1 Samuẹl 21:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Devid de vrẹn ọ da djẹ vwẹ ẹdẹ yena nẹ obọ ri Sọl, o de bru Akish ovie ri Gat.

1 Samuẹl 21:10 ပူးပေါင်းရင်းမြစ်များ

1 Ivie 19:3

Etiyin oshọ de muo, o de vrẹn ọ da djẹ kpo Beer-sheba, ri Juda, fiki rẹ arhọ rọye, ọ da yan jẹ odibo rọye vwo vwẹ etiyin.

Une rẹ Ejiro 56:1

Re ehrọre mẹ, E Ọghẹnẹ, kidie ihwo chiyi vwe muotọ; vwẹ ẹdẹ na ejobi ivwighrẹ re shenyẹ vwẹ,

Jerimaya 26:21

Ọke ri Jehoiakim rẹ ovie kugbe egba rẹ ofovwi rọye vẹ isun na ejobi, vwo nyo eta nana, ovie na da guọnọ obo ro vwo hwe; ẹkẹvuọvo ri Uraya vwo nyo, udu de bro ọ da djẹ kpo Ijipt.

1 Samuẹl 17:2

Sọl kugbe ihwo rẹ Izrẹl da ghwẹ koko, ayen de mu erhọn phihọ iyara rẹ Elah, ayen vẹ ihwo ri Filistia de rhi mu ofovwi dje.

1 Samuẹl 17:51

Etiyin Devid da djẹ ra bẹrẹ agada sa ohwo ri Filistia na, ọ da yọnrọn ọlọkọ rọye o de yoro nẹ ako rọye rhe, o de hwe, ọ da vwọ nyavwe uyovwi roye no. Ọke rẹ ihwo ri Filistia vwọ mrẹ nẹ ọgba rayen ghwu nure, ayen da djẹ.

1 Samuẹl 22:10

o de duotọ rẹ emu vwẹ obọ rẹ Ọrovwohwo kẹ, ọ da ghwẹ emuọre kẹ, ọ da vwẹ ọlọkọ ri Golayat ohwo ri Filistia na vwọ kẹ.