1 Samuẹl 20:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Devid da ta kẹ Jonatan, Nighe, odẹ rọ cha na ọye ọtuphro rẹ emeranvwe, me vẹ ọsẹ wẹn ovie ki tidia udemu emuọvo sa da vwẹ ji-i; ẹkẹvuọvo ju vwe yanran, re sioma mẹ nu vwẹ obo aghwa re te ovwọnvwọn rẹ ẹdẹ rerha.

1 Samuẹl 20:5 ပူးပေါင်းရင်းမြစ်များ

Ivie rẹ Ivẹ 4:23

Ọshare rọye da ta, Die nẹrhẹ wọ ra nonẹ? Nonẹ dia otuphro rẹ emeranvwe eyẹ edidjala-a. Aye na da ta, Ọ che shehọ.

Une rẹ Ejiro 55:12

Ọ dia ọvweghre re vwẹ ovwẹ jehwẹ na-a– ọ dia ọye manẹ mi chiro; ọ dia ukọn rẹ bọphiẹ ovwẹ na-a– manẹ mi si oma mẹ nu kẹ.

Une rẹ Ejiro 81:3

Hworo owanre vwẹ ọtuphro rẹ emeranvwe, vwẹ ọke rẹ emeranvwe da vẹgbe, vwẹ ẹdorẹ rẹ avwanre.

Isẹ 22:3

Ọvwiroro da mrẹ ukpokpogho rọ cha kọ sioma rọye reyọ; ẹkẹvuọvo ẹkpa da họrhọ ruọ, kọ re oja.

Emọs 8:5

tanẹ, ọkevọ ọtuphro rẹ emeranvwe ọkpokpọ na vwo re, rere ma ra shẹ ọka? Kugbe ẹdidjala na, rere avwanre ra ghwẹ ọka ra shẹ, rere me ru iputusẹ havwe rere shekẹl rho, rere ma ghwa ayen re vwẹ evwanvwọn,

Ukeri 10:10

Vwẹ ẹdẹ rẹ omavwerhe wẹn kugbe ẹdẹ rẹ orẹ wẹn re bruphihọ; kugbe ẹsosuọ rẹ emeranvwe, we mi hworo owanre vwẹ enu rẹ izobo rẹ ẹtorhẹ wẹn kugbe vwẹ enu rẹ izobo rẹ ufuoma wẹn; ena ke cha dia ekarophihọ vwẹ obaro rẹ Ọghẹnẹ wẹn: mẹvwẹ Ọrovwohwo rẹ Ọghẹnẹ wẹn.

Ukeri 28:11

Vwẹ ẹsosuọ rẹ emeranvwe wẹn ko wo ze izobo rẹ ẹtorhẹ kẹ Ọrovwohwo: emọ rẹ erhuẹn eshare ivẹ, egbo ọvo, imigodẹ rẹ eshare ighwrẹn rẹ ẹgbukpe ọvo ri vwo eka-an;

Iyẹnrẹ Esiri ri Jọn 8:59

Ọtiọye ayen de tọrọ elalọ nẹ ayen vwo phio; ẹkẹvuọvo Jesu de sioma nu, ọ da yan nẹ uwevwi rẹ ẹga na.

Iruo rẹ Iyinkọn na 17:14

Okpokpakpa na imoni na da ghwa vwi Pọl kpo obo abadi, ẹkẹvuọvo Sailas kugbe Timoti da daji etiyin.

Kolose 2:16

We gbi jẹ ohwo vwẹ uvwo rẹ eranvwe wariẹ ovwa-an, eyẹ udi-i eyẹ fiki rẹ edorẹ rẹ otuphro rẹ meranvwe eyẹ ẹdẹ rẹ urovwoma-a.

1 Samuẹl 19:2

Jonatan da ta kẹ Devid, Sọl rẹ ọsẹ mẹ guọnọ owẹ hwe; fiki rẹ ọtiọye na gba kẹnoma wẹn vwẹ irhiọke, kpo asan rọ djahere wo sioma wẹn nu;

1 Samuẹl 20:18

Jonatan da ta kẹ, Odẹ rọ cha ọye ọtuphro rẹ emeranvwe na; a cha nọ ekpẹn wẹ fikiridie asan wo tidia che phẹfia.

1 Samuẹl 20:19

Vwẹ ẹdẹ rerha a cha nọ ekpẹn wẹ gangan; gba yan kpo asan wo de sioma nu jovwo na rẹ ota na vwọ hẹ otọ na, re wọ vwẹ oma da ẹko rẹ ibieragha rọ hẹ abọ oboyi na.

1 Samuẹl 20:24

Etiyin Devid de sioma nu vwẹ evun rẹ aghwa na; ẹdẹ rẹ ọtuphro rẹ emeranvwe na vwo te, ovie na ko tidia rọ ria emu.

1 Samuẹl 20:27

Ẹkẹvuọvo vwẹ ẹdẹ rivẹ, rọ dia ẹdẹ rọ kpahe otuphro rẹ emeranvwe na, asan ri Devid je hẹ ofefe. Sọl da ta kẹ Jonatan rẹ ọmọ rọye, Die sorọ rẹ ọmọ ri Jesse na rha rhe rhew re emu vwẹ odẹ ro kpori na eyẹ nonẹ-ẹ?

1 Samuẹl 20:4

Etiyin Jonatan da ta kẹ Devid, Kemu kemu wọ tare, mi ruo kẹ wẹ.

1 Samuẹl 20:6

Ọ da dianẹ ọsẹ wẹn nọ ekpẹn mẹ, gba tanẹ, Devid vuẹ vwẹ nẹ ọye djẹ kpo obo orere rọye Bẹtlẹhẹm; kidie uvwiẹ rẹ ayen ejobi re ze izobo rẹ ẹgbukpe.