1 Samuẹl 22:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kohwo kohwo rọ hẹ ukpokpogho, kohwo kohwo rọ re esa, kugbe kohwo kohwo rẹ ofu djeri, da ghwiẹ bro ra; ọda rhe dia onotu rẹ ayen. Ihwo ri nenire joma te ujori ẹne.

1 Samuẹl 22:2 ပူးပေါင်းရင်းမြစ်များ

2 Samuẹl 17:8

Hushai da je kpahọ, Wọ riẹnre nẹ ọsẹ wẹn vẹ ihwo rọye na egba, gangan, yẹ ivun dja ayen kerẹ okpohrokpo re mie ọmọ; ọ rọ vwọ kpahọ, ọsẹ wẹn ọwena rẹ ofovwi gangan; ọ vẹ ihwo na che wo phihọ asan ọvo vwẹ ason na-a.

2 Samuẹl 5:2

Dẹvure, rẹ Sọl vwọ hẹ ovie vwẹ enu rẹ avwanre, we ri je sun Izrẹl ruafe, we ji sun ayen ro uwevwi. Ọrovwohwo da ta kẹ wẹ, Wẹ re cha dia osuigodẹ rẹ ihwo mẹ Izrẹl; wẹ re je cha dia ovie vwẹ enu rẹ Izrẹl.

Ivie rẹ Ivẹ 20:5

Rhivwi yanran wọ ta kẹ Hẹzikaya, ovie rẹ ihwo mẹ, Enẹ Ọrovwohwo, Ọghẹnẹ ri Devid ọsẹ wẹn tare. Mi nyo orẹ wẹn, Mi nyo oviẹ wẹn, nighe, Mi che sivwi uwe; ẹdẹ rerha ku wo kpo uwevwi rẹ Ọrovwohwo.

Ivie rẹ Ivẹ 4:1

Asakiephana aye rẹ ọvo vwẹ emọ rẹ emraro na de kperi se Ilaesha, Odibo wẹn ọshare mẹ ghwuru, wọ riẹnre nẹ odibo wẹn djẹ oshọ rẹ Ọrovwohwo na; ohwo rẹ avwanre re osa rọye rhere rhe reyọ emọ mẹ ivẹ re vwo ru eviẹn rọye.

Isẹ 31:6

Vwẹ udi ọgangan kẹ ayen otu re ghwọrọ kuẹfia, wọ vwẹ udi re miẹmiẹ kẹ otu re hẹ uvweri,

Matiu 11:12

Nẹ ọke ri Jọn rhe rhi te ọke nana ọye uvie rẹ odjuvwu vwọ hẹ ukpokpogho, ihwo ogbarogba vwọ vwẹ ẹgba reyọ.

Matiu 11:28

Bru vwe rhe ihwo rẹ owian kugbe oghwa bẹn, Me kẹ ovwan ufuoma.

Hibru 2:10

Kidie o fori nẹ ọye, ra ma emu na ejobi kẹ na, rẹ emu na ejobi vwọ herọ na, sa vwọ reyọ emọ na vwo kpo urinrin, rere e sa dia ekobaro rẹ esivwo rayen na vwẹ oma rẹ oja rọ rere.

Iguẹdjọ 11:3

Etiyin Jẹfta da djẹ yan jẹ emesẹ rọye vwo, ọ da ra dia otọ ri Tọb; Jẹfta de se ihwo buebu ri gbe ozighi boma, ọ vẹ ayen kọye ri koko kpare ofovwi.

Iguẹdjọ 18:25

Ihwo ri Dan na da ta kẹ nẹ, Wo rhe bunu kpahe avwanre-e, ọ da nẹrhẹ otu ri mu ophu rhe họnre owẹ, wo de rhe ku arhọ wẹn kugbe arhọ rẹ uwevwi wẹn kufia.

1 Samuẹl 1:10

Ivun miovwiro hwe kọ nẹ ẹrhovwo kẹ Ọrovwohwo, jọ viẹ pata pata.

1 Samuẹl 22:3

Devid da yan nẹ etiyin kpo Mizpeh ri Moab; ọda ta kẹ ovie ri Moab, Biko jẹn ọsẹ mẹ vẹ oni mẹ nene uwe dia, bẹsiẹ me vwọ riẹn obo rẹ Ọghẹnẹ che ru kẹ vwẹ.

1 Samuẹl 23:13

Etiyin Devid vẹ ihwo rọye, re joma bu te ujori esan na, de vrẹn nẹ Keilah, ayen de kpo asan rẹ ayen sa ra ejobi. Ọke ra vwọ vuẹ Sọl nẹ Devid vrẹn nẹ Keilah re, ọ da yan jẹ imu na vwo.

1 Samuẹl 25:13

Devid da ta kẹ ihwo rọye, ọ vuẹ ọlọkọ rọye reyọ, dohwo dọlọkọ rọye da reyọ; Devid da je reyọ ọlọkọ rọye; ihwo ujori ẹne de nene Devid, ujori ivẹ de tidia kẹrẹ eghwa.

1 Samuẹl 30:6

Oma da ghwọrọ Devid gangan; kidie ihwo na ayen che phio, fikiridie ivun re ghwie ihwo vwẹ udu rayen, ohwo ọvuọvo fiki rẹ emọ rọ rẹ eshare vẹ emetẹ. Ẹkẹvuọvo fiki rẹ Ọrovwohwo Ọghẹnẹ rọye udu rẹ Devid da gan.

1 Samuẹl 9:16

Odẹ rọ cha vwẹ oghẹre rẹ ọke etiọna mi che ji ohwo ọvo nẹ otọ ri Bẹnjamin bru we rhe, ku wọ vwẹ evwri te rọ dia oviẹ vwe enu rẹ ihwo mẹ Izrẹl. Ko sivwi ihwo mẹ nẹ obọ rẹ ihwo ri Filistia, kidie Me mrẹ oma ẹlaghọ rẹ ihwo mẹ, fikiridie oviẹ rayen rhi te vwẹ oma re.