1 Samuẹl 23:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ayen ivẹ na de re ọphọ vwẹ obaro rẹ Ọrovwohwo; Devid da daji Horẹsh, Jonatan de rhivwi kpo.

1 Samuẹl 23:18 ပူးပေါင်းရင်းမြစ်များ

2 Samuẹl 21:7

Ẹkẹvuọvo ovie da yan ji Mefiboshẹt rẹ ọmọ ri Jonatan vwo, fiki rẹ iveve rẹ Ọrovwohwo rọ uherevie rayen, rọ hẹ uvwre ri Devid vi Jonatan rẹ ọmọ ri Sọl,

2 Samuẹl 9:1

Devid da ta, a rha sa mrẹ ohwo ọvo ro chekọ vwẹ uwevwi ri Sọl, re mi ru ẹse kẹ fiki ri Jonatan?

1 Samuẹl 18:1

Ọke rọ vwọ ta ota kẹ Sọl nu, erhi ri Jonatan de rhi churu mu erhi ri Devid, Jonatan da guọnọ kerẹ omaobọ rọye.

1 Samuẹl 18:3

Etiyin Jonatan vi Devid da re ọphọ, fikiridie ọ guọnerọ kerẹ omaobọ rọye.

1 Samuẹl 20:42

Etiyin Jonatan da ta kẹ Devid, kpo egbẹrhẹnẹdẹ, kidie ọ gua kẹ avwanre duvwu iyori kẹ ohwohwo vwẹ odẹ rẹ Ọrovwohwo nure, tanẹ, Ọrovwohwo dia uvwre mẹ vẹ owẹ, vẹ uvwre rẹ emọ mẹ vẹ ewẹn, bẹdẹ. ọ vrẹnri ọ da yanran; Jonatan de rhivwi kpo obo orere.

1 Samuẹl 20:8

Vwẹ ọtiọye na gba rẹ ehrọre rẹ odibo wẹn, kidie wọ riẹnre nẹ me vẹ owẹ re ọphọ. Ẹkẹvuọvo wọ da mrẹ abe vwẹ obọ mẹ, wẹ ọvo hwe vwe; kidie wọ rha vwẹ ovwẹ rhe ọsẹ wẹn ru?

1 Samuẹl 21:1

Etiyin Devid de bru Ahimẹlẹk rẹ orherẹn na rhe, vwi Nob; Ahimẹlẹk da rhe vwa Devid yọ phariẹ, ọ da ta kẹ, Wẹ ọvo rhere, ohwo ọvuọvo rhe nene we-e