1 Samuẹl 22:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ovie na da ta kẹ ihwo re rhẹrẹ ekpuyovwi rọye, Rhẹriẹ oma ru we hwe irherẹn rẹ Ọrovwohwo na; kidie ayen vẹ Devid obọ, ayen je riẹn nẹ ọ djẹre, yẹ ayen vuẹ vwẹ-ẹ. Ẹkẹvuọvo idibo rẹ ovie na rhe se yivwẹ hwe irherẹn rẹ Ọrovwohwo na-a.

1 Samuẹl 22:17 ပူးပေါင်းရင်းမြစ်များ

2 Samuẹl 15:1

Rẹ ọna vwọ wan nu, Absalọm de rhi vwo ekpẹrẹ rẹ ofovwi te iyesi vẹ ihwo ujuvẹ gbe ihwe re djẹ nene.

1 Ivie 1:5

Asakiephana Adonija ọmọ ri Haggit de mu oma rọye kpenu, tanẹ, Me dia ovie; o de rhuo ekpẹrẹ kẹ oma rọye vẹ ihwo re gua iyesi, kugbe ihwo ujuvẹ gbe ihwe re karo kẹ.

1 Ivie 14:27

Etiyin ovie Rehoboam de duvwu ekpọfia rẹ ẹrovwo phihọ ẹdia rayen, o de phi ayen phihọ obọ rẹ onotu rẹ ohẹrhẹ, rọ sẹro ẹchẹ rẹ uwevwi rẹ ovie na.

1 Ivie 18:4

ọke ri Jezibẹl vwo hwe emraro rẹ Ọrovwohwo na, Obadaya da reyọ emraro ujori o de si ayen nu ujuvẹ gbe ihwe ẹko vwẹ evun re emwa, ọ da vwẹ emu kẹ ayen re ọ da vwẹ ame kẹ ayen da.)

Ivie rẹ Ivẹ 10:25

Ọtiọye na ro ghwe vwo ze izobo kugbe izobo rẹ ẹtorhẹ na nu, Jehu da ta kẹ ohẹrhẹ na vẹ ilori na, Wa ro uwevwi na re we hwe ayen; wo jẹn ohwo ọvuọvo vabọ-ọ. Kọye ọke ra vwọ nyavwe ayen ejobi hwe nu, ohẹrhẹ na vẹ ilori na de mu irivwi rẹ ayen phihọ otafe, ayen da yanran ra ro ivun rẹ uwevwi ri Baal.

Ẹyano 1:17

Ẹkẹvuọvo irhere na da djẹ oshọ rẹ Ọghẹnẹ, ayen rhe ru obo rẹ ovie rẹ Ijipt na ta kẹ ayeen, ẹkẹvuọvo ayen da yan jẹn emeshare na vwo.

Iruo rẹ Iyinkọn na 4:19

Ẹkẹvuọvo Pita kugbe Jọn da kpahe kẹ ayen, o de fo vwẹ obaro rẹ Ọghẹnẹ ra vwo kerhọn rẹ ovwan jẹ Ọghẹnẹ vwo, ovwan ọvo gbe brorhiẹ nana.

1 Samuẹl 14:45

Etiyin ihwo na da ta kẹ Sọl, Jonatan ko ghwu, ro ru iruo vẹ obọẹkparo rode vwẹ Izrẹl na? Jọ yena vwo! Obo rẹ Ọrovwohwo herọ na, ogẹto rẹ uyovwi rọye ọvuọvo che she te otọ-ọ; kidie ọ vẹ Ọghẹnẹ ri gbe koko ru iruo nonẹ na. Etiyin ihwo na da tan Jonatan, o gbi rhe ghwu-u.

1 Samuẹl 2:31

Nighe, ẹdẹ cha, re me cha vwọ nyavwe ogangan wẹn kugbe ogangan rẹ uwevwi ọsẹ wẹn kufia, ọtiọye na a gbe cha mrẹ ọmare vwẹ uwevwi wẹ-ẹn.

1 Samuẹl 20:33

Ẹkẹvuọvo Sọl da vwẹ ubiri vwo phio, etiyin o de mu Jonatan ẹro nẹ ọsẹ rọye ghinẹ guọnọ Devid hwe.

1 Samuẹl 22:13

Sọl da ta kẹ, Die wọ vwọ ta vwẹ phihọ, wẹ kugbe ọmọ ri Jesse, kidie wọ vwẹ ikara kẹ kugbe ọlọkọ, we de rhe duotọ rẹ emu vwẹ obọ rẹ Ọghẹnẹ kẹ, rere ọ mrasan vwọ so vwẹ, rere ọ hwa phihọ hẹrhẹ ovwẹ, kirobo rọ epha nonẹ na?

1 Samuẹl 22:16

Ovie da ta, Wọ ghwu họ, Ahimẹlẹk, wẹ kugbe uwevwi rẹ ọsẹ wẹn ejobi.

1 Samuẹl 25:17

Asakiephana gbe riẹn ọnana re wo roro obo wo ru; kidie a rọ jẹ iroro umwemwu kpahe onini rẹ avwanre vẹ uwevwi rọye, yẹ oka rẹ ohwo ọvo ọtiọye rọ guọnọ nẹ ohwo ta ota kẹ ọye-e.

1 Samuẹl 8:11

Ọ da ta. Enana keye cha dia idjerhe rẹ ovie ro che sun ovwan na: kọ cha reyọ emeshare rẹ ovwan vwo ru ihwo re gua rọye kugbe lyesi rọye, rere e mia djẹ vwẹ obaro rẹ rọye;