1 Samuẹl 22:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Etiyin ọmraro na Gad da ta kẹ Devid, Wọ dia evun rẹ ẹmwa na-a; vrẹn nẹ etiyin, re wo kpo otọ ri Juda. Etiyin Devid de vrẹn, ọ da yanran kpo egbo ri Hẹrẹt.

1 Samuẹl 22:5 ပူးပေါင်းရင်းမြစ်များ

2 Samuẹl 23:14

Yi Devid hẹ evun rẹ ẹmwa vwẹ ọke yena, otuofovwi ri Filistia ọ hẹ evun ri Bẹtlẹhẹm.

2 Samuẹl 24:11

Devid vwo vrẹn vwẹ irhiọke, ota rẹ Ọrovwohwo de bru ọmraro Gad rhe, ọmrẹ ri Devid, ọ da ta,

1 Ikun rẹ Ivie 11:16

Yẹ Devid hẹ evun ra asan rọ odjahọ na; jẹ unuofovwi ri Filistia won phihọ Bẹtlẹhẹm ọke yena.

1 Ikun rẹ Ivie 21:9

Ọrovwohwo da ta ota kẹ Gad, ọmraro ri Devid, tanẹ,

1 Ikun rẹ Ivie 29:29

Asakiephana, irueru rẹ ovie Devid, nẹ ẹsosuọ re duvwu oba, e si ayen phihọ ẹbe rẹ Ikun ri Samuẹl rẹ ọmraro na, kugbe evun rẹ Ikun ri Natan rẹ ọmraro na, vẹ Ikun ri Gad rẹ ọmraro na,

2 Ikun rẹ Ivie 29:25

Ọ da ghwẹ ihwo ri Livae na phihọ uwevwi rẹ Ọrovwohwo vẹ ekuakua, akpata, kugbe isorogun, kirobo rẹ urhi ri Devid vi Gad ọmraro rẹ ovie kugbe Natan ọmrare na epha; kidie urhi na ọ rẹ Ọrovwohwo rọ wan unu rẹ emraro rọye rhe.

Une rẹ Ejiro 63:1

E Ọghẹnẹ, wẹwẹ Ọghẹnẹ mẹ, Me guọuọ owẹ, urhuru wẹn re si ẹnwẹ mẹ, uvwo rẹ oma ;me re sherua fiki wẹn, kerẹ otọ rẹ ọsha ọyaya rẹ ame epha-a.

1 Samuẹl 22:4

Ọda yan jẹ ayen vwo kẹ ovie ri Moab, ayen da dia etiyin vwẹ ọke na ejobi ri Devid dia evun rẹ ẹmwa na.