1 Samuẹl 22:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Nene uvwe dia, wọ djẹ oshọ-ọ, kidie ohwo rọ guọnọ ovwẹ hwe yọ guọnọ owẹ hwe rhe; obọ mẹ ọye wọ da rhọ.

1 Samuẹl 22:23 ပူးပေါင်းရင်းမြစ်များ

2 Samuẹl 9:7

Devid da ta kẹ, Wọ djẹ oshọ-ọ; kidie mi dje aruẹdọn kẹ wẹ fiki ri Jonatan rẹ ọsẹ wẹn, ke me vwẹ etọ ri Sọl ọsẹ wẹn ejobi kẹ wẹ, ku wọ re emu vwẹ imẹjẹ mẹ kọke kọke.

1 Ivie 1:7

Ọ vẹ Joab ọmọ ri Zẹruya kọye gba jẹ iroro kugbe Abiata rẹ orherẹn na; ayen de nene Adonija ayen da cha uko.

1 Ivie 2:26

Ovie na da ta kẹ Abiata rẹ orherẹn na, Yanran kpo Anatọt, asan re eyere wẹn epha; kidie wo fo ughwu. Ẹkẹvuọvo me sa vwẹ ọke nana hwe we-e, fikiridie wẹ ọyen mu ekpeti rẹ Ọrovwohwo Ọghẹnẹ ka obaro kẹ Devid ọsẹ mẹ, fikiridie e kpokpo uwe vẹ ọsẹ mẹ kugbe.

Matiu 24:9

Ka cha vwẹ okpetu so ovwan ke hwe ovwan; ivun rẹ ovwan ko che miovwo ẹgborho ejobi fiki rẹ odẹ mẹ.

Iyẹnrẹ Esiri ri Jọn 15:20

Karohọ ota re me ta kẹ ovwan na, Odibo rhonọ onini rọye-e. Ọ da djanẹ ayen kpokpo uvwe, ayen ji kpokpo ovwan rhe, ayen de sẹro rẹ ota mẹ, ayen ke je sẹro rẹ ọ rẹ ovwan rhe.

Iyẹnrẹ Esiri ri Jọn 17:12

Ọke re me vẹ ayen vwọ hẹro na, me sẹro rẹ ayen vwẹ odẹ wẹn re wọ vwọ kẹ vwẹ na; me rhẹrẹ ayen, ọvuọvo rẹ ayen ghwruru-u ẹkẹvuọvo ọmọ rẹ ughwru na, rere ọbe ọfuanfon na vwọ gba.

Iyẹnrẹ Esiri ri Jọn 18:9

Ọnana ọ tare rere ota rọ tare na vwọ gba, Usun rẹ ihwo ru wọ vwọ kẹ vwẹ na ọvuọvo va vwẹ abọ ghwru-u.

1 Samuẹl 23:17

Ọ da ta kẹ, Wọ djẹ oshọ-ọ; kidie obọ ri Sọl ọsẹ mẹ che se te we e; wọ cha dia ovie vwẹ Izrẹl, ke me vwọ kpahe owẹ, Sọl rẹ ọsẹ mẹ je riẹn ọnana dede.