1 Samuẹl 23:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ọ da ta kẹ, Wọ djẹ oshọ-ọ; kidie obọ ri Sọl ọsẹ mẹ che se te we e; wọ cha dia ovie vwẹ Izrẹl, ke me vwọ kpahe owẹ, Sọl rẹ ọsẹ mẹ je riẹn ọnana dede.

1 Samuẹl 23:17 ပူးပေါင်းရင်းမြစ်များ

Une rẹ Ejiro 118:6

Rẹ Ọrovwohwo vẹ ovwẹ vwo obo na me gbe djẹ oshọ-ọ. Kidie ohwo se ru vwe?

Isẹ 14:26

Oshọẹdjẹ rẹ Ọrovwohwo ọye e de vwo iphiẹrohọ ọgangan; emọ rọye ke sa mrẹ asan adjẹrhọn.

Isẹ 19:21

Iroro buebu re dia udu rẹ ohwo, ẹkẹvuọvo ọ rẹ Ọrovwohwo guọnọre ri se muẹdia.

Aizaya 35:3

Vwẹ ogangan kẹ abọ rẹ oma rhọ igbo re nuẹ gbe ru ayen gan.

Aizaya 35:4

Ta ke ihwo re udu rayen djẹ oshọ, Gba gan, wọ djẹ oshọ-ọ! Nighere, Ọghẹnẹ wẹn na cha rhe vẹ ihri ẹriọ, vẹ osa ẹhwa rẹ Ọghẹnẹ. Ọ cha rhe rhi sivwi uwe.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Aizaya 54:17

orọvwọ re duvwu vwọ so owẹ se yovwi-i, ku wo gbe ota phihọ unu kunu ro vrẹn vwọ so owẹ vwẹ ẹdjọ. Ọnana kọ dia ughwẹ re idibo rẹ Ọrovwohwo kugbe ase rẹ ayen cha re vwẹ obọ mẹ, eriyin Ọrovwohwo tare.

Iyẹnrẹ Esiri ri Luk 12:32

Wa djẹ oshọ-ọ, imigegede mẹ, kidie evun esiri rẹ Ọsẹ na rọ vwọ vwẹ uvie na kẹ ovwan.

Iruo rẹ Iyinkọn na 28:16

Ọke rẹ avwanre rhi vwo te Rom, a da rhovwe kẹ Pọl nẹ ọ dia asan obọ roye san, ọ vẹ isodje re rhẹrẹ.

Iruo rẹ Iyinkọn na 5:39

Ẹkẹvuọvo ọ da dianẹ obọ rẹ Ọghẹnẹ o nurhe, ovwan che se gere ayen she-e. Ọghẹnẹ kọye ekpuyovwi rẹ ovwan che muẹ kpaha na.

Ọbe ri Pọl si rhe Ihwo ri Rom 15:24

mi phiẹrohọ nẹ me cha vwẹriẹ mrẹ ovwan re me da cha wanvrẹn kpo Spen, me vẹ ovwan da bẹnẹ kẹ oma nu, ku we sun vwe yanran.

Hibru 13:6

Kẹ avwanre sa vwẹ obọ saudu nẹ, Ọrovwohwo hẹ ọchuko mẹ, oshọ gbi mu uvwe-e; kidie ohwo se ru kẹ vwẹ?

1 Samuẹl 20:31

Kidie uche ọke rẹ ọmọ ri Jesse na dia akpọ na krite, te owẹ te uvie wẹn cha sa ghwotọ-ọ. Gbe ji ohwo re muo rhe vwe, kidie o ghwu nure.

1 Samuẹl 22:23

Nene uvwe dia, wọ djẹ oshọ-ọ, kidie ohwo rọ guọnọ ovwẹ hwe yọ guọnọ owẹ hwe rhe; obọ mẹ ọye wọ da rhọ.

1 Samuẹl 24:19

Kidie ohwo da mrẹ ọvweghrẹ rọye, ko siobọ no kpo phrẹrẹ? Ọtiọye na Ọrovwohwo kọ hwa osa oyoyovwi kẹ wẹ fiki rẹ obo wo ru kẹ vwẹ nonẹ na.

1 Samuẹl 24:20

Asakiephana, nighe, o mu vwe ẹro nẹ wọ cha dia ovie, uvie rẹ Izrẹl na kẹ obọ wẹ ọ da cha ghwotọ.

1 Samuẹl 24:21

Gba vwẹ odẹ rẹ Ọrovwohwo duvwu iyori nẹ wo rhe hwe uvwiẹ mẹ re kakare-e, wọ rha ghwọrọ odẹ mẹ nẹ uwevwi rẹ ọsẹ mẹ tototo-o.

1 Samuẹl 24:4

Ihwo ri Devid da ta kẹ, Nonẹ na ẹdẹ rẹ Ọrovwohwo ta kẹ wẹ nẹ, Nighe, Mi che phi ọvweghrẹ wẹn phihọ owẹ obọ, ku wo ruo obo je we ejobi. Etiyin Devid de vrẹn ọ da bẹbẹ re bru orhọn rẹ adagba ri Sọl.

1 Samuẹl 25:30

ọke rẹ Ọrovwohwo de ru kẹ ọrovwovwe emu esiri nana ejobi ra ta kpahọ owẹ na, ra da vwẹ owẹ ma ovie vwẹ enu rẹ Izrẹl