1 Samuẹl 21:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Devid de roro eta na vwẹ udu rọye, oshọ rẹ Akish ovie ri Gat de muo gangan.

1 Samuẹl 21:12 ပူးပေါင်းရင်းမြစ်များ

Jẹnẹsis 26:7

Ọke rẹ ihwo rẹ asan na vwọ nọ ekpẹn rẹ aye rọye, ọ da ta, Oniọvo mẹ oruẹ; kidie oshọ muro rọ vwọ ta nẹ, Aye mẹ, ko roro nẹ ihwo rẹ asan na che hwe ọye fiki ri Rebeka, kidie oyovwiri gangan.

Une rẹ Ejiro 119:11

Mi phi ota wẹn phihọ udu mẹ rere mi vwo ji umwemwu eruo kpahe owẹ.

Une rẹ Ejiro 34:4

Me guọnọ Ọrovwohwo, o de nyo kẹ vwẹ, o de sivwi uvwe nẹ oshọ mẹ ejobi.

Une rẹ Ejiro 56:3

Vwe ọke rẹ oshọ de mu vwe, ke me vwẹ ẹro so owẹ.

Iyẹnrẹ Esiri ri Luk 2:19

Ẹkẹvuọvo Meri de phi eta nana ra ta kẹ na vwọ hẹ vun.

Iyẹnrẹ Esiri ri Luk 2:51

Ọ vẹ ayen da yanran kpo Nazarẹt, ọ da vwẹ oma kpotọ kẹ ayen; oni rọye de phi eta nana vwọ hẹ evun.

1 Samuẹl 18:7

Eya na ke sua ine kẹ ohwohwo rẹ oma vwọ vwerhe ayen na tanẹ, Sọl hwe uriori, Devid hwe uriori ihwe.

1 Samuẹl 21:10

Devid de vrẹn ọ da djẹ vwẹ ẹdẹ yena nẹ obọ ri Sọl, o de bru Akish ovie ri Gat.

1 Samuẹl 21:13

Ọtiọye na o de ghwe ku uruemu rọye rhẹriẹ vwẹ irharo rẹ ayen, o de ru kerẹ ohwo rọ mwa orhuẹ, ko siẹ eravwọ phihọ ẹchẹ rẹ anurhoro na, ko bo enya kuẹ ẹtuegba rọye.