghẹnẹ, Me yanran re nene Filistia họnre. Wo phi ayen phihọ obọ mẹ? Ọrovwohwo da ta kẹ, Yanran, mi phi ayen phihọ obọ wẹn.

Joshua 8:7

etiyin ku we vrẹn nẹ asan wa hwa phihọ na rhe, ku wa ro orere na, kidie Ọrovwohwo Ọghẹnẹ wẹn che phio phihọ obọ wẹn.

Iguẹdjọ 6:39

Gidiọn da ta kẹ Ọghẹnẹ nẹ, Biko, wọ jẹn ophu wẹn ga kpahe ovwẹ-ẹ, echekọ obọ nana ọvo Me ta ota; rere Me je davwọ ni obọ nana ọvo; gbe jẹn ophiẹn rẹ ẹton rẹ ogegede na yamu, rere ame rẹ irho na kpọrhọ utuwevwi na ọvo.

Iguẹdjọ 7:7

Ọrovwohwo da ta kẹ Gidiọn nẹ, Eshare ujori erha nana re vwẹ ẹrẹvwe da ame na, Mi che vwo sivwi uwe rhọ, oma rayen a wan phi ihwo ri Midian na phihọ obọ wẹn; gbe jẹn ihwo ri chekọ na ejobi kpo dohwo duwevwi rọye.

Iguẹdjọ 7:9

Vwẹ ason yena Ọrovwohwo da ta kẹ Vrẹn, ra họnre otu ofovwi na; kidie Mi phiro phihọ obọ wẹn nure

1 Samuẹl 10:22

Ayen da rhoma duotọ rọye vwẹ obọ rẹ Ọrovwohwo, Ohwo na rhe etinẹ na? Ọrovwohwo da ta, Nighe, o sioma nu vwẹ ohri rẹ aghwa na.

1 Samuẹl 23:2

Devid de re duotọ rọye vwẹ obọ rẹ Ọrovwohwo, Me ra mi re phi ihwo ri Filistia na? Ọrovwohwo da ta kẹ Devid, Yanran re phi ihwo ri Filistia na rere wo sivwi Keilah.

1 Samuẹl 23:3

Ẹkẹvuọvo ihwo ri Devid da ta kẹ, Nighe, oshọ mu avwanre vwi Juda vwẹ obonẹ; kemavọ ọ dia vwẹ ọke rẹ avwanre de kpo Keilah ra họnre unuofovwi ri Filistia?

1 Samuẹl 23:5

Devid vẹ ihwo rọye de kpo Keilah, ra họnre ihwo ri Filistia, ayen de mu uchuru rayen reyọ, ayen de hwe ihwo buebu vwẹ ohri rẹ ayen. Etiyin Devid de sivwi ihwo re dia Keilah.

1 Samuẹl 28:6

Ọke ri Sọl vwo duotọ rọye vwẹ ọbọ rẹ Ọrovwohwo, Ọrovwohwo kpahe kẹẹ, vwẹ ẹvwerhẹ, eyẹ Utẹ, eyẹ emraro-o.

1 Samuẹl 30:8

Devid de duotọ rọye vwẹ obọ rẹ Ọrovwohwo, Ke Me vwọ tua ihwo na? Me je sa yan mu ayen? ọ de nyo kẹ, Vwọ tua ayen; kidie wọ sa djẹ mu ayen wo ghine ji se sivwi ayen.