1 Samuẹl 23:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Sọl da yanran kpo abọvo rẹ ugbenu na, Devid vẹ ihwo rọye de rhe kpo abọ rivẹ rẹ ugbẹnu na; Devid ko bru okpakpa rere ọ vwọ mrasan djẹ va Sọl abọ, yi Sọl vẹ ihwo rọye ghwa vwọ kpahe Devid vẹ ihwo rọye chachacha rẹ ayen muo vẹ ihwo rọye,

1 Samuẹl 23:26 ပူးပေါင်းရင်းမြစ်များ

2 Samuẹl 15:14

Devid da ta kẹ idibo rọye re vọye gba Jerusalẹm, E vrẹn ra djẹ; ọ dia ọtiọye-e gbe sa vabọ rẹ Absalọmu-u; jọphẹrẹ yanran, o de rhi di avwanre ku kpregede, o ru avwanre obo re brare, ọ da rhe vwẹ ọlọkọ hwe orho na ejobi.

2 Ikun rẹ Ivie 20:12

E Ọghẹnẹ re avwanre, wo rhe brorhiẹ hwe aye-en? Kidie avwanre vwo ogangan ro te urogho rode nana re kpare ohọnre bru avwanre cha na-a. Avwanre riẹn obo rẹ avwanre ru-u, ẹkẹvuọvo ẹro rẹ avwanre ri ni we.

Une rẹ Ejiro 17:11

Ayen ghwieghwie uvwe phia, Asakiephana ayen riariẹ ovwẹ phihọ, ayen tẹro vi vwe re ayen gere uvwe she.

Une rẹ Ejiro 17:9

nẹ obọ rẹ oruimwemwu ro gbe vwe kuẹ, nẹ ivwighrẹ ebrabra re riariẹ ovwẹ phihọ.

Une rẹ Ejiro 22:12

Egbo ride buebu riariẹ ovwẹ phihọ, egbo ride gangan ri Bashan ghare ovwẹ phihọ,

Une rẹ Ejiro 22:16

E, eranko gba riariẹ ovwẹ, usun rẹ iruimwemwu riariẹ ovwẹ phihọ; ayen duvwu abọ mẹ vẹ awọ mẹ fi–

Une rẹ Ejiro 31:22

Me da ta vwẹ evun rẹ ọfianvwe mẹ, A djẹ vwẹ sheri nẹ obaro wẹn. Ẹkẹvuọvo wẹ ri nyo oyare mẹ, ọke mi vwo kperi se ukoẹcha wẹn

2 Kọrẹnt 1:8

Kidie avwanre guọnọre nẹ ovwan dia ogbori-i, imoni, rẹ ukpokpogho rẹ avwanre mrẹre vwẹ Esha; kidie o mu avwanre oma gangan rọ da nẹrhẹ ofu dje avwanre.

Ẹvwọphia 20:9

Ayen da yan ro akpọ ọhẹhẹre na ayen de ki erhọn rẹ ihwo efuanfon na yariẹ kugbe orere esiri na; ẹkẹvuọvo erhanre de nẹ odjuvwu rhe torhẹ ayen,

Iguẹdjọ 16:2

A da ta kẹ ihwo ri Gaza nẹ, Samsin rhe etinẹ, ayen da ra gba hẹrhẹ vwẹ anurhoro rẹ orere na vwẹ evun rẹ ason na ejobi. Ayen de fotovwi gbiei vwẹ ason na ejobi, tanẹ Jẹn avwanre hẹrhẹ bẹsiẹ ro vwo te irhiọke ride; etiyin avwanre ki hwe.

1 Samuẹl 19:12

Etiyin Mikal da lọrọ Devid wan ọvakpo; ọ da djẹ vabọ yanran.

1 Samuẹl 20:38

Jonatan de se ọmọ na, Jọphẹrẹ, kpatakpata, wọ hẹrhẹ-ẹ. Etiyin ọmọshare ri Jonatan na da tọrọ edada na, o de bru onini rọye rhe.

1 Samuẹl 23:25

Sọl vẹ ihwo rọye da ra guọnọ. A da vuẹ Devid; fiki rẹ ọtiọye na ọ da yanran kpo obo oragha rọ hẹ evun rẹ aghwa ri Maon. Ọke ri Sọl vwo nyo ọyena, ọ da vwọ tua Devid vwẹ evun rẹ aghwa ri Maọn

1 Samuẹl 23:27

Ọke rẹ ikọn vwo bru Sọl rhe, tanẹ, Jọphẹrẹ wọ rhe; kidie ihwo ri Filistia kpare imu rhe otọ na.