1 Samuẹl 22:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ahimẹlẹk da kpahe kẹ ovie na, Kono vwẹ usun rẹ idibo wẹn na re dia ọvwata kerẹ Devid, rẹ ọgọ rẹ ovie, kugbe onotu rẹ ihwo re rhẹrẹ owẹ, ra vwẹ ọghọ kẹ vwe uwevwi wẹn?

1 Samuẹl 22:14 ပူးပေါင်းရင်းမြစ်များ

1 Samuẹl 17:25

Ihwo rẹ Izrẹl da ta, Wọ mrẹ ohwo nana ro bru avwanre rhe na? Uyota ọ rhere rhi gbobọ se Izrẹl; ohwo ro hwere, ovie kọ ghwẹ ẹfe buebu kẹ, kọ vwẹ ọmọtẹ rọye vwọ kẹ rọvwọ, kọ ru uwevwi rẹ ọsẹ rọye dia ọmuvwiẹ vwẹ Izrẹl na.

1 Samuẹl 18:13

Etiyin Sọl de sionẹ obaro rọye, ọ da vwọ ma onotu rẹ uriori; o de ru dẹndẹn vwẹ obaro rẹ ihwo na kirobo ro ruẹ jovwo.

1 Samuẹl 18:27

Devid vrẹnri ọ da yanran, ọ vẹ ihwo rọye, o de hwe ihwo ri Filistia uri; Devid da jẹ ophiẹn rẹ upheruphe rayen, ọ da vwẹ ayen kẹ ovie re tototo, rere ọ vwọ mrasa dia ọgọ rẹ ovie. Sọl da vwẹ ọmọtẹ rọye Mikal vwọ kẹ.

1 Samuẹl 20:32

Etiyin Jonatan da kpahe kẹ Sọl ọsẹ rọye, Die sorọ re vwo hwe? Die oruru?

1 Samuẹl 21:2

Devid da ta kẹ Ahimẹlẹk rẹ orherẹn na, Ovie vuẹ vwẹ ota ọvo, ọ da ta kẹ vwẹ nẹ, Wo jẹn ohwo ọvuọvo riẹn obo re me vuẹ wẹ na ri mi ji urhi rọye kẹ wẹ na-a. Me ta kẹ ivwighrẹ evo nẹ e rhe vwa vwẹ asan ọtiọna.

1 Samuẹl 22:13

Sọl da ta kẹ, Die wọ vwọ ta vwẹ phihọ, wẹ kugbe ọmọ ri Jesse, kidie wọ vwẹ ikara kẹ kugbe ọlọkọ, we de rhe duotọ rẹ emu vwẹ obọ rẹ Ọghẹnẹ kẹ, rere ọ mrasan vwọ so vwẹ, rere ọ hwa phihọ hẹrhẹ ovwẹ, kirobo rọ epha nonẹ na?

1 Samuẹl 24:11

Wọ mrẹrẹ ọsẹ mẹ, ni orhọn rẹ adagba wẹn vwẹ obọ mẹ; ri mi se vwo bru orhọn rẹ adagba wẹn, yi mi hwe we na-a, ku wọ riẹn nẹ iroro umwemwu eyẹ ozighi hẹ evun mẹ-ẹ. Mi ji ru umwemwu kpahe owẹ-ẹ, dede yu wọ bẹrẹ ibefi rere wo hwe vwe.

1 Samuẹl 25:28

Biko vwo ghovwo oruchọ rẹ ọmọtẹ wẹn; vwọ ọ rẹ uyota Ọrovwohwo cha kẹ wẹ uwevwi re bẹdẹ, fikiridie ofovwi ri wo phiẹ na Ọrovwohwo wo phio kẹ; a rha sa mrẹ umwemwu vwẹ evun wẹn uchọke wọ dia akpọ na krite-e.

1 Samuẹl 26:23

Ọrovwohwo hwa osa kẹ kohwo kohwo kirobo rẹ ọvwata vẹ uyota rọye epha; kidie Ọrovwohwo phi we phihọ obọ mẹ nonẹ na, yi mi yivwi vwẹ obọ te ohwo rẹ Ọrovwohwo vwẹ evwri ghworo nure-e.