1 Samuẹl 20:41 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴¹ Rẹ ọmọ na ghwa vwọ yanran nu, Devid de vrẹn nẹ akakọ rẹ ekru rẹ ibieragha na rhe, ọ da bẹrẹ okpevun rhuotọ, o de gbe uyovwi kpotọ asiarha, ayen ohwohwo da fiọnfiọn ohwo unu, ayen da viẹ kẹ ohwohwo bẹsiẹ rẹ ẹro vwọ hiẹ Devid,

1 Samuẹl 20:41 ပူးပေါင်းရင်းမြစ်များ

Jẹnẹsis 29:11

Etiyin Jekọp da fiọnfiọn unu ri Rachel, ọ da viẹ phia.

Jẹnẹsis 29:13

Ọke ri Laban vwo nyo ikun ri Jekọp ọmọ rẹ oniọvo rọye, ọ da djẹ ra vwa, ọ da gbanọ, ọ da fiọnfiọn unu, ọ da reyọ kpo uwevwi rọye Jekọp de gbe ikun nana ejobi ki Laban.

Jẹnẹsis 33:4

Ẹkẹvuọvo Isọ da djẹ ra vwa, ọ da gbanọ, ọ da vwẹ uyovwi kpahọ ohọre ọ da fiọnfiọn unu, ayen da viẹ.

Jẹnẹsis 42:6

Vwẹ ọke nana Josẹf kọye osun rẹ otọ na ejobi; ọye je ohwo rọ shẹ kẹ ihwo rẹ otọ na ejobi. Emesẹ ri Josẹf na da rhe, ayen de diguẹ bọvwọ epharo rhu otọ vwọ kẹ.

Jẹnẹsis 43:28

Ayen da kpahe, Odibo wẹn ọsẹ rẹ avwanre na oma rọye dori, ọ jẹn akpọ? Ayen de gbe uyovwi kpotọ ayen da vwarọ.

Jẹnẹsis 45:15

Ọ da fiọnfiọn emesẹ rọye ejobi unu ọ da viẹ ku ayen; rẹ ena ejobi vwọ wan nu emesẹ rọye ejobi de nene gbe ikun.

2 Samuẹl 1:2

Vwẹ ẹdẹ rerha, nighe, ọshare ọvo de nẹ erhọn ri Sọl rhe, vẹ emwa rọye re bẹre vẹ ekpẹn vwẹ uyovwi rọye. Ọke ro vwo bru Devid rhe, o de she gberi otọ ọ da vwarọ.

2 Samuẹl 1:26

Mi vwerhi kẹ wẹ, omoni mẹ Jonatan; wọ nabọ je vwe gangan; ivuẹvwerhọ wẹn kpahe ovwẹ igbunu, ọ nọ ivuẹvwerhọ rẹ eya.

2 Samuẹl 14:4

Ọke rẹ aye ri Tekoa na vwo bru ovie rhe, o de she bọvwọn opharo rhuotọ o de yere ovie, ọ da ta, chuko, E ovie, ovie da ta kẹ,

2 Samuẹl 19:39

Kẹsiẹye ihwo na ejobi ke shariẹ urhie na, ovie da shariẹ; ovie da fiọnfiọn Barzillai unu ọ da vwẹ ẹrhovwo kẹ o de rhivwi kpo uwevwi rọye.

2 Samuẹl 9:6

Mefiboshet rẹ ọmọ ri Jonatan, rẹ ọmọ ri Sọl, de bru Devid rhe, o de she bọvwọn opharo rhuotọ vwẹ ọghọ kẹ ovie. Devid da ta, Mefiboshet, ọ da kpahe, Odibo wẹn na.

1 Ivie 1:16

Batsheba diguẹ ọ da vware ovie, ovie da nọ, Die wọ guọnọre?

1 Ivie 1:23

Ayen da vuẹ ovie nẹ, Netan rẹ ọmraro na rhere. Ọke rọ vwọ ro uwevwi bru ovie rhe, o de diguẹ bọvwọn opharo rhuotọ kẹ ovie.

1 Ivie 1:31

Etiyin Batsheba de diguẹ bọvwọn opharo rhuotọ, ọ da vware ovie, ọ da ta jẹn ọrovwovwe Ovie Devid tọn bẹdẹ.

Iruo rẹ Iyinkọn na 20:37

Ayen ejobi da viẹ ayen da gbanọ Pọl ayen da fiọnfiọn unu.

1 Samuẹl 10:1

Etiyin Samuẹl da reyẹ ukoko rẹ evwri o de kuo ku uyovwi rọye, ọ da fiọnfiọn unu ọ da ta, ọ dianẹ Ọrovwohwo re vwẹ evwri ghworo uwe nẹ wọ dia ovie vwẹ enu rẹ ihwo rọye Izrẹl? Ku wọ re vwẹ enu rẹ ihwo rẹ Ọrovwohwo na ku wo sivwi ayen nẹ obọ re ivwighrẹ re riariẹ ayen phihọ na. Ọnana kọ dia oka kẹ wẹ nẹ Ọrovwohwo ghine vwẹ evwri ghworo uwe nẹ wọ dia ovie vwẹ enu rẹ ughwẹ rọye.

1 Samuẹl 18:3

Etiyin Jonatan vi Devid da re ọphọ, fikiridie ọ guọnerọ kerẹ omaobọ rọye.

1 Samuẹl 20:40

Jonatan da ghwẹ ekuakua rọye kẹ ọmọ rọye na, ọ da ta kẹ, kpo re wọ ghwa ayen kpo obo orere na.

1 Samuẹl 24:9

Devid da ta kẹ Sọl, Die wọ vwọ kerhọ rẹ ihwo re tanẹ, Nighe, Devid guọnọ owẹ hwe?

1 Samuẹl 25:23

Ọke rẹ Abigail vwọ mrẹ Devid, ọ da fiavwoma, wotọ nẹ ekẹtẹkẹtẹ na rhe, o de she bọvwọ opharo rhuotọ vwẹ obaro ri Devid, o de gbe opharo phihọ otọ.