1 Samuẹl 23:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Devid de re duotọ rọye vwẹ obọ rẹ Ọrovwohwo, Me ra mi re phi ihwo ri Filistia na? Ọrovwohwo da ta kẹ Devid, Yanran re phi ihwo ri Filistia na rere wo sivwi Keilah.

1 Samuẹl 23:2 ပူးပေါင်းရင်းမြစ်များ

2 Samuẹl 2:1

Ọna vwọ wan na, Devid da nọ mie Ọrovwohwo, Me yanran kpo orho ọvo vwi Juda? Etiyin Ọrovwohwo da ta kẹ, Yanran. Devid da ta, Kọvọ me ra? Ọ da ta, Kpo Hebrọn.

2 Samuẹl 5:19

Devid da nọ vwẹ obọ rẹ Ọrovwohwo, Mi nene Filistia họnre? Wo phi ayen phihọ obọ mẹ? Ọrovwohwo da ta kẹ Devid, Ra họnre ayen, kidie mi ghine phi Filistia phihọ obọ wẹn nure.

2 Samuẹl 5:23

Ọke ri Devid vwọ nọ vwẹ obọ rẹ Ọrovwohwo, Mi nene ayen họnre, Ọ da ta nẹ, Wọ ra-a; yanran kpo obuko rayen rere wo re vwrẹ ayen aro phihọ vwẹ obaro rẹ urhe ri Balsam na.

1 Ikun rẹ Ivie 14:10

Devid da nọ vwẹ obọ rẹ Ọghẹnẹ, Me yanran re nene Filistia họnre. Wo phi ayen phihọ obọ mẹ? Ọrovwohwo da ta kẹ, Yanran, mi phi ayen phihọ obọ wẹn.

Une rẹ Ejiro 32:8

Mi dje kẹ wẹ mi yono uwe idjerhe ru wọ cha ra; Me nẹ wẹ iroro ẹro mẹ ko te we sun.

Jerimaya 10:23

E Ọrovwohwo, mẹ riẹnre nẹ idjerhe rẹ ohwo rẹ akpọ ọ hẹ oma rọye-e, nẹ ohwo sa vwẹ ogangan rẹ omobọ roye kpọ oma rọye vi-i.

Ukeri 27:21

Ko che mudia vwẹ obaro rẹ Ẹlẹazar rẹ orherẹn na, kọ cha vwẹ Utẹ vwọ guọnọ otọ rẹ ẹdjeguo kẹ vwẹ obaro rẹ Ọrovwohwo na; vwẹ oma rẹ ota rọye kẹ ayen ro otafe, vwẹ oma rẹ ota rọye kẹ ayen ro uwevwi, te ọye te ihwo rẹ Izrẹl ejobi re vọye gba berọ, ukoko na ejobi.

Joshua 9:14

Ọtiọye na ihwo na da re emu rayen, ayen rha nọ miẹ Ọrovwohwo-o.

Iguẹdjọ 1:1

Ukuko rọye ri Joshua vwo ghwu nu, ihwo re Izrẹl na da ra nọ Ọrovwohwo na ne, kono ri ke bru ihwo ri Kenan na ra họnre ayen ke avwanre?

1 Samuẹl 10:22

Ayen da rhoma duotọ rọye vwẹ obọ rẹ Ọrovwohwo, Ohwo na rhe etinẹ na? Ọrovwohwo da ta, Nighe, o sioma nu vwẹ ohri rẹ aghwa na.

1 Samuẹl 14:37

Sọl de duotọ rọye vwẹ obọ rẹ Ọghẹnẹ, Mi bru ihwo ri Filistia na? ku wo phi ayen phihọ obọ rẹ ihwo rẹ Izrẹl? Ẹkẹvuọvo ọ kpahe kẹ vwẹ ẹdẹ yena-a.

1 Samuẹl 23:3

Ẹkẹvuọvo ihwo ri Devid da ta kẹ, Nighe, oshọ mu avwanre vwi Juda vwẹ obonẹ; kemavọ ọ dia vwẹ ọke rẹ avwanre de kpo Keilah ra họnre unuofovwi ri Filistia?

1 Samuẹl 23:4

Devid da rhoma duotọ rọye vwẹ obọ rẹ Ọrovwohwo. Ọrovwohwo da kpahe kẹ, Vrẹn, yanran kpo Keilah; kidie mi che phi ihwo ri Filistia na phihọ owẹ obọ.

1 Samuẹl 23:6

Ọke rẹ Abiata rẹ ọmọ rẹ Ahimẹlẹk vwọ djẹ bru Devid vwi Keilah, ọ da yọnrọn ibuluku vwẹ obọ rọye.

1 Samuẹl 30:8

Devid de duotọ rọye vwẹ obọ rẹ Ọrovwohwo, Ke Me vwọ tua ihwo na? Me je sa yan mu ayen? ọ de nyo kẹ, Vwọ tua ayen; kidie wọ sa djẹ mu ayen wo ghine ji se sivwi ayen.