1 Samuẹl 22:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ovie da ta, Wọ ghwu họ, Ahimẹlẹk, wẹ kugbe uwevwi rẹ ọsẹ wẹn ejobi.

1 Samuẹl 22:16 ပူးပေါင်းရင်းမြစ်များ

1 Ivie 18:4

ọke ri Jezibẹl vwo hwe emraro rẹ Ọrovwohwo na, Obadaya da reyọ emraro ujori o de si ayen nu ujuvẹ gbe ihwe ẹko vwẹ evun re emwa, ọ da vwẹ emu kẹ ayen re ọ da vwẹ ame kẹ ayen da.)

1 Ivie 19:2

etiyin Jezibẹl de ji ikọn bru Ilaija tanẹ, ọtiọye ẹdjọ na ru kẹ vwẹ, e je nọ ọtiọye rhe, ri mi gbe rhe hwe we vwẹ ọke ọtiọna odẹ rọ cha na-a kirobo ru wo hwe ọvo vwẹ usun rẹ ayen na.

Ẹsta 3:6

Ẹkẹvuọvo ọ gbi guọnọ nọ ọye yọnre Modekai ọvo-o. Ọtiọye na re vwo dje ihwo ri Modekai kẹ nu re na, Haman kọ guọnọ guọghọ ihwo ri Ju ejobi, ihwo ri Modekai re hẹ uvie rẹ Ahasuerus na ejobi.

Isẹ 28:15

Kirobo rẹ okpohrokpo ro denu eyẹ edjẹnẹkpo rọ djọma epha, eriyin ohwo umwemwu ro suẹn ivwioghere epha.

Daniẹl 2:12

Fiki rẹ ọnana ophu de mu ovie na ivun de ghwie mamọ etiyin ọ da tanẹ ehwe evwaghwanre ri Babilọn ejobi rẹ.

Daniẹl 2:5

Ovie na da kpahe kẹ ihwo ri Kaldia, Ota ro nẹ obọ mẹ rhe muero: wa gbe rha fan otọ rẹ evwerhẹ na kẹ vwẹ-ẹ, ka cha sanvwe abọ vẹ awọ nẹ ovwan oma, uwevwi rẹ ovwan ka je guọghọ ayen te otọ.

Matiu 2:16

Ri Herọd vwọ riẹn nẹ ihwo na phiẹ ọye phihọ, ivun de miovwo gangan, o de ji ikọn nẹ e rẹ hwe emọboba rẹ eshare re hẹ Bẹtlẹhẹm ejobi, kugbe eko rọye ejobi, emọ rẹ ikpe ive rhe otọ, nẹ okẹ re vwo vwiẹ ọmọ na rhe na.

Iruo rẹ Iyinkọn na 12:19

Ọke rẹ Herọd vwọ guọnọ rọ gbe mrẹ-ẹ, ọ da nọ erhẹrotọ na ejobi orhiẹn ọ da ta nẹ a teye ayen ejobi hwe. Etiyin o de vrẹn nẹ Judia kpo obi Sizaria ọ da daji oboyi.

Urhi Rivẹ 24:16

Ehwe esemọ na sohọ emọ na-a, e ji hwe emọ na sohọ esemọ na-a; ohwo ro ru umwemwu ri ghwu phihọ umwemwu rọye.

1 Samuẹl 14:44

Sọl da ta, Ọghẹnẹ ru ọtiọye kẹ vwẹ ọ rọ tobọ rhonọ ọtiọye rhe; wo je ghwo-o Jonatan.

1 Samuẹl 20:31

Kidie uche ọke rẹ ọmọ ri Jesse na dia akpọ na krite, te owẹ te uvie wẹn cha sa ghwotọ-ọ. Gbe ji ohwo re muo rhe vwe, kidie o ghwu nure.

1 Samuẹl 22:15

Ki nonẹ mi ru duotọ rẹ emu vwẹ obọ rẹ Ọghẹnẹ kẹ? Ẹjo! Ẹ jẹn ovie roro iroro kpahe odibo rọye-e eyẹ uwevwi rẹ ọsẹ mẹ ejobi-i; kidie odibo wẹn riẹn emuọvo vwẹ ọnana ejobi-i, kaka kọ kọnro.

1 Samuẹl 22:17

Ovie na da ta kẹ ihwo re rhẹrẹ ekpuyovwi rọye, Rhẹriẹ oma ru we hwe irherẹn rẹ Ọrovwohwo na; kidie ayen vẹ Devid obọ, ayen je riẹn nẹ ọ djẹre, yẹ ayen vuẹ vwẹ-ẹ. Ẹkẹvuọvo idibo rẹ ovie na rhe se yivwẹ hwe irherẹn rẹ Ọrovwohwo na-a.