1 Samuẹl 22:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Etiyin Doẹg ohwo rẹ Edọm na, ro mudia kẹrẹ idibo ri Sọl na, da kpahe, Me mrẹ ọmọ ri Jesse rọ rhe Nọb, bru Ahimẹlẹk rẹ ọmọ rẹ Ahitọb,

1 Samuẹl 22:9 ပူးပေါင်းရင်းမြစ်များ

Isẹ 19:5

Ohwo ro se oseri rẹ efian jẹ oja ẹriọ-ọ, ọ rọ rha vwọrọn ofian cha sa djẹ vabọ-ọ.

Isẹ 29:12

Osun da kerhọn rẹ eta rẹ ọphiẹnvwe, otu rọye ejobi ke dia ihwo miomiovwi.

Aizaya 10:32

Nonẹ re ọke na ọ daji vwi Nọb, ko rhurhu ọche rọye vwẹ asan ugbenu rẹ ọmọtẹ ri Zayọn, ugbenu ri Jerusalẹm.

Izikiẹl 22:9

Ihwo evo hẹ evun wẹn na ri gbe ode mẹ ku fiki rẹ ọbara esuo, ihwo evọ je hẹ evun wẹ re ria emu vwẹ obenu rẹ igbenu, ihwo gbe ọfarhiẹ ọbrabra vwẹ uherevie wẹn.

1 Samuẹl 14:3

Ahijah rẹ ọmọ rẹ Ahitub, oniọvo rẹ Ikabod, rẹ ọmọ ri Finihas, rẹ ọmọ rẹ Eli, orherẹn rẹ Ọrovwohwo vwi Shiloh, o de ku ibuluku phihọ. Ihwo na rha riẹn nẹ Jonatan yanra-an.